சென்னைக்கு தென்கிழக்கில் 790 கிலோமீட்டர் தொலைவில் புயல் சின்னம் இருப்பதாக தெரிவிக்கப்பட்டது. புயல் கரையை கடக்கும்போது அதிகபட்சமாக மணிக்கு 110 கிலோமீட்டர் வேகத்தில் காற்று வீச கூடும் என வானிலை ஆய்வு மையம் அறிவித்தது. இதனிடையே, தென்கிழக்கு வங்க கடலில் நிலவும் ஆழ்ந்த காற்றழுத்த தாழ்வு மண்டலம் இன்று மாலையே புயலாக வலுப்பெறும் என அறிவிக்கப்பட்டது. ஆழ்ந்த காற்றழுத்த தாழ்வு மண்டலம் நாளை புயலாக வலுப்பெறும் என அறிவித்திருந்த நிலையில் இன்று மாலையே புயலாக வலுப்பெறும் என கணிக்கப்பட்டுள்ளது.

இந்த ஆழ்ந்த காற்றழுத்த தாழ்வு மண்டலம் நாளை தென்மேற்கு மற்றும் அதை ஒட்டிய மத்திய மேற்கு வங்க கடலில் புயலாக மாறும் என்றும் ஆழ்ந்த காற்றழுத்தம் புயலாக மாறி வடக்கு- வட மேற்கு நோக்கி நகர்ந்து 28ஆம் தேதி காலைக்குள் தீவிர புயலாக வலுபெற வாய்ப்புள்ளதாகவும் தெரிவிக்கப்பட்டுள்ளது. புயல் சின்னம் மணிக்கு ஆறு கிலோமீட்டர் வேகத்தில் கரையை நோக்கி நகர்கிறது. மணிக்கு 10 கிலோமீட்டர் வேகத்தில் நகர்ந்து வந்த புயல் சின்னத்தின் வேகம் தற்போது குறைந்த ஆறு கிலோ மீட்டர் வேகத்தில் வருகிறது. 

இதனிடையே, தமிழகத்தில் நாளை நான்கு மாவட்டங்களுக்கு ஆரஞ்சு அலர்ட் கொடுக்கப்பட்டுள்ளது. சென்னை, காஞ்சிபுரம், ராணிப்பேட்டை, மாவட்டங்களுக்கு நாளை மிக கனமழைக்கான ஆரஞ்சு அலர்ட் கொடுக்கப்பட்டுள்ளது. தமிழகத்தில் இன்று 11 மாவட்டங்களில் மழை பெய்யும் என தெரிவிக்கப்பட்டுள்ளது. சென்னை, திருவள்ளூர், ராணிப்பேட்டை, வேலூர், காஞ்சி, செங்கல்பட்டு, திருவண்ணாமலை, விழுப்புரம், கள்ளக்குறிச்சி, கடலூர், மயிலாடுதுறையில் இன்று கனமழைக்கு வாய்ப்பு இருப்பதாக வானிலை ஆய்வு மையம் தெரிவித்துள்ளது.

இதையும் படிங்க: #BREAKING: சென்னைக்கு ஆரஞ்சு அலர்ட்… சும்மா பூந்து விளாச போகுது மழை… எச்சரிக்கை..!

சென்னை, காஞ்சிபுரம், செங்கல்பட்டு, ராணிப்பேட்டை, தென்காசி, குமரி, நெல்லை மாவட்டங்களில் நாளை மறுநாள் கனமழைக்கும் வாய்ப்பு இருப்பதாக கூறப்பட்டு உள்ளது. திருவள்ளூர் மாவட்டத்தில் 28ஆம் தேதி மிக கனமழை பெய்வதற்கான ஆரஞ்சு அலர்டை இந்திய வானிலை ஆய்வு மையம் கொடுத்துள்ளது.

இதையும் படிங்க: சென்னை மக்களே... ஆரஞ்சு அலர்ட் வந்தாச்சு..! கனமழை தொடரும் என எச்சரிக்கை...!