2026-ம் ஆண்டு தமிழ் புத்தாண்டு திருநாளான ஏப்ரல் 14-ம் தேதி தமிழ்த் திரைப்பட உலகில் பெரும் திருவிழா மாதிரி அமையவிருக்கிறது. ஏனெனில், இரண்டு பெரும் நட்சத்திரங்களை மையமாகக் கொண்ட படங்கள் ஒரே நாளில் மோத உள்ளன. இது ரசிகர்கள் மத்தியில் கடும் எதிர்பார்ப்பை ஏற்படுத்தியிருக்கும் நிலையில், தயாரிப்பாளர்கள், திரையரங்க உரிமையாளர்கள் மற்றும் விநியோகஸ்தர்களிடையே பெரும் ஆர்வத்தையும் கிளப்பியுள்ளது.

பழைய பாணியில் சமூக பின்னணி மோதல்களை விறுவிறுப்பாக கூறிய ‘ரெட்ரோ’ திரைப்படம் இயக்குநர் ஆர்.ஜே.பாலாஜிக்கு ஒரு புதிய அடையாளத்தை உருவாக்கி வைத்தது. அதனைத் தொடர்ந்து, அவர் இயக்கியுள்ள புதிய திரைப்படம் தான் ‘கருப்பு’. இதில் நம்முடைய நம்பர் ஒன் ஹீரோ சூர்யா முக்கிய கதாபாத்திரத்தில் நடித்துள்ளார். 'கருப்பு' திரைப்படத்தில் சூர்யாவுக்கு ஜோடியாக, தமிழ் சினிமாவின் எப்போதும் பிரபலமாக இருக்க கூடிய நடிகை திரிஷா நடித்துள்ளார். பல வருடங்களுக்கு பிறகு திரிஷா – சூர்யா கூட்டணி திரையில் சேர்வது என்ற செய்தியே இந்தப் படத்துக்கு மிகுந்த ஆவலாக ரசிகர்கள் காத்திருக்க காரணமாக இருக்கிறது. 'கருப்பு' திரைப்படம் சமூக மற்றும் அரசியல் பின்னணியுடன் கூடிய ஒரு உணர்ச்சி பொங்கும் அரசியல்-திரில்லர் படமாக உருவாகியுள்ளது என கூறப்படுகிறது. இந்த படம் 2026 ஏப்ரல் 14 - தமிழ் புத்தாண்டு அன்று வெளியாகும் என்று அதிகாரப்பூர்வமாக அறிவிக்கப்பட்டுள்ளது.

இதற்காக ப்ரீ-ரிலீஸ் பிரமோஷன் வேலைகளும் தீவிரமாக நடந்து வருகின்றன. இப்படி இருக்க இதே நாளில் வெளியாக உள்ள இன்னொரு பெரிய திரைப்படம், இயக்குநர் சுந்தர்.சியின் புதிய படம். இதில் கதாநாயகனாக விஷால் நடித்திருக்கிறார். சமீபத்தில் தான், சுந்தர்.சி – விஷால்  கூட்டணியில் உருவாகி நீண்ட காலமாக கைவிடப்பட்டிருந்த 'மத கஜ ராஜா' திரைப்படம் பொங்கலுக்கு வெளியானது. எதிர்பார்த்ததைவிட சிறப்பான வரவேற்பைப் பெற்றது. இந்த வெற்றியின் பாதையில், சுந்தர்.சி – விஷால் கூட்டணி மீண்டும் இணையவுள்ளதாக அதிகாரப்பூர்வ தகவல்கள் உறுதி செய்துள்ளன.

இதையும் படிங்க: வெறித்தனமாக இருக்கும் "காந்தாரா சாப்டர் 1"..! நடிப்பில் தெறிக்கவிட்ட ரிஷப் ஷெட்டி...!

முதலில், கார்த்தியை வைத்து இயக்க திட்டமிட்டிருந்த இந்தப் படம், சில காரணங்களால் கைவிடப்பட்டதாகவும், அதற்குப் பதிலாக விஷாலை தேர்வு செய்துள்ளதாகவும் கூறப்படுகிறது. இந்த படம் ஒரு ஆக்ஷன் மற்றும் நகைச்சுவை கலந்த பார்வையாளர்களுக்காகக் காத்திருக்கும் மெகா பொழுதுபோக்கு படமாக உருவாகிறது. மூன்றே மாதங்களில் இந்தப் படத்தை முடித்து, அதே தமிழ் புத்தாண்டு தினத்திலேயே வெளியிடத் திட்டமிட்டு இருக்கிறார் சுந்தர்.சி. இந்நிலையில், தற்போது நயன்தாரா நடிப்பில் உருவாகியுள்ள 'மூக்குத்தி அம்மன் – 2' திரைப்படம் இறுதிக்கட்டப் பணிகளில் உள்ளது. இப்படத்தின் படப்பிடிப்பு முடியும் நிலையில் இருக்க, நவம்பர் மாதம் விறுவிறுப்பாக விஷால் நடிக்கும் புதிய படத்தின் படப்பிடிப்பை தொடங்க திட்டமிட்டுள்ளார் சுந்தர்.சி.

இதன் மூலம், சுந்தர்.சி – விஷால் கூட்டணியின் அடுத்த படம், விரைவாக உருவாகி, ஏப்ரல் மாதம் திரைக்கு வர இருப்பது உறுதி செய்யப்படுகிறது. 2026 ஏப்ரல் 14 தமிழ் புத்தாண்டு அன்று, சூர்யா நடித்த 'கருப்பு' மற்றும் விஷால் நடிக்கும் சுந்தர்.சி இயக்கும் புதிய படம் என இரண்டு பெரிய திரைப்படங்கள் நேரடியாக மோதவுள்ளன. இரண்டும் பெரிய ஹீரோக்களும், பிரபலமான இயக்குநர்களும், வியாபார ரீதியாக பலத்த எதிர்பார்ப்பும் உள்ள படங்கள் என்பதால், திரையரங்குகளில் பெரும் கூட்டம், டிக்கெட் பிரச்சனை, முன்னணி சினிமாக்கள் இடைப்போட்டியில் எந்த படம் ஜெயிக்கும் என்பது ரசிகர்களுக்கு ஒரு சுவாரசியமான சவாலாக இருக்கலாம்.

விநோதக் கதையம்சத்தால் 'கருப்பு' கலக்கும், அல்லது பரபரப்பான வெறித்தனமான கதையுடன் சுந்தர்.சி – விஷால் கூட்டணி வெற்றி பெறுமா? நிச்சயமாக இது தமிழ் சினிமா ரசிகர்களுக்கு ஒரு திருவிழா போல அமையவிருக்கிறது. தொடர்ந்து பட்ஜெட், தயாரிப்பு விபரங்கள், ஃபர்ஸ்ட் லுக் ரிலீஸ்கள், பாடல்கள் மற்றும் ட்ரெய்லர் விவரங்கள் வரவிருக்கும் நாட்களில் வெளியாகும்.

இதையும் படிங்க: 63-வயதில் மீண்டும் திருமணமா..! 4-வது கல்யாணத்திற்கு தயாராகும் டாம் குரூஸ்..!