தமிழ் திரையுலக வரலாற்று நடிகைகளில் காமெடி சூப்பர் ஸ்டார் மனோரமா, கோவை சரளா என்பது அனைவருக்கும் தெரியும். அதேபோல் நடிகர்களில் காமெடி சூப்பர் ஸ்டார் என்றால் வைகைப்புயல் வடிவேலு, சந்தானம். கதாநாயகர்களில் சூப்பர் ஸ்டார் என்றால் ரஜினிகாந்த், அதே கதாநாயகி சூப்பர் ஸ்டார் என்றால் நயன்தாரா ஒருவரே. பல விமர்சனங்களையும், வலிகளையும் கடந்து தன் உழைப்பாலும், தன் திறமையாலும்  ரசிகர்கள் மனதில் தனக்கென ஒரு இடத்தை பிடித்து, இன்றளவும் லேடி சூப்பர் ஸ்டார் ஆக நயன்தாரா வலம் வருகிறார்.

இன்றும் நயன்தாராவின் அறிமுகப்படமான 'ஐயா' திரைப்படம் யாராலும் மறக்க முடியாது. இயக்குநர் ஹரி இயக்கத்தில் உருவான இந்தப் படத்தில் சரத்குமாருக்கு ஜோடியாக நயன்தாரா நடித்திருப்பார். தனது வெகுளித்தனமான நடிப்பில் அப்பொழுதே ரசிகர்களை உருவாக்கியவர். அதன் பின் தமிழ், தெலுங்கு மலையாளம் போன்ற படங்களில் நடித்து வந்தவர். நாளடைவில் சூப்பர் ஸ்டார் ரஜினிகாந்த் உடன் சந்திரமுகி படத்தில் நடித்து, விஜயின் சிவகாசி படத்தில் "நான் சூப்பர் ஸ்டார் ஜோடி" என்ற பாட்டுக்கு நடனமாடி  நயன்தாரா என்றாலே 'சூப்பர் ஸ்டார் ஜோடி' என்ற புனைப்பெயரைப் பெற்றார்.

இதையும் படிங்க: லாஸ்லியாவை விடாமல் துரத்தும் கவின்..! வேதனையின் உச்சத்தில் நடிகை குமுறல்..!

நயன்தாராவின் தனிப்பட்ட வாழ்க்கையில் நடந்த சில கசப்பான சம்பவங்களுக்கு பின்னர் திரைத்துறையை விட்டே வெளியே செல்ல முடிவெடுத்தார். ஆனால் சோதனையை சாதனையாக மாற்ற முடிவு எடுத்த நயன்தாரா தனது கடின உழைப்பால் இன்று கோலிவுட்டை தாண்டி பாலிவுட்டிலும் அடி எடுத்து வைக்கும் அளவிற்கு வளர்ந்துள்ளார். ஒரு காலத்தில் நயன்தாராவை விமர்சனம் செய்தவர்கள் கூட வாயடைத்துப் போகும் அளவிற்கு இந்தியா முழுவதும் ரசிகர் பட்டாளங்களை உருவாக்கி, விக்னேஷ் சிவனை திருமணம் செய்து, அழகான குழந்தைகளுக்கு தாயாக மாறி... குடும்ப வாழ்க்கையிலும், தொழிலிலும் மிகப்பெரிய இடத்தையும் பிடித்து சாதனை பெண்ணாக வலம் வருகிறார்.

இந்த நிலையில், ஷாருக்கானின் ஜவான் படத்திற்கு பிறகு, வட இந்திய மக்கள் மனதிலும் இடம் பிடித்திருக்கிறார் நயன்தாரா. இதனை தொடர்ந்து தமிழ் நடிகர்கள் பலரும் நயன்தாராவுடன் நடிக்காமல் இருக்க, தற்போது கன்னடத்தில் யஷ் நடித்து வரும் 'டாக்ஸிக்' படத்தில்  முக்கிய கதாபாத்திரத்தில் நயன்தாரா நடித்து வருகிறார். இந்த சூழலில், இப்படப்பிடிப்புக்காக மும்பை, பாந்த்ராவில் முகாமிட்டு உள்ளார் நயன்தாரா. இந்த படப்பிடிப்பின் போது செம க்யூட் ஆன ஆடையில் நயன்தாரா ரசிகர்களைப் பார்த்து கையை அசைத்த புகைப்படம் தற்போது சமூக வலைத்தளங்களில் பகிரப்பட்டு வருகிறது.

ஹாலிவுட்டில் கலக்கிய நயன்தாரா பாலிவுட்டை தாண்டி ஹாலிவுட்டிலும் நடிக்கும் காலம் வரும் என ரசிகர்கள் புகழாரம் சூட்டி வருகின்றனர்.

இதையும் படிங்க: படுஜோராக ரீரிலீஸ் ஆகிறது ஆட்டோகிராப்..! AI தொழில்நுட்பத்தில் ஜொலிக்கும் சினேகா, சேரன்..!