தாய்மாமன் தங்க மோதிரம் வழங்கும் திட்டத்தில் பச்சிளம் குழந்தைகள் நீண்ட நேரம் காத்திருப்பு.காற்றோட்ட வசதியின்றி தவித்த பச்சிளம் குழந்தைகள், தாய்மார்கள் – பொதுமக்கள் அதிர்ச்சி

செங்கல்பட்டு மாவட்டம், நந்திவரம் கூடுவாஞ்சேரி ஆரம்ப சுகாதார நிலையத்தில் தாய்மாமன் தங்க மோதிரம் வழங்கும் திட்டம் தொடங்கி வைக்கப்பட்டது.

இத்திட்டத்தின் கீழ் தங்க மோதிரம் பெறுவதற்காகப் பிறந்து சில நாட்களே ஆன பச்சிளம் குழந்தைகளும், அவர்களது தாய்மார்களும் காலை 9 மணிக்கே ஆரம்ப சுகாதார நிலையத்திற்கு வரவழைக்கப்பட்டனர்.

இதையும் படிங்க: சி.எம். விஜய்க்கு புடவை போர்த்திய நயினார் நாகேந்திரன் ... அமைச்சர் ஷாஜகான் சொன்ன அதிரடி விளக்கம்...!

ஆனால், பிற்பகல் 2 மணியைக் கடந்தும் குழந்தைகளுக்குத் தங்க மோதிரம் வழங்கப்படாமல் நீண்ட நேரம் காத்திருக்க வைக்கப்பட்டனர். இதனால், பச்சிளம் குழந்தைகளும் அவர்களது தாய்மார்களும் கடும் சிரமத்திற்கு ஆளாகினர்.

குறிப்பாக, போதிய காற்றோட்ட வசதியின்றி குழந்தைகள் நீண்ட நேரம் காத்திருக்க வேண்டிய நிலை ஏற்பட்டதால், தாய்மார்கள் மிகுந்த அவதிக்குள்ளாகினர்.

பச்சிளம் குழந்தைகளின் உடல்நலத்தைக் கருத்தில் கொண்டு, அவர்களுக்கு முன்னுரிமை அளித்து விரைவாகத் தங்க மோதிரங்களை வழங்குவதற்கான ஏற்பாடுகளைச் செய்திருக்க வேண்டும் எனப் பொதுமக்கள் கருத்துத் தெரிவித்தனர்.

பச்சிளம் குழந்தைகளையும், அவர்களது தாய்மார்களையும் பல மணி நேரம் காத்திருக்க வைத்த சம்பவம் அப்பகுதியில் அதிர்ச்சியையும் அதிருப்தியையும் ஏற்படுத்தியுள்ளது.

இதையும் படிங்க: #BREAKING மகளிருக்கு மாஸ் அறிவிப்பு... தமிழகத்தில் இனி வாரந்தோறும் சிறப்புக் கடன் முகாம்கள்... சிங்கப்பெண் சிறப்பு கடன் திட்டம் அறிமுகம்...!