பிரதமர் மோடியை விமர்சித்து பேசியதால் தமிழக பாஜக தலைவர் அண்ணாமலை உதயநிதியை ஒருமையில் பேசி கடும் வார்த்தைகளை பிரயோகித்து இருந்தார். கெட் அவுட் மோடி எனச் சொல்ல உதநிதிக்கு எவ்வளவு தைரியம் இருக்கும்? உதயநிதி வீட்டின் முன் ' பால்டாயில் பாபு என போஸ்டர் ஒட்டுவதாகவும் எச்சரித்து இருந்தார் அண்ணாமலை. 

இதனை அடுத்து கெட்வுட் மோடி என திமுகவினரும், பால்டாயின் பாபு என பாஜகவினரும் சமூக வலைதளங்களில் கருத்துக்களை பகிர்ந்து மோதி வந்தனர். இந்நிலையில் அண்ணாமலையில் பேச்சுக்கு பதிலடி கொடுத்துள்ள துணை முதல்வர் உதயநிதி ஸ்டாலின். ''பிரச்சினையை மடைமாற்ற, திசை திருப்ப முயற்சிக்கிறார்கள். தமிழக அரசு கேட்கிற நிதியை மத்திய அரசிடம் இருந்து வாங்கி தருவதற்கு துப்பில்லை. தமிழ்நாட்டு மக்கள் ஏற்கனவே கோ பேக் மோடி என்று சொல்லியாச்சு. 

இதையும் படிங்க: திமுகவை போல திருமா நடத்தும் தனியார் பள்ளி… அண்ணே நீங்களுமா..? அண்ணாமலை அதிர்ச்சி..!

மோடி அவர்கள் 2018 ல் வரும் போது திருட்டுத்தனமாக வந்து சுவர் எல்லாம் உடைத்து விட்டு போனார். மக்களை சந்திக்க வாய்ப்பு இல்லாமல் பயந்து கொண்டு எங்கே பார்த்தாலும் கருப்புக்கொடி காட்டிக் கொண்டிருந்தார்கள். கோ பேக் மோடி என்று பலூன் விட்டார்கள். அதை எல்லாம் மறக்க முடியுமா? ஆகையால் இந்தப் பிரச்சினையை திசை திருப்ப வேண்டாம். நமக்கு இப்போது நிதி வரவேண்டும்.

வால்போஸ்டர் ஒட்டுவதெல்லாம் ஒரு சாதனையா? வரச்சொல்லுங்கள். வீட்டில் தான் இருப்பேன். இன்று மாலை தான் இளைஞர் அணி நிகழ்ச்சி இருக்கிறது. ஏற்கனவே அறிவாலயத்துக்கு வந்து ஏதோ பண்ணுவேன் என்றார். தைரியமிருந்தால் அண்ணாசாலை பக்கம் வர சொல்லுங்கள். இது அந்த பிரச்சனை கிடையாது. தமிழ்நாட்டினுடைய நிதி உரிமையை கேட்டு வருகிறோம். அதற்கு உபயோகமாக ஏதாவது பண்ண முடிந்தால் பண்ணச் சொல்லுங்கள்.

அரசியல்வாதிகள் தனியார் பள்ளிகளை நடத்திக் கொண்டிருப்பதாக அண்ணாமலை சொல்கிறார். தனியார் பள்ளிகளை என்ன சட்ட விரோதமாக நடத்திக் கொண்டிருக்கிறார்கள்? ஒன்றிய அரசிடம் அனுமதி வாங்கித்தானே நடத்திக் கொண்டிருக்கிறார்கள். அதையும், இதையும் ஏன் ஒப்பிட்டு பேசுகிறீர்கள்..? தனியார் பள்ளிகளில் காலையில் இலவச உணவு கொடுக்கிறார்களா ? தனியார் பள்ளிகளில் பள்ளி சீருடை இலவசமாக கொடுக்கிறார்களா? தயவுசெய்து அதனுடன் ஒப்பிட்டுப் பேசாதீர்கள்'' எனத் தெரிவித்தார்.

''இந்தி படிப்பதால்...' என செய்தியாளர் கேள்விகேட்க முற்பட்டபோது குறுக்கே மறித்த உதயநிதி ஸ்டாலின் அப்படியே ஜம்பாகி, ''நீங்கள் முக்கியமாக கேள்வி கேட்கப் போகிறீர்கள் என்று நினைத்தேன்'' எனக் கூறிக்கொண்டே வாலண்டரியாக விளையாட்டு வீரர்கள் பக்கம் திசையை மாற்றினார். ''விளையாட்டு வீரர்கள் எல்லாம் போய் வாரணாசியில் ரயில் பிரச்சினையால் பாதிக்கப்பட்டிருக்கிறார்கள். இன்று அதிகாலையில் தான் அந்த செய்தி வந்தது. உத்திரபிரதேச மாநிலத்தில் மாற்றுத்திறனாளிகளுக்கான சிறப்ப கிரிக்கெட் போட்டி நடந்து கொண்டிருக்கிறது. அந்த போட்டியில் ஆறு தமிழ்நாட்டு வீரர்கள் கலந்து கொள்கிறார்கள். கோச் ஒருவரும் சென்று இருக்கிறார்.

 அந்த போட்டியில் வெற்றி வாய்ப்பை இழந்த காரணத்தினால் தென் மண்டல அணி இன்று ஊருக்கு திரும்ப ஏற்கனவே பதிவு செய்திருந்த டிக்கெட்டை வைத்து அவர்களால் ரயில் ஏறி வர முடியவில்லை. கும்பமேளாவில் எவ்வளவு கூத்து நடக்கிறது என்பதை பார்த்திருப்பீர்கள். அதிகமான மக்கள் தொகையுடன் பிரம்மாண்டமான நிகழ்ச்சிகள் நடந்து கொண்டிருக்கிறது. இதற்கு முழு முழு காரணம் அங்கிருக்க கூடிய பாஜக அரசும், ஒன்றிய அரசும்தான் காரணம்.

சுத்தமாக மக்கள் கூட்டத்தை நிர்வகிப்பது எப்படி என்றே தெரியாமல் மக்களை அலைக்கழித்துக் கொண்டிருக்கிறார்கள். எத்தனை இழப்புகள் நடந்திருக்கு. எத்தனை பேர் இறந்திருக்கிறார்கள் என்பது குறித்து எந்த விதமான அதிகாரப்பூர்வ அறிவிப்பும் கிடையாது. நீங்களே நிறைய வீடியோக்கள் பார்த்திருப்பீர்கள், பகிர்ந்திருப்பீர்கள். கும்பமேளாவுக்கு சென்று வந்து ரயிலில் ஏற முடியாமல் வட மாநில மக்கள் தவித்துக் கொண்டிருந்த செய்தி இன்று வரை நாம் பார்த்துக் கொண்டிருக்கிறோம். இவ்வளவு பெரிய கூட்டம் வரும்போது அதற்குரிய சரியான நடவடிக்கையை மாநில அரசும் எடுக்கவில்லை, ஒன்றிய அரசும் எடுக்கவில்லை.

 நம் தமிழ்நாட்டை சேர்ந்த வீரர்களுக்கு ரயில் கிடைக்கவில்லை என்ற தகவல் இன்று காலை தான் எனக்கு வந்தது. உடனே நான் அதிகாரிகள் உடன் தொடர்பு கொண்டு தமிழ்நாட்டிற்கு விமானம் மூலம் அவர்களை அழைத்து வருவதற்கான உத்தரவை முதலமைச்சர் அவர்களிடம் சொல்லி எடுத்து இருக்கிறோம். உடனடியாக அவர்களுக்கு விமான டிக்கெட் போட்டு கொடுத்து விட்டோம்.

இது அவர்களுக்கு உணவுக்கு தேவையான பணத்தையும் இங்கிருந்து அனுப்பி இருக்கிறோம். செலவுக்கு 15,000 அனுப்பி இருக்கிறோம். இன்று 12 மணிக்கு வாரணாசியில் இருந்து விமானம் ஏறி நாலரை மணிக்கு பெங்களூர் வருவார்கள். பெங்களூரில் இருந்து எட்டு மணிக்கு விமானம் ஏறி 9 மணிக்கு தமிழ்நாட்டிற்கு பத்திரமாக வந்து விடுவார்கள்'' எனக் கூறி எஸ்கேப் ஆனார் உதயநிதி.

இதையும் படிங்க: அல்லக்கை, வாடா, போடா ஒருமையில் உதயநிதி ஸ்டாலினை பேசிய அண்ணாமலை...அதிர்ச்சியில் பாஜகவினர்