தமிழக முதலமைச்சர் விஜய்யின் மகன் ஜேசன் சஞ்சய் இயக்குநராக அறிமுகமாகும் முதல் படம் ‘சிக்மா’ அக்டோபர் 2-ஆம் தேதி உலகளாவிய திரையரங்குகளில் வெளியாக உள்ளது. லைகா புரொடக்ஷன்ஸ் தயாரிப்பில் உருவாகியுள்ள இந்த ஆக்‌ஷன்-காமெடி ஹைஸ்ட் திரைப்படத்தில் சந்தீப் கிஷன் முதன்மை வேடத்தில் நடித்துள்ளார். 

படத்தின் முன்னோட்ட விழா சமீபத்தில் சேலத்தில் நடைபெற்றது. சேலத்தில் படத்தின் சில பகுதிகள் படமாக்கப்பட்டதால் அந்த நகருக்கு சிறப்பு முக்கியத்துவம் கொடுக்கப்பட்டுள்ளது. விழாவில் பேசிய ஜேசன் சஞ்சய், முதலில் தனது குடும்பத்தினருக்கு நன்றி தெரிவித்தார். அப்போது கூட்டத்திலிருந்து ‘டி.வி.கே., டி.வி.கே.’ என்ற குரல்கள் எழுந்தன. அதைக் கேட்டவுடன் அவர் கட்டை விரலை உயர்த்தி காட்டி, ரசிகர்களின் ஆர்வத்தை வரவேற்றார். 

தொடர்ந்து படம் குறித்து விளக்கிய அவர், “நம் அனைவருக்கும் வாழ்க்கையில் ஒரு ‘சிக்மா’ தருணம் இருந்திருக்கும். பெரிய கஷ்டங்களில் சிக்கி, ஒரு முடிவால் அதிலிருந்து எழுந்து வந்து வாழ்க்கையே மாறிவிடும் அனுபவம். அப்படிப்பட்ட சராசரி மனிதனின் கதைதான் இந்தப் படம். உங்கள் அனைவரும் இதனுடன் எளிதில் இணைந்து கொள்ள முடியும் என நம்புகிறேன்” என்றார். விழாவில் தொகுப்பாளர் கேட்ட கேள்விகளுக்கு அவர் அளித்த பதில்கள் ரசிகர்களை மகிழ்வித்தன. 

இதையும் படிங்க: என்னை அவமானப்படுத்துறவங்க நல்லாவே இருக்கமாட்டிங்க..!! கெனிஷாவின் இன்ஸ்டா ஸ்டோரி யாருக்கானது.. சந்தேகத்தில் ரசிகர்கள்..!

தியேட்டரில் முதல் முறையாக பார்த்த படம் எது என்ற கேள்விக்கு, “திருமலை. அப்போது எனக்கு மூன்று வயதுதான்” என்றார். இயக்குநராக ஆசையைத் தூண்டிய படம் எது என்ற கேள்விக்கு, “சிட்டி ஆஃப் காட் படம்தான் என்னை அதிகம் ஈர்த்தது. அதுதான் என்னை இந்தத் துறைக்கு இழுத்தது” என்று பதிலளித்தார். அதிகாரப்பூர்வமாக இயக்குநராக ஆனதை முதலில் யாரிடம் சொன்னீர்கள் என்ற கேள்விக்கு, “அம்மாவிடம்தான். அவர் மிகவும் மகிழ்ந்தார்” என்றார்.

கல்லூரி வாழ்க்கை குறித்த கேள்வியில், “அட்டெண்டன்ஸ் 60 சதவீதம் இருந்தால் எப்படி சமாளிப்பீர்கள்?” என்று கேட்கப்பட்டபோது, “60 சதவீதமா? எனக்கு 40-ஐயும் தாண்டியதில்லை போல. மாணவர்கள் யாரும் என்னைப் பின்பற்ற வேண்டாம்” என்று நகைச்சுவையாக பதிலளித்தார்.

ஜேசன் சஞ்சய் வெளிநாட்டில் திரைப்படக் கல்வி பயின்று, குறும்படங்கள் இயக்கிய பின்னர் இந்த முழுநீளப் படத்திற்கு வந்துள்ளார். படத்தில் ஃபரியா அப்துல்லா உள்ளிட்டோர் முக்கிய வேடங்களில் நடித்துள்ளனர். தமன் இசையமைத்துள்ளார். இந்தப் படம் சராசரி மனிதனின் போராட்டத்தையும் வெற்றியையும் சித்தரிக்கும் என்பதால் இளைஞர்கள் மத்தியில் பெரும் எதிர்பார்ப்பு நிலவுகிறது.

இதையும் படிங்க: அரசியலை ரசனைக்காக பார்க்காதீங்க..!! முதல்வர் விஜய், திமுகவை விமர்சித்த விவகாரத்தில் போஸ் வெங்கட் காட்டமான பதிலடி..!