நேபாளத்தை சேர்ந்தவர் ஷர்மிளா தாபா. இவர் தனியார் தொலைக்காட்சி ஒன்றின் காமெடி நிகழ்ச்சியின் மூலம் பிரபலமானார். அதை தொடர்ந்து நடிகர் அஜீத்தின் திரைப்படங்களான விசுவாசம், வேதாளம் மற்றும் ரவி நடித்த சகலகலா வல்லவன் போன்ற படத்தில் நடித்திருக்கிறார். அதுமட்டுமில்லாமல் சின்னத்திறையிலும் அவர் தற்போது நடித்து வருகிறார். இவர் நடன உதவி இயக்குனரான ரகு என்பவரை காதலித்து வந்தார். 10 வருட காதலுக்கு பிறகு ரகு ஷர்மிளா தப்பாவின் திருமணம் 2019 ஆம் ஆண்டு பெற்றோர் சம்மதத்துடன் சென்னையில் நடைபெற்றது.

திருமணத்திற்கு பிறகு இவர்கள் சென்னையில் வசித்து வருகின்றனர். பிரபல நடிகையான அர்ச்சனா மூலம் சின்னத்திரைக்கு வந்தார். அதற்கு பிறகு சன் குழுமத்தின் ஆதித்யா தொலைக்காட்சியில் இணைந்து பணியாற்றினார். அதற்கு பிறகு ஆதவன் உள்ளிட்ட பல சின்னத்திரை பிரபலங்களுடன் இணைந்து நிகழ்ச்சியை தொகுத்து வழங்கினார். அதற்கு பிறகு சினிமா துறையில் அவர் கால் வைத்து விவேக், சூரி உள்ளிட்ட நடிகர்களுடம் இணைந்து காமெடியில் கலக்கி வந்தார்.

இதையும் படிங்க: வெளியானது வீர தீர சூரன் பட மேக்கிங் வீடியோ..! விக்ரமின் நடிப்பை கண்டு மக்கள் மகிழ்ச்சி..!

இந்த நிலையில் அவர் தனது பாஸ்போர்ட் காலாவதி ஆன நிலையில் மீண்டும் வழங்க வேண்டும் என விண்ணப்பித்ததாக கூறப்படுகிறது. திருமணத்திற்கு பிறகு கணவருடன் வசித்து வந்த நிலையில் அவருக்கு இந்திய ஆவணங்கள் வழங்கப்பட்டதாக கூறப்படுகிறது. அதில் அவரது வீட்டு முகவரியாக அண்ணா நகர் முகவரியை ஆவணமாக கொடுத்துள்ளார். ஆதார் உள்ளிட்ட அடையாள அட்டைகளையும் அவர் சமர்ப்பித்ததாக கூறப்படுகிறது.

இதன் மூலம் தான் சர்ச்சை கிளம்பியது. நேபாளத்தை சேர்ந்த அவருக்கு எப்படி இந்திய குடியுரிமை ஆவணங்கள் கிடைத்தது? மேலும் அவருக்கு எப்படி ஆதார் அட்டை வழங்கப்பட்டது? உள்ளிட்ட பல்வேறு சந்தேகங்கள் எழுந்தன. இதை அடுத்து விசாரணை நடத்த மத்திய உள்துறை அமைச்சகத்தின் கீழ் செயல்படும் வெளிநாட்டினர் மண்டல பதிவு அலுவலகம் தரப்பில் புகார் அளிக்கப்பட்டது. இது தொடர்பாக மத்திய குற்றப்பிரிவு போலீசார் வழக்கு பதிவு செய்து மோசடி மற்றும் பாஸ்போர்ட் சட்டம், உள்ளிட்ட பிரிவுகளின் கீழ் வழக்கு பதிவு செய்து விசாரணை மேற்கொண்டு வருகின்றனர்.

இதையும் படிங்க: தமன்னாவை ஐஸ்கிரீமுடன் ஒப்பிட்ட விஜய் வர்மா...! சூசகமாக காதல் பிரிவை அறிவித்து வருத்தம்..!