தமிழக மாநகராட்சிகள் மற்றும் நகராட்சிகளில் பணியாற்றும் அலுவலர்கள் மற்றும் ஊழியர்களுக்கு பணியிட மாறுதல் இனி முழுக்க ஆன்லைன் முறையில்தான் நடைபெறும் என நகராட்சி நிர்வாகத் துறை அறிவித்துள்ளது. இதன்மூலம் லட்சக்கணக்கான ரூபாய் இடைத்தரகர்களுக்கு செலவழிக்கும் நடைமுறைக்கு முற்றுப்புள்ளி வைக்கப்படும் என எதிர்பார்க்கப்படுகிறது.
இதுவரை நகராட்சி நிர்வாக இயக்குநர் அலுவலகம் வாயிலாக கையால் விண்ணப்பம் அளித்து வந்த நிலையில், பலரும் இடைத்தரகர்களை நாடி பெரும் தொகை கொடுத்து இடமாறுதல் பெற்று வந்தனர். இதனால் அலுவலகத்தில் எப்போதும் இடைத்தரகர்கள் கூட்டம் நிலவியது. இந்த அவல நிலையை ஒழிக்கும் வகையில் முதலமைச்சர் விஜய் உத்தரவின் பேரில் புதிய ஆன்லைன் முறை கொண்டுவரப்பட்டுள்ளது.
இனி cma.tncma@nic.in என்ற மின்னஞ்சல் முகவரிக்கு விண்ணப்பிக்க வேண்டும். இதற்கென தனி படிவம் வழங்கப்பட்டுள்ளது. விண்ணப்பத்தில் தற்போது பணியாற்றும் இடத்தில் எத்தனை ஆண்டுகள், மாதங்கள் பணியில் இருக்கிறீர்கள் என்பதை கட்டாயம் குறிப்பிட வேண்டும். மேலும், ஊழியர் மீது ஏதேனும் ஒழுங்கு நடவடிக்கை, குற்றச்சாட்டு அல்லது விசாரணை நிலுவையில் உள்ளதா என்பதையும் தெரிவிக்க வேண்டும்.
இதையும் படிங்க: லஞ்சம் கொடுக்காதீர்கள், தகவல் கொடுங்கள்.. அமைச்சர் லோகேஷ் தமிழ்ச்செல்வன் வேண்டுகோள்!
விண்ணப்பதாரர்கள் தங்களுக்கு விருப்பமான மூன்று இடங்களை குறிப்பிடலாம். உடல்நிலை காரணமாக மாறுதல் கோரினால், மருத்துவ ஆவணங்களை இணைத்து அனுப்ப வேண்டும். மாநகராட்சி மற்றும் நகராட்சிகள் இந்த விவரங்களை சரியாக சரிபார்த்து அறிக்கை அனுப்ப வேண்டும் எனவும் உத்தரவு பிறப்பிக்கப்பட்டுள்ளது.
இந்தப் புதிய முறை முழு வெளிப்படைத்தன்மையுடன் இடமாறுதல்கள் நடைபெற உதவும் என அதிகாரிகள் தெரிவித்தனர். இதனால் தகுதியான ஊழியர்கள் எளிதாக மாறுதல் பெற முடியும். இடைத்தரகர்கள் மற்றும் ஊழல் சந்தேகங்கள் குறையும் என எதிர்பார்க்கப்படுகிறது.
முதலமைச்சர் விஜய்யின் இந்த நடவடிக்கை அரசு ஊழியர்களிடையே வரவேற்பைப் பெற்றுள்ளது. நகராட்சி நிர்வாகத் துறை விரைவில் இந்த ஆன்லைன் முறையை முழுமையாகச் செயல்படுத்த உள்ளது. இந்த மாற்றம் தமிழகத்தில் உள்ள லட்சக்கணக்கான மாநகராட்சி மற்றும் நகராட்சி ஊழியர்களின் பணி நிலைமையை பாதிக்கும் முக்கிய முடிவாகப் பார்க்கப்படுகிறது.
இதையும் படிங்க: திமுகவுடன் கூட்டணி வைத்தபோதே அதிமுகவின் வீழ்ச்சி தொடங்கிவிட்டது - அமைச்சர் மரிய வில்சன் விமர்சனம்!