2000களில் குழந்தை நட்சத்திரமாக அறிமுகமான கீர்த்தி சுரேஷ், 2013ம் ஆண்டில் கீதாஞ்சலி எனும் மலையாளத் திரைப்படத்தின் மூலமாக கதாநாயகியாக அறிமுகமாகி, தமிழில் விக்ரம் பிரபு நடித்த "இது என்ன மாயம்" திரைப்படத்தில் நடித்து பிரபலமானார். அதேபோல் ரஜினிமுருகன், பைரவா, நடிகையர் திலகம், சண்டைக்கோழி 2, சாமி 2 போன்ற படங்ககளில் நடித்து உள்ளார். 

இதில் சண்டைகோழி 2 படத்தில் டிவிஎஸ் எக்ஸலை வீலிங் செய்து அனைவரது ட்ரோலையும் வாங்கி குவித்து பிரபலமானார். அதன் பின் சாமி 2 படத்தில் பிரபுவிற்கு மகளாக நடித்த இவர், "பெண்ணே உன்ன பாத்தா என் நெஞ்சிக்குள்ள டியூனு" என்ற பாடல் மூலம் பிரபலமானார். இவை எல்லாம் ஒரு புறம் இருந்தாலும் இவரது அழகை ரசிகர்கள் மனதில் பதியவைத்த படம் "ரஜினிமுருகன்". அதில் வரும் "உன் மேல ஒரு கண்ணு" பாடலின் காட்சிகள் தான் அவரது முகத்தை நெஞ்சில் பதியவைத்தது.  

இதையும் படிங்க: இந்த வெட்கத்துக்கு கோடி ரூபாய் கொடுத்தாலும் ஈடாகாது..! கீர்த்தி சுரேஷின் ஹனிமூன் போட்டோஸ் வைரல்..!

இந்த நிலையில், கேரளாவை சேர்ந்த தொழிலதிபர் 'அந்தோணி தட்டிலை' 15 வருடங்களாக காதலித்து வந்த கீர்த்தி சுரேஷ், கடந்த 2024 டிசம்பர் 12ஆம் தேதி கோவாவில் பாரம்பரிய தமிழ் பிராமண மற்றும் கிறிஸ்தவ முறைப்படி திருமணம் செய்துகொண்டார். இவரது திருமண நிகழ்ச்சியில் ஏராளமான திரை பரபலங்கள் கலந்துகொண்டனர்.   இதனையடுத்து ஹனிமூனில் பிசியாக இருந்த கீர்த்தி சுரேஷ், சமீபத்தில் கிறிஸ்தவ முறைப்படி நடைபெற்ற திருமண போட்டோக்களை பகிர்ந்து ரசிகர்களை உற்சாகப்படுத்தி இருந்தார்.

இப்படி இருக்க தற்பொழுது, தி ரூட், தி ஃபேஷன் ஸ்டூடியோஸ் ஆகிய நிறுவனங்களின் தயாரிப்பில், சரஸ்வதி சபதம் படத்தை இயக்கிய ஜே.கே.சந்துரு இயக்கத்தில் நடிகை கீர்த்தி சுரேஷின் நடிப்பில் வெளியாக காத்திருக்கும் திரைப்படம் தான் " ரிவால்வர் ரீட்டா".

கடந்த வருடமே இப்படத்தின் படப்பிடிப்புகள் முடிந்துள்ள சூழலில் கீர்த்தி சுரேஷின் பிறந்த நாளில் இப்படத்தின் ட்ரெய்லர் வெளியானது.இப்படத்தின் மீதுள்ள எதிர்பார்ப்பு மக்கள் மத்தியில் அதிகரித்துள்ளது.  இந்த நிலையில், இன்று ஈரோட்டில் உள்ள ஒரு தனியார் மொபைல் கடை திறப்பு விழாவில் கலந்துக் கொண்டார் நடிகை கீர்த்தி சுரேஷ். இவரை பார்க்க திரண்ட ஏராளமான ரசிகர்கள் மத்தியில் பேச தொடங்கிய கீர்த்தி சுரேஷ், என் மீது அதிகளவு அன்பு காட்டுகின்ற என தருமை ரசிகர்களே என பேசிக்கொண்டிருக்கும் பொழுதே, TVK.. TVk....TVK... என்ற கோஷங்களை எழுப்பத் தொடங்கினர்.

இதனை கேட்டு அதிர்ச்சியடைந்த கீர்த்தி சுரேஷ், புன்னகையுடன் ஹார்ட் சிம்பிளை ரசிகர்களுக்கு காட்டினார். உடனே ரசிகர்கள் மகிழ்ச்சியில் துள்ளி குதித்தனர். 

இதையும் படிங்க: இந்த வெட்கத்துக்கு கோடி ரூபாய் கொடுத்தாலும் ஈடாகாது..! கீர்த்தி சுரேஷின் ஹனிமூன் போட்டோஸ் வைரல்..!