தமிழக பாஜக நிர்வாகி ஹெச்.ராஜா தனது எக்ஸ் வலைதளத்தில் சோனியா காந்தி குறித்த ஒரு புகைப்படத்தை பகிர்ந்து சர்ச்சையைக் கிளப்பி இருந்தார். அந்தப்புகைப்படத்தில் ''பெரிதாக்கி வலது பக்கத்தை பார்க்கவும். ''இந்தியாவை கிறிஸ்தவ நாடாக மாற்றுவது எப்படி? ''என்கிற தலைப்பில் ஒரு புத்தகம் மேலும் ஆதாரம் தேவையா? என்கிற கேப்ஷனுடன், சோனியா காந்தி இருக்கும் அந்த புகைப்படத்தை பகிர்ந்து இருந்தார். அவருக்குப் பின்னால் இந்தியாவி கிறிஸ்தவ நாடாக மாற்றுவது எப்படி என்கிற புத்தகம் இருப்பது அதில் இருந்தது. இந்தப்புகைப்படத்தை பகிர்ந்த ஹெச்.ராஜாவுக்கு கடும் எதிர்ப்புக் கிளம்பியது. இதனால் புகைப்படத்தை பகிர்ந்த 2 மணி நேரத்தில் அவரது போஸ்டை அழித்து விட்டார்.

காரணம் என்ன தெரியுமா? இந்திய தேசிய காங்கிரஸ் கட்சி தலைவர் சோனியா காந்தி பேசுவது போல் அமைந்து இருக்கும் புகைப்படத்தில், அவருக்கு பின்னால் " How to convert India into Christian nation " எனும் இந்தியாவை கிறிஸ்தவ நாடாக மாற்றுவது தொடர்பான புத்தகம், பைபிள் மற்றும் இயேசு சிலை இருப்பது போன்ற புகைப்படம் ஒன்று சமூக வலைதளங்களில் வைரல் செய்யப்பட்டு வந்தது. 

இதையும் படிங்க: வக்பு மசோதா இஸ்லாமியர்களுக்கு எதிரான பாஜக அரசின் வெட்கக்கேடு.. சோனியா ஆவேசம்..!

இதன் உண்மைத்தன்மை குறித்து பல தரப்பிலும் கேள்வி எழுப்பப்பட்டு வந்தது. வைரல் செய்யப்பட்ட சோனியா காஸ் இமேஜ் சேர்ச் செய்கையில், "2020 நவம்பரில் வெளியான என்டிடிவி, ஹிந்துஸ்தான் டைம்ஸ் உள்ளிட்ட செய்திகளில் சோனியா காந்தியின் இதே புகைப்படம் பயன்படுத்தப்பட்டு இருக்கிறது.

ஆனால், அந்த புகைப்படத்தில் " How to convert India into Christian nation" மற்றும் பைபிள் புத்தகம் உள்ளிட்டவை இடம்பெறவில்லை என்பதை பார்க்க முடிகிறது. அதே உடை, பின்னணியில் பீகார் மாநில மக்களுக்காக காங்கிரஸ் தலைவர் சோனியா காந்தி பேசிய வீடியோ காங்கிரஸ் கட்சியின் யூடியூப் சேனலில் 2020 அக்டோபர் 27-ம் தேதி வெளியாகி இருக்கிறது.

அதில், காங்கிரஸ் கட்சி தலைவர் சோனியா காந்தி பேசும் புகைப்படத்தில் அவருக்கு பின்னால் " How to convert India into Christian nation ", பைபிள் மற்றும் இயேசு சிலை இருப்பதாக வைரல் செய்யப்படும் புகைப்படம் எடிட் செய்யப்பட்ட போலியான படம் என அறிய முடிகிறது. இதனால்தான் இந்தப் புகைப்படத்தை பகிர்ந்த ஹெச்.ராஜாவுக்கு கடும் கண்டனங்கள் எழுந்தன. ஆகவே அந்தப்பதிவை இரண்டே மணி நேரத்தில் அழித்து இருக்கிறார் ஹெச்.ராஜா. 

இதையும் படிங்க: ‘150 நாள், சம்பளத்தை ரூ.400ஆக உயர்த்துங்கள்’.. சோனியா காந்தி மத்திய அரசுக்கு கோரிக்கை..!