மத்திய அரசு ஒரு அதிரடி முடிவு எடுத்திருக்கு! பிரதமர், மத்திய அமைச்சர்கள், முதலமைச்சர்கள், மாநில அமைச்சர்கள்... யாரா இருந்தாலும், கடுமையான குற்றங்களில் கைது செஞ்சு, 30 நாள் காவலில் இருந்தா, 31-வது நாள் பதவியை இழக்கணும்னு மூணு புது மசோதாக்களை நாடாளுமன்றத்தில் கொண்டுவரப் போகுது.

இந்த மசோதாக்களை மத்திய உள்துறை அமைச்சர் அமித் ஷா இன்று (ஆகஸ்ட் 20, 2025) மக்களவையில் அறிமுகப்படுத்தப் போறாரு. இந்த மசோதாக்கள், நாடாளுமன்ற கூட்டுக் குழுவுக்கு பரிசீலனைக்கு அனுப்பப்படும்னு சொல்றாங்க. இது அரசியல் வட்டாரத்துல பெரிய பரபரப்பை கிளப்பியிருக்கு!

இந்த மசோதாக்கள் என்னனு பார்த்தா, முதலாவது ‘யூனியன் பிரதேச அரசு (திருத்த) மசோதா 2025’, ரெண்டாவது ‘அரசமைப்பு (130-வது திருத்த) மசோதா 2025’, மூணாவது ‘ஜம்மு-காஷ்மீர் மறுசீரமைப்பு (திருத்த) மசோதா 2025’. இதுல முக்கியமா, குறைந்தபட்சம் 5 வருஷ சிறை தண்டனை கிடைக்கக்கூடிய குற்றங்களில் யாராவது கைது ஆகி, தொடர்ந்து 30 நாள் காவலில் இருந்தா, 31-வது நாள் அவங்க ராஜினாமா செய்யணும். 

இதையும் படிங்க: செஞ்ச தப்பை நினைச்சு வருந்தினாரு நேரு!! சிந்து நதிநீர் விவகாரம்!! காங்கிரஸை வெளுத்த மோடி!!

இல்லைனா, தானாகவே பதவி பறிக்கப்படும். இதுக்கு அரசமைப்பு சட்டத்துல உள்ள பிரிவு 75, 164, 239AA-ல திருத்தம் கொண்டுவரணும்னு இந்த மசோதாக்கள் சொல்றாங்க. அதே மாதிரி, யூனியன் பிரதேச அரசு சட்டம் 1963-ல பிரிவு 45, ஜம்மு-காஷ்மீர் மறுசீரமைப்பு சட்டம் 2019-ல பிரிவு 54-லயும் திருத்தம் செய்யணும்னு மசோதாக்கள் வலியுறுத்துது.

இதோட நோக்கம் என்னனு பார்த்தா, “பொது மக்களோட நம்பிக்கையை பிரதிநிதிகள் தவறவிடக் கூடாது. கடுமையான குற்றங்களில் கைது ஆகி காவலில் இருக்குறவங்க பதவியில் இருந்தா, அது அரசமைப்பு ஒழுக்கத்தையும், நல்லாட்சியையும் பாதிக்கும்”னு மசோதாக்களோட விளக்க ஆவணங்கள் சொல்றாங்க. 

உதாரணமா, முன்னாள் டெல்லி முதலமைச்சர் அரவிந்த் கெஜ்ரிவால் மற்றும் தமிழ்நாடு அமைச்சர் செந்தில் பாலாஜி, கைது ஆன பிறகும் பதவியை விடாம இருந்தது இந்த மசோதாக்களுக்கு காரணமா பார்க்கப்படுது. இதனால, இது மாதிரியான சூழ்நிலைகளை தவிர்க்க ஒரு தெளிவான சட்ட வரைவு தேவைன்னு அரசு நினைக்குது.

இந்த மசோதாக்களை அமித் ஷா மக்களவையில் அறிமுகப்படுத்தி, நாடாளுமன்ற கூட்டுக் குழுவுக்கு அனுப்பப் போறாரு. இதனால, இந்த மசோதாக்கள் மேல விரிவான விவாதம் நடக்க வாய்ப்பிருக்கு. எதிர்க்கட்சிகள் இன்னும் இதுக்கு முழு பதிலை சொல்லலை, ஆனா இன்னைக்கு இதை பத்தி விவாதிக்க மீட்டிங் போட்ருக்காங்கன்னு தகவல் வந்திருக்கு. சில எதிர்க்கட்சி தலைவர்கள், “இது மத்திய அரசு எதிர்க்கட்சி தலைவர்களை குறிவச்சு அரசியல் ஆட்டம் ஆடுற வழி”னு குற்றம்சாட்டியிருக்காங்க.

இந்த மசோதாக்கள் நிறைவேறினா, இனி எந்த பிரதமரோ, முதலமைச்சரோ, அமைச்சரோ கடுமையான குற்றங்களில் 30 நாள் காவலில் இருந்தா, பதவி பறிக்கப்படும். இது அரசியல் தூய்மைக்கு ஒரு முக்கிய படியா இருக்குமா, இல்லை அரசியல் ஆயுதமா மாறுமான்னு இனி வர்ற நாட்கள்ல தெரியும்.

இதையும் படிங்க: இந்தியா வந்த சீன வெளியுறவு அமைச்சர்.. சீனா செல்லும் பிரதமர் மோடி.. காரணம் இதுதான்..!!