நேற்றைய நிலவரப்படி, 22 காரட் ஆபரண தங்கம் ஒரு கிராம் 8,710 ரூபாய்க்கும், சவரனுக்கு 69,680 ரூபாய்க்கும் விற்பனையானது. 

தங்கம் விலை நிலவரம் (21/05/2025): 

இன்றைய நிலவரப்படி, (புதன்கிழமை) 22 காரட் ஆபரண தங்கத்தின் விலை கிராமிற்கு 220 ரூபாய் உயர்ந்து 8 ஆயிரத்து 930 ரூபாய்க்கும், சவரனுக்கு 1,760 ரூபாய் உயர்ந்து, ரூ.70 ஆயிரத்தை கடந்து 71 ஆயிரத்து 440 ரூபாய்க்கும் விற்பனையாகி வருகிறது. ரூ.70 ஆயிரத்திற்கு கீழ் இருந்த தங்கம் விலை இன்று ஒரே நாளில் தடாலடியாக உயர்ந்துள்ளது நகைப்பிரியர்களிடையே அதிர்ச்சியை ஏற்படுத்தியுள்ளது. 

இதையும் படிங்க: உலகிலேயே மலிவான தங்கம் இந்த நாட்டில்தான் கிடைக்கிறது.. எந்த நாடு தெரியுமா.?

இன்றைய வர்த்தகத்தின் போது 24 காரட் சுத்த தங்கத்தின் விலை கிராமிற்கு 240 ரூபாய் உயர்ந்து 9 ஆயிரத்து 742 ரூபாய்க்கும், சவரனுக்கு 1,920 ரூபாய் உயர்ந்து 77 ஆயிரத்து 936 ரூபாய்க்கும் விற்பனையாகி வருகிறது. 

வெள்ளி விலை நிலவரம்:

தங்கம் விலை உயர்ந்தது போல் வெள்ளி விலையும் அதிகரித்துள்ளது. வெள்ளி கிராமிற்கு 3 ரூபாய் உயர்ந்து  111 ரூபாய்க்கும், கிலோவிற்கு ரூ.3000 உயர்ந்து ஒரு லட்சத்து 11 ஆயிரம் ரூபாய்க்கும் விற்பனையாகிறது. 

உயர்வுக்கான காரணம் என்ன?

அமெரிக்க அதிபராக டிரம்ப் பதவியேற்றதில் இருந்து பல்வேறு அதிரடி நடவடிக்கைகளை எடுத்து வருகிறார். இதனால் பொருளாதாரத்தில் ஏற்பட்ட தாக்கம் மற்றும் உலக நாடுகள் மத்தியில் நிலவும் பொருளாதார நிச்சயமற்ற நிலைமை, போர் உள்ளிட்ட காரணங்களால் தங்கத்தின் மீதான முதலீடுகள் அதிகரித்து இருப்பதே தங்கம் விலை உயர்வுக்கு காரணமாக பார்க்கப்படுகிறது.

இதையும் படிங்க: தங்கத்தை வாங்க முடியலனா என்ன? தங்கப் பங்குகளில் லாபத்தை சம்பாதிக்கலாம் தெரியுமா?