தென்னிந்திய திரையுலகில் கடந்த சில ஆண்டுகளாக அதிகம் பேசப்பட்ட காதல் ஜோடிகளில் முன்னணியில் இருந்தவர்கள் விஜய் தேவரகொண்டா மற்றும் ராஷ்மிகா மந்தன்னா.

இவர்களின் உறவு குறித்து பல்வேறு வதந்திகள், கிசுகிசுக்கள், சமூக வலைதள விவாதங்கள் தொடர்ந்து வந்துகொண்டிருந்த நிலையில், பிப்ரவரி 26ஆம் தேதி நடைபெற்றதாக கூறப்படும் இவர்களின் திருமணம் தற்போது ரசிகர்கள் மத்தியில் மிகப்பெரிய பேச்சு பொருளாக மாறியுள்ளது.

இதையும் படிங்க: வாழ்த்து சொன்னவரை மறக்க முடியுமோ..! திருமணம் முடிந்த கையுடன் பிரதமரை பார்த்து ஆசி பெற்ற விஜய் - ராஷ்மிகா..!

கடந்த சில நாட்களாகவே “திருமணம் நடக்கிறது”, “நிச்சயதார்த்தம் முடிந்துவிட்டது”, “ரகசியமாக விழா ஏற்பாடுகள் நடைபெறுகின்றன” போன்ற தகவல்கள் இணையத்தில் வைரலாகின.

ரசிகர்கள் மட்டுமின்றி, திரையுலக வட்டாரங்களிலும் இதுகுறித்து ஆர்வம் அதிகரித்தது.

குறிப்பாக, இருவரும் நீண்ட காலமாக இணைந்து காணப்பட்டதாலும், பல்வேறு பொது நிகழ்ச்சிகளில் ஒன்றாக பங்கேற்றதாலும், இந்த திருமணச் செய்தி பெரிதாக ஆச்சரியப்படுத்தவில்லை என்றாலும், அதிகாரப்பூர்வ புகைப்படங்களை பார்க்க ரசிகர்கள் ஆவலுடன் காத்திருந்தனர்.

இன்று வெளியாகிய தகவல்களின் படி, இருவரின் வீட்டு மரபுப்படி இரண்டு முறையாக திருமணச் சடங்குகள் நடைபெற்றுள்ளதாக கூறப்படுகிறது.

முதலில் விஜய் தேவரகொண்டா குடும்பத்தின் தெலுங்கு பாரம்பரிய முறையில் திருமணம் நடைபெற்றதாகவும், பின்னர் ராஷ்மிகாவின் குடும்ப வழக்கப்படி கொடவா மரபில் திருமணச் சடங்குகள் நடந்ததாகவும் தகவல்கள் தெரிவிக்கின்றன.

காலை நேரத்தில் நெருங்கிய உறவினர்கள் மற்றும் நண்பர்கள் முன்னிலையில் எளிமையான முறையில் இந்த திருமணம் நடைபெற்றதாக கூறப்படுகிறது.

திருமண நிகழ்ச்சிக்கான அலங்காரங்கள் மிக நேர்த்தியாக செய்யப்பட்டிருந்ததாக தகவல்கள் கூறுகின்றன.

பாரம்பரிய அலங்காரத் தீம், மலர் அலங்காரம், தென்னிந்திய கலாசாரத்தை பிரதிபலிக்கும் மேடை அமைப்பு ஆகியவை விழாவை அழகுபடுத்தியதாக கூறப்படுகிறது.

மணமகனாக விஜய் தேவரகொண்டா வெள்ளை நிற வேஷ்டி, சட்டை அணிந்து எளிமையாகத் தோன்றியதாகவும், மணமகளாக ராஷ்மிகா பாரம்பரிய புடவையில் நகைச்சுவையுடன் ஜொலித்ததாகவும் ரசிகர்கள் சமூக வலைதளங்களில் பகிர்ந்துவரும் தகவல்கள் தெரிவிக்கின்றன.

திருமண புகைப்படங்களை விஜய் தேவரகொண்டா தனது சமூக வலைதள பக்கத்தில் வெளியிட்டதுமே, சில நிமிடங்களில் அவை வைரலாகின. லட்சக்கணக்கான லைக்குகள், ஆயிரக்கணக்கான வாழ்த்து கருத்துகள் பதிவாகின.

இதையும் படிங்க: மஞ்சக்காட்டு மைனாவாக ஜொலிக்கும் நடிகை அபர்ணா பாலமுரளி..! லேட்டஸ்ட் அழகிய போட்டோஷூட்..!