தமிழக அரசியலில் புதிய மாற்றத்தை நோக்கி நகர்ந்து வரும் தமிழக வெற்றிக் கழகத்தின் தலைவர் விஜய்க்கு, பல்வேறு அரசியல் அமைப்புகள் தங்கள் ஆதரவைத் தெரிவித்து வருகின்றன. அந்த வகையில், அரசியல் அனுபவமிக்க மூத்த தலைவர் பண்ருட்டி ராமச்சந்திரன் அவர்கள் தொடங்கியுள்ள ‘எம்ஜிஆர் அதிமுக’ (MGR ADMK) கட்சி, வரும் தேர்தலில் விஜய்க்குத் தனது ஆதரவை அதிகாரப்பூர்வமாக அறிவித்துள்ளது.

ஓ. பன்னீர்செல்வம் உடனான அரசியல் அத்தியாயத்தை முடித்துக்கொண்ட பண்ருட்டி ராமச்சந்திரன், 'எம்ஜிஆர் அதிமுக' என்ற புதிய கட்சியைத் தொடங்கியுள்ளார். இக்கட்சியின் பொதுச்செயலாளராக ரஞ்சித் குமார் நியமிக்கப்பட்டுள்ளார். விழாவில் பேசிய பொதுச்செயலாளர் ரஞ்சித் குமார், தமிழகத்தில் ஊழலற்ற, தூய்மையான ஆட்சியைத் தர போவதாக விஜய் உறுதியளித்துள்ளார். அவரது கொள்கைகளும், மக்கள் மீது அவர் கொண்டுள்ள அக்கறையும் எங்களைக் கவர்ந்துள்ளது. எனவே, வரும் தேர்தலில் விஜய் ஆட்சிக்கு வர வேண்டும் என்ற நோக்கில் அவருக்கு ஆதரவு அளிக்கிறோம் என தெரிவித்தார்.

இதையும் படிங்க: "விஜய் பெரம்பூரில் போட்டியிட வேண்டும்!" - தவெக மாவட்ட செயல்வீரர்கள் கூட்டத்தில் தீர்மானம்!

தமிழகத்தில் நிலவும் தற்போதைய அரசியல் சூழலில், ஒரு மாற்று சக்தியாகத் தவெக உருவெடுத்துள்ளது. எம்ஜிஆர் மற்றும் அண்ணா ஆகியோரின் கொள்கை வழிநின்று, விஜய்யின் கரத்தை வலுப்படுத்தப் போவதாக அக்கட்சி நிர்வாகிகள் சூளுரைத்தனர். பண்ருட்டி ராமச்சந்திரன் போன்ற ஒரு மூத்த அரசியல் ராஜதந்திரியின் ஆதரவு விஜய்க்குத் கிடைத்திருப்பது, வரும் 2026 சட்டமன்றத் தேர்தலில் தவெக-வின் பலத்தை அதிகரிக்கும் என அரசியல் ஆய்வாளர்கள் கருதுகின்றனர்.

புதிய கட்சித் தொடக்க விழாவிலேயே விஜய்க்கு ஆதரவு தெரிவிக்கப்பட்டிருப்பது, தமிழகத்தின் மற்ற அரசியல் கூட்டணிகளுக்கு இடையே ஒரு புதிய விவாதத்தைக் கிளப்பியுள்ளது.

இதையும் படிங்க: "எம்ஜிஆர், ஜெயலலிதாவுக்குப் பின் தமிழகத்தை ஆளப்போகும் ஒரே சக்தி விஜய் தான்!" பெரம்பூரில் தவெக அதிரடி!