#BREAKING: அனல் தெறிக்கும்” புதுவை” அரசியல் களம்… திமுக வேட்பாளர் பட்டியல் வெளியீடு..! முழு விவரம்..!!

புதுச்சேரியில் இந்திய தேர்தல் ஆணையம் மார்ச் 15-ஆம் தேதி அறிவித்தது. தேர்தல் ஒரே கட்டமாக நடைபெறும். வேட்புமனு தாக்கல் தொடங்கிய தேதி மார்ச் 16, கடைசி தேதி மார்ச் 23, வேட்புமனு ஆய்வு மார்ச் 24, வேட்புமனு வாபஸ் இழுப்பதற்கான கடைசி நாள் மார்ச் 26. வாக்குப்பதிவு ஏப்ரல் 9, 2026 அன்று நடைபெறும் என அறிவிக்கப்பட்டுள்ளது.

வாக்கு எண்ணிக்கை மற்றும் முடிவுகள் மே 4 அன்று அறிவிக்கப்படும் என்றும் இதே நாளில் தமிழ்நாடு, கேரளா, அசாம், மேற்கு வங்கம் ஆகிய மாநிலத் தேர்தல் முடிவுகளும் வெளியாகும் எனவும் தெரிவிக்கப்பட்டுள்ளது. எந்தெந்த தொகுதிகளில் போட்டியிடுகிறோம் என்பது குறித்து கட்சிகள் அறிவித்து வருகின்றன. கூட்டணி கட்சிகள் போட்டியிடும் தொகுதிகளையும் அறிவித்து வருகின்றனர்.

புதுச்சேரி சட்டமன்ற தேர்தலில் போட்டியிடும் திமுக வேட்பாளர் பட்டியல் வெளியானது. வில்லியனூர் சட்டமன்ற தொகுதியில் சிவா போட்டியிடுவார் என்று தெரிவிக்கப்பட்டுள்ளது. திருபுவனை தொகுதியில் அங்காளன் போட்டியிடுவார் என்று அறிவிக்கப்பட்டுள்ளது. மங்கலம் தொகுதியில் எஸ். எஸ். ரங்கன் போட்டியிட உள்ளார். பாகூர் தொகுதியில் செந்தில்குமார் போட்டியிட இருப்பதாக அறிவிக்கப்பட்டுள்ளது.

இதையும் படிங்க: புதுச்சேரியில் விஜய் பிரச்சாரம்! ஏப்ரல் முதல் வாரத்தில் 30 தொகுதிகளையும் அதிரவைக்க தவெக திட்டம்!

முதலியார் பேட்டை தொகுதியில் சம்பத் போட்டியிட இருப்பதாகவும் உப்பளம் தொகுதியில் அனிபால் கென்னடி மற்றும் உருளையான்பேட்டை தொகுதியில் எஸ். கோபால் திமுக சார்பில் போட்டியிடுவார்கள் என்று அறிவிக்கப்பட்டது. கதிர்காமம் தொகுதியில் வடிவேலு, காரைக்கால் தெற்கு தொகுதியில் நாசிம், நிரவி பட்டினம் தொகுதியில் நாகத் தியாகராஜன் போட்டியிடுவார்கள் என்று அறிவிக்கப்பட்டுள்ளது. நெல்லித்தூக்கு பகுதியில் கார்த்திகேயனும் ராஜ் பவன் தொகுதியில் விக்னேஷ் கண்ணனும் போட்டியிடுவார்கள் என்று அறிவிப்பு வெளியாகி உள்ளது. காலாப்பட்டு தொகுதியில் செந்தில் என்கின்ற ரமேஷ் போட்டியிட இருப்பதாக தெரிவிக்கப்பட்டுள்ளது. உழவர்கரை விடுதலை சிறுத்தைகள் கட்சிக்கு ஒதுக்கீடு செய்யப்பட்டுள்ளது. 

இதையும் படிங்க: தவெக வேட்பாளர்கள் இருவர் மாற்றம்! நேயம் மக்கள் கழகத்திற்கு 2 தொகுதிகள் ஒதுக்கீடு!