ஓபன் ஏஐ (OpenAI) நிறுவனத்தோட தலைமை செயல் அதிகாரி (CEO) சாம் ஆல்ட்மன், வங்கிகளோட பாதுகாப்பு அம்சங்களை செயற்கை நுண்ணறிவு (AI) முறியடிக்க முடியும்னு ஒரு பரபரப்பான எச்சரிக்கையை விடுத்திருக்கார். இது மூலமா அடையாள திருட்டு, இணைய மோசடி, போலி செய்திகள் மாதிரியான பிரச்சினைகள் உலக அளவுல அதிகரிக்கும் அபாயம் இருக்குனு ஜூலை 22, 2025-ல வாஷிங்டனில் நடந்த அமெரிக்க மத்திய வங்கி (Federal Reserve) மாநாட்டுல பேசியிருக்கார்.

 இந்த மாநாட்டுல, “வங்கிகள் இன்னும் குரல் அடையாள அங்கீகாரத்தை (voiceprint authentication) பயன்படுத்துறது எனக்கு பயத்தை கிளப்புது. AI இப்போ இந்த மாதிரி பாதுகாப்பு முறைகளை முழுசா முறியடிச்சிருக்கு”னு ஆல்ட்மன் கவலை தெரிவிச்சிருக்கார்.

ஆல்ட்மன் சொல்றது, AI-யோட வளர்ச்சி இப்போ ரொம்ப வேகமா இருக்கு, இதனால வங்கிகளோட பாதுகாப்பு முறைகள் பலவீனமாகி, மோசடி செய்யுறவங்களுக்கு (bad actors) எளிதாக வழி வகுக்குது. குறிப்பா, குரல் அடையாள அங்கீகாரம் மூலமா பெரிய தொகை பணத்தை நகர்த்துற வங்கிகள் இன்னும் இருக்குனு அவர் அதிர்ச்சி தெரிவிச்சார். 

இதையும் படிங்க: ட்ரோன் மூலம் ஏவப்பட்ட ஏவுகணை!! உலக அரங்கில் கெத்து காட்டிய இந்தியா!!

“AI குரல் குளோனிங் (voice cloning) தொழில்நுட்பம் மூலமா ஒருத்தரோட குரலை மூணு செகண்டுல பிரதி எடுத்து, வங்கி கணக்குகளை காலி செய்ய முடியும்”னு அவர் எச்சரிச்சிருக்கார். இது இனி வரப்போற “மோசடி புயல்” (fraud crisis) பற்றிய பயத்தை உருவாக்குது.

இந்த மாநாட்டுல, ஆல்ட்மன் அமெரிக்க வங்கி ஒழுங்குமுறை அதிகாரிகளையும், வால் ஸ்ட்ரீட் நிறுவனங்களையும் எச்சரிச்சு, “AI-யால் உருவாக்கப்பட்ட குரல், வீடியோ குளோன்கள் இப்போ யதார்த்தத்துக்கு மிக அருகில் இருக்கு. இதுக்கு புது அங்கீகார முறைகள் தேவை”னு வலியுறுத்தியிருக்கார். அமெரிக்க மத்திய வங்கியோட துணைத் தலைவர் மிஷெல் போமன், “இந்த பிரச்சினைக்கு ஒரு கூட்டு தீர்வு காணலாம்னு” பதில் சொல்லியிருக்காங்க.

இந்த எச்சரிக்கை, இந்தியாவுக்கும் முக்கியமானது. இந்தியாவுல வங்கிகள், UPI மற்றும் இணைய வங்கி சேவைகளை பயன்படுத்துறவங்க அதிகமா இருக்காங்க. குரல் அடையாள அங்கீகாரம் இங்கேயும் சில இடங்களில் பயன்படுத்தப்படுது. 
ஆல்ட்மன் சொல்ற மாதிரி, AI குரல் குளோனிங் மூலமா மோசடி செய்ய முடியும்னா, இந்திய வங்கி பயனர்களும் பாதிக்கப்படலாம். இதே மாநாட்டுல, OpenAI-யோட தலைமை பொருளாதார நிபுணர் ரோனி சாட்டர்ஜி, ChatGPT-யை உலகளவில் 500 மில்லியன் பேர் பயன்படுத்துறாங்கனு ஒரு அறிக்கை வெளியிட்டிருக்கார்.

18-34 வயசு அமெரிக்கர்களில் 20% பேர், ChatGPT-யை “தனிப்பயன் ஆசிரியர்” மாதிரி பயன்படுத்துறாங்கனு சொல்றார். ஆனா, ஆல்ட்மன், “ChatGPT-யை அதிகமா நம்ப வேண்டாம், இது இன்னும் நம்பகமானதா இல்லை, தவறான தகவல்களை (hallucinations) கொடுக்கலாம்”னு எச்சரிச்சிருக்கார்.

இந்த எச்சரிக்கை, வங்கிகளுக்கு மட்டுமல்ல, இணைய பயனர்கள் எல்லாருக்குமே ஒரு எச்சரிக்கை மணி. இனி, பாஸ்வர்டு மட்டுமே பாதுகாப்பான அங்கீகார முறையா இருக்கலாம்னு ஆல்ட்மன் சொல்றார். இந்தியாவுலயும் வங்கிகள், AI மோசடிகளுக்கு எதிரா புது தொழில்நுட்பங்களை உருவாக்க வேண்டிய நேரம் வந்திருக்கு!.

இதையும் படிங்க: குழந்தை விற்பனை படுஜோர்! போலீஸ் வலையில் சிக்கிய இளம்பெண்! தீவிர விசாரணை..!