சென்னை ராஜீவ் காந்தி அரசு பொது மருத்துவமனையில் சமீபத்தில் ஆய்வு மேற்கொண்ட தமிழக மருத்துவம் மற்றும் மக்கள் நல்வாழ்வுத் துறை அமைச்சர் அருண்ராஜ், அரசு மருத்துவமனைகளின் தற்போதைய நிலை குறித்து முக்கியமான கருத்துகளைத் தெரிவித்தார். அரசு மருத்துவமனைகளில் சுத்தம் மற்றும் சுகாதாரமான சூழல் போதுமான அளவில் இல்லாததாலேயே மக்கள் தனியார் மருத்துவமனைகளை நோக்கி செல்லும் நிலை உருவாகியுள்ளது என்ற பொதுவான புகாரை அவர் கூறினார்.

தமிழக அரசு மருத்துவமனைகள் மற்ற மாநிலங்களுடன் ஒப்பிடுகையில் சிறப்பாகவே செயல்படுவதாகவும், இதை மேலும் மேம்படுத்துவதற்கான சூழல் இருப்பதாகவும் வலியுறுத்தினார். ஆய்வுக்குப் பிறகு அளித்த பேட்டியில்,  “அரசு மருத்துவமனையில் சுத்தம் மற்றும் சுகாதாரமான சூழல் இருக்காது என்பதனாலேயே மக்கள் தனியார் மருத்துவமனையை நோக்கி செல்லும் நிலை உள்ளது.

மற்ற மாநிலங்களை ஒப்பிடுகையில் தமிழகத்தில் அரசு மருத்துவமனை சிறப்பாகவே இருக்கிறது. இதை மேம்படுத்துவதற்கான சூழல் இருக்கிறது. அதற்கான முயற்சிகளை நாங்கள் மேற்கொள்வோம்.” இந்தக் கருத்துகள் தமிழக சுகாதாரத் துறையின் எதிர்கால திட்டங்கள் குறித்து பெரும் எதிர்பார்ப்பை ஏற்படுத்தியுள்ளன.

இதையும் படிங்க: மக்கள் நலன் கருதி 5,000 மருந்தகங்கள் வழக்கம் போல் இயங்கும் என அமைச்சர் அருண்ராஜ் அறிவிப்பு!

அரசு மருத்துவமனைகளில் நோயாளிகளுக்கு தரமான சிகிச்சை கிடைக்கும் நம்பிக்கையை உருவாக்க வேண்டும் என்று அமைச்சர் வலியுறுத்தியுள்ளார். சுத்தம், உள்கட்டமைப்பு, மருத்துவ உபகரணங்கள், பணியாளர்கள் பயிற்சி உள்ளிட்ட பல்வேறு அம்சங்களில் குறைகளைச் சரி செய்ய உடனடி நடவடிக்கைகள் எடுக்கப்படும் என எதிர்பார்க்கப்படுகிறது.

இதையும் படிங்க: விஜய்யின் தவெகவுக்கு தாவும் பாஜக இளைஞர்கள்! கட்சியை காக்க மீண்டும் தலைமை ஏற்கிறார் அண்ணாமலை?!