செங்கோட்டையன் அதிமுகவை விட்டு வெளியேறியது மற்றும் தவெகவில் சேர்ந்தது அதிமுகவுக்கு பெரும் அதிர்ச்சியை ஏற்படுத்தியது. இந்நிலையில் செய்தியாளர்கள் சந்திப்பில் செல்லூர் ராஜு பேசியபோது, செங்கோட்டையனை "செல்லாக்காசு" என்று குறிப்பிட்டார். "செங்கோட்டையன் எல்லாம் செல்லாக் காசு" என்று அவர் கூறினார்.

அதாவது, செங்கோட்டையன் எந்த மதிப்பும் இல்லாதவர், செல்லாத நாணயம் போன்றவர் என்று கடுமையான சொல்லாட்சியில் தாக்குதல் நடத்தினார். இதை மேலும் விளக்கும்போது செல்லூர் ராஜு, செங்கோட்டையனை யாரும் ஏற்றுக்கொள்ளாத நிலையில்தான் அவர் தவெகவில் சேர்ந்துள்ளார் என்றும் குறிப்பிட்டார். அதிமுகவில் இருந்தபோது பலமுறை அமைச்சராக இருந்தவர், கட்சியால் அடையாளம் பெற்றவர் என்றாலும், இப்போது கட்சியை விமர்சிப்பது முறையல்ல என்றும் அவர் வாதிட்டார்.

செங்கோட்டையனை "பச்சோந்தி" என்று அழைத்த செல்லூர் ராஜு, அதிமுகவில் இருக்கும்போதுதான் அவருக்கு மதிப்பு இருந்தது. கட்சியை விட்டுச் சென்றவர்கள் எங்களுக்கு "கால் தூசிக்குச் சமம்" என்று மிகக் கடுமையான வார்த்தைகளைப் பயன்படுத்தினார். மேலும், அதிமுகவை ஆலமரத்திற்கு ஒப்பிட்டு பேசிய செல்லூர் ராஜு, ஆலமரத்திலிருந்து ஒரு இலை உதிர்ந்தால் மரம் கருகிவிடுமா என்று கேள்வி எழுப்பினார்.

இதையும் படிங்க: அறைக்குள் அமர்ந்து அரசியல்..! என்னத்த சொல்ல? விஜயை விளாசிய செல்லூர் ராஜூ..!

செங்கோட்டையன் உதிர்ந்த இலை போன்றவர் மட்டுமே என்றும், அவரது வெளியேற்றம் அதிமுகவுக்கு எந்த பாதிப்பையும் ஏற்படுத்தாது என்றும் வாதிட்டார். தமிழக வெற்றி கழகத்தில் இணைந்த செங்கோட்டையன் ஒரு செல்லாக்காசு என அதிமுக முன்னாள் அமைச்சர் செல்லூர் ராஜு விமர்சித்து இருப்பது சர்ச்சையை ஏற்படுத்தி உள்ளது. 

இதையும் படிங்க: 5 அறிவிப்புகளால் ஆட்டம் கண்ட திமுக.. காப்பி அடிச்சோமா? செல்லூர் ராஜு பேட்டி..!