‘எனது வாழ்க்கையை வீணடித்துவிட்டார்கள்…’ சைஃப் அலிகானை தாக்கியதாக பிடிபட்ட நபர் கதறல்..!’
சைஃப் அலி கானுக்கு நேர்ந்த இந்த சம்பவத்தால் நான் எல்லாவற்றையும் இழந்துவிட்டதால், நான் அவரது கட்டிடத்திற்கு வெளியே நின்று வேலை தேட திட்டமிட்டுள்ளேனன்’’எனத் தெரிவித்துள்ளார்.
ஜனவரி 16 ஆம் தேதி, மும்பை லோக்மான்ய திலக் டெர்மினஸ்-கொல்கத்தா ஷாலிமார் ஞானேஸ்வரி எக்ஸ்பிரஸின் ஓட்டுநர் ஆகாஷ் கனோஜியா (31) சத்தீஸ்கரில் உள்ள துர்க்கில் சைஃப் அலி கான் மீதான தாக்குதலில் சந்தேக நபராக கைது செய்யப்பட்டார். ஜனவரி 18 ஆம் தேதி ரயில்வே பாதுகாப்புப் படை அவரைக் கைது செய்தது. ஆனால் ஜனவரி 19 ஆம் தேதி காலை, மும்பை காவல்துறையினர் வங்கதேசத்தைச் சேர்ந்த ஷரிபுல் இஸ்லாமை கைது செய்தனர், அதைத் தொடர்ந்து துர்க் ஆர்.பி.எஃப். கனௌஜியாவை விடுவித்தது.
காவல்துறை நடவடிக்கைக்குப் பிறகு தனது வாழ்க்கை முற்றிலும் சீர்குலைந்துவிட்டதாக அவர் கூறினார். அவர் வேலையில்லாமல் போய்விட்டது, அவரது வருங்கால மனைவி அவரை நிராகரித்துவிட்டார். குடும்பம் அவமானத்தை எதிர்கொள்கிறது.
ஜனவரி 16 ஆம் தேதி காலை மும்பையின் பாந்த்ரா பகுதியில் சத்குரு ஷரணில் உள்ள அவரது 12வது மாடி வீட்டில் நடந்த கொள்ளை முயற்சியின் போது, ஒரு ஊடுருவும் நபர் பலமுறை கத்தியால் குத்தியதில் சைஃப் அலி கான் (54) தாக்கப்பட்டார். பின்னர் அவர் மருத்துவமனையில் அனுமதிக்கப்பட்டார்.
இதையும் படிங்க: சத்தீஸ்கர் பத்திரிகையாளர் கொலை: இதயத்தை கிழித்த கொடூரம்.. 4 துண்டுகளாக வெட்டப்பட்ட கல்லீரல் ……பகீர் தகவல்கள்
ஊடகங்கள் தனது புகைப்படங்களைக் காட்டி, இந்த வழக்கில் என்னை முக்கிய சந்தேக நபர் என்று கூறியபோது, எனது குடும்பத்தினர் அதிர்ச்சியடைந்ததாகவும், கண்ணீர் விட்டதாகவும் கனௌஜியா கூறினார். மும்பை காவல்துறையின் ஒரு தவறு என் வாழ்க்கையையே சீரழித்து விட்டது. எனக்கு மீசை இருப்பதையும், நடிகரின் கட்டிடத்தில் இருந்து சிசிடிவி காட்சிகளில் காணப்பட்ட நபரையும் அவர்கள் கவனிக்கத் தவறிவிட்டனர்.
சம்பவத்திற்குப் பிறகு, காவல்துறையினரிடமிருந்து எனக்கு அழைப்பு வந்தஊ, நான் எங்கே இருக்கிறேன் என்று அவர்கள் என்னிடம் கேட்டனர். நான் வீட்டில் இருப்பதாக அவர்களிடம் சொன்னபோது, தொலைபேசி துண்டிக்கப்பட்டது. நான் என் வருங்கால மணப்பெண்ணைச் சந்திக்கச் சென்று கொண்டிருந்தபோது, துர்க்கில் தடுத்து வைக்கப்பட்டு, பின்னர் ராய்ப்பூருக்கு அழைத்துச் செல்லப்பட்டேன். அங்கு வந்த மும்பை போலீஸார் என்னை அடித்தனர்.
கைது செய்யப்பட்ட பிறகு வேலையிலிருந்து நீக்கப்பட்டேன். நான் என் முதலாளியை அழைத்தபோது, அவர் என்னை வேலைக்கு வர வேண்டாம் என்று சொன்னார், அவர் என் பேச்சைக் கேட்க மறுத்துவிட்டார். நான் காவலில் எடுக்கப்பட்ட பிறகு, என் வருங்கால மணமகளின் குடும்பத்தினர் திருமணப் பேச்சுவார்த்தைகளைத் தொடர மறுத்துவிட்டதாக என் பாட்டி என்னிடம் கூறினார்.
சைஃப் அலி கானுக்கு நேர்ந்த இந்த சம்பவத்தால் நான் எல்லாவற்றையும் இழந்துவிட்டதால், நான் அவரது கட்டிடத்திற்கு வெளியே நின்று வேலை தேட திட்டமிட்டுள்ளேனன்’’எனத் தெரிவித்துள்ளார்.
இதையும் படிங்க: சைஃப் அலிகான் மீது கத்திக்குத்து தாக்குதல்… குற்றவாளியின் கைரேகையில் திடீர் திருப்பம்..!
