வங்கக் கடலின் தென்கிழக்குப் பகுதியில் காற்றழுத்தத் தாழ்வு உருவாகி, அடுத்த சில நாட்களில் புயலாக மாறும் வாய்ப்பு உள்ளதாக இந்திய வானிலைத் துறை (ஐஎம்டி) எச்சரிக்கை விடுத்துள்ளது. இந்தப் புயலுக்கு தாய்லாந்து நாட்டின் பரிந்துரையின்படி 'மோன்தா' (Montha) என்று பெயர் வைக்கப்பட்டுள்ளது. இது வட இந்தியப் பெருங்கடலில் (வங்கக் கடல் மற்றும் அரபியக் கடல்) உருவாகும் புயல்களுக்கான பெயரிடல் நெறிமுறையின் ஒரு பகுதியாகும்.
வானிலைத் துறையின் இன்றைய அறிக்கையின்படி, அக்டோபர் 25 முதல் 27 வரை இந்தத் தாழ்வு வலுவடையும் எனக் கணிக்கப்படுகிறது. தென்கிழக்கு வங்கக் கடலில் உருவான இது, வடமேற்கு நோக்கி நகர்ந்து, தமிழ்நாடு, ஆந்திரப் பிரதேசம், ஒடிசா ஆகிய மாநிலங்களின் கரையோரப் பகுதிகளைத் தாக்க வாய்ப்புள்ளது. மணிக்கு 40-60 கிமீ வேகத்தில் காற்று வீசும் எனவும், கனமழைக்கு வழிவகுக்கும் எனவும் தெரிவிக்கப்பட்டுள்ளது.
இதையும் படிங்க: #BREAKING: சம்பவம் இருக்கு… "மோன்தா" சூறாவளி புயல் வருதாம்… இந்திய வானிலை மையம் அதி முக்கிய அறிவிப்பு…!
குறிப்பாக, தமிழ்நாட்டின் கடலூர், விழுப்புரம், கள்ளக்குறிச்சி பகுதிகளில் வெள்ள அபாயம் அதிகரிக்கலாம். மீனவர்கள் கடலுக்கு செல்ல வேண்டாம் என அறிவுறுத்தப்பட்டுள்ளது. புயல்களுக்கு பெயரிடும் முறை 2004-ஆம் ஆண்டு முதல் பின்பற்றப்படுகிறது. உலக வானிலை அமைப்பு (WMO) மற்றும் ஐ.நா. பொருளாதார மற்றும் சமூக ஆணையத்தின் (UNESCAP) கீழ் உள்ள 13 நாடுகள் – வங்கதேசம், இந்தியா, ஈரான், மாலத்தீவு, மியான்மர், ஓமான், பாகிஸ்தான், கத்தார், சவுதி அரேபியா, இலங்கை, தாய்லாந்து, ஐக்கிய அரபு அமீரகம், ஏமன் – இணைந்து பெயர்களைப் பரிந்துரைக்கின்றன.
ஒவ்வொரு நாடும் 13 பெயர்களை அளித்து, அவை அனைத்தும் பெண்-ஆண் பெயர்களாகவும், எளிதில் உச்சரிக்கக்கூடியவையாகவும், பொருள் கொண்டவையாகவும் இருக்கும். பெயர்கள் சுழல் முறையில் பயன்படுத்தப்படுகின்றன. உதாரணமாக, 2024-இல் 'டானா' (கத்தார்), 'ஃபெங்கல்' (சவுதி அரேபியா), 'ஷக்தி' (இலங்கை) என்று தொடர்ந்து வரும் 'மோன்தா' தாய்லாந்தின் பங்களிப்பு. இந்தப் பெயர்கள் புயல்களை எளிதில் அடையாளம் காண உதவுகின்றன.
இந்த முறை 2000-ஆம் ஆண்டுகளின் தொடக்கத்தில் அறிமுகப்படுத்தப்பட்டது. அதற்கு முன், புயல்கள் எண் அல்லது திசை அடிப்படையில் அழைக்கப்பட்டன, இது குழப்பத்தை ஏற்படுத்தியது. தாய்லாந்து முன்பு 'சித்ராங்', 'மோரா', 'அம்பன்' போன்ற பெயர்களை அளித்துள்ளது. தற்போது அளிக்கப்பட்ட 'மோந்தா' என்பது தாய்லாந்து மொழியில் ஒரு பெண் பெயர், இதன் அர்த்தம் “மணமிக்க மலர்” அல்லது “அழகான பூ” என பொருள் பெறுகிறது. தாய்லாந்தில் இந்த பெயர் மென்மை, அழகு, மற்றும் இயற்கையின் மணத்தை குறிக்கும் நற்பெயராகப் பயன்படுகிறது. எனவே, தாய்லாந்து வழங்கிய பெயர் இயற்கையின் அழகையும், மழையின் நறுமணத்தையும் பிரதிபலிக்கிறது என்று கூறப்படுகிறது.
இந்தப் புயலின் தாக்கம் குறித்து ஐஎம்டி தொடர்ந்து கண்காணிக்கிறது. தமிழ்நாடு அரசு மீட்புப் பணிகளுக்காக 50 ரிலீஃப் கேம்புகளைத் தயார் செய்துள்ளது. கடந்த ஆண்டுகளில் 'ஃபானி', 'அம்பன்' போன்ற புயல்கள் பெரும் சேதத்தை ஏற்படுத்தியிருந்தன. இந்நிலையில், 'மோன்தா'யின் வலிமை மிதமானதாக இருந்தாலும், கரையோர மக்கள் எச்சரிக்கையுடன் இருக்க வேண்டும் என வானிலை அதிகாரிகள் வலியுறுத்துகின்றனர். இந்தப் புயல் பருவத்தில் வங்கக் கடலில் புயல்கள் அதிகரித்துள்ளன, இது காலநிலை மாற்றத்தின் விளைவாகக் கருதப்படுகிறது. மக்கள் அரசின் வழிகாட்டுதல்களைப் பின்பற்றி பாதுகாப்புடன் இருக்க வேண்டும்.
இதையும் படிங்க: ஆட்டம் ஆரம்பம்... நாளை உருவாகிறது புதிய காற்றழுத்த தாழ்வு பகுதி... சுழட்டி அடிக்க போகுது...!