கானா நாட்டில் நேற்று (ஆகஸ்ட் 6, 2025) நடந்த ஒரு பயங்கர ஹெலிகாப்டர் விபத்து, அந்த நாட்டை சோகத்தில் ஆழ்த்தியிருக்கு. இந்த விபத்தில் கானாவோட பாதுகாப்பு அமைச்சர் எட்வர்டு ஒமானே போமா, சுற்றுச்சூழல், அறிவியல் மற்றும் தொழில்நுட்ப அமைச்சர் இப்ராஹிம் முர்தலா முஹம்மது உட்பட 8 பேர் உயிரிழந்திருக்காங்க. இந்த சம்பவம் கானாவோட மிக மோசமான விமான விபத்துகளில் ஒண்ணா பார்க்கப்படுது.

நேத்து காலை 9 மணி அளவுல கானாவோட தலைநகர் அக்ராவிலிருந்து ஒரு ராணுவ ஹெலிகாப்டர் (Z9 மாடல்) புறப்பட்டு அசாந்தி மாகாணத்துல இருக்குற ஒபுவாசி நகரத்துக்கு போயிருக்கு. இந்த ஹெலிகாப்டர் சட்டவிரோத தங்க சுரங்கங்களுக்கு எதிரான ஒரு நிகழ்ச்சிக்காக அங்க போயிருந்தது. ஆனா, புறப்பட்டு சில மணி நேரத்துலயே இந்த ஹெலிகாப்டர் ரேடாரை விட்டு மறைஞ்சு போச்சு. அசாந்தி மாகாணத்துல சிகமான் பகுதிக்கு அருகே விபத்து நடந்திருக்கு. விபத்து நடந்த இடத்துல எரிஞ்சு போன ஹெலிகாப்டரோட பாகங்கள் கிடைச்சிருக்கு, ஆனா ஒருத்தரும் உயிரோட இல்லைனு அதிகாரிகள் உறுதி செய்திருக்காங்க.

இந்த விபத்தில் பாதுகாப்பு அமைச்சர் எட்வர்டு ஒமானே போமா, சுற்றுச்சூழல் அமைச்சர் இப்ராஹிம் முர்தலா முஹம்மது, தேசிய பாதுகாப்பு துணை ஒருங்கிணைப்பாளர் அல்ஹாஜி முஹம்மது முனிரு, ஆளும் தேசிய ஜனநாயக காங்கிரஸ் (NDC) கட்சியோட துணைத் தலைவர் சாமுவேல் சார்போங் உட்பட மூணு ராணுவ வீரர்கள் – ஸ்குவாட்ரன் லீடர் பீட்டர் பஃபேமி அனலா, பறக்கும் அதிகாரி மாலின் துவும்-அம்பாடு, சார்ஜென்ட் எர்னஸ்ட் அடோ மென்சா – ஆகியோரும் உயிரிழந்திருக்காங்க. இந்த விபத்து கானாவுக்கு பெரிய இழப்பு.

இதையும் படிங்க: தரமற்ற தடுப்பணை... விவசாயிகள் வயித்துல அடிக்காதீங்க! நயினார் ஆவேசம்

கானா அதிபர் ஜான் மஹாமாவோட தலைமை பணியாளர் ஜூலியஸ் டெப்ரா, “நாட்டுக்காக தங்கள் உயிரை தியாகம் செய்த எங்கள் தோழர்களோட குடும்பங்களுக்கு ஆழ்ந்த இரங்கலை தெரிவிக்கிறோம்,”னு சொல்லியிருக்காரு. அதிபர் மஹாமா இந்த சோகத்துல உணர்ச்சிவசப்பட்டு, நேத்து தன்னோட அனைத்து அதிகாரப்பூர்வ நிகழ்ச்சிகளையும் ரத்து செய்திருக்காரு. நாடு முழுக்க கொடிகள் அரைக்கம்பத்துல பறக்க உத்தரவு இடப்பட்டிருக்கு.

எட்வர்டு ஒமானே போமா ஒரு மருத்துவர் ஆனாலும், மஹாமாவோட 2012-2017 ஆட்சியில தகவல் தொடர்பு அமைச்சரா, அதுக்கு முன்னாடி சுற்றுச்சூழல் துணை அமைச்சரா பணியாற்றியவர். இப்போ பாதுகாப்பு அமைச்சரா, பர்கினா ஃபாசோவுல இருந்து வர்ற ஜிஹாதி அச்சுறுத்தல்களை எதிர்கொள்ள பெரிய பங்கு வகிச்சவர். இப்ராஹிம் முர்தலா முஹம்மது சுற்றுச்சூழல் மற்றும் அறிவியல் துறையில் முக்கிய பங்களிப்பு செய்தவர். இவங்களோட இழப்பு கானா அரசாங்கத்துக்கு பெரிய இடியாக இருக்கு.

விபத்துக்கு என்ன காரணம்னு இன்னும் தெரியல. கானா விமானப்படை விசாரணையை தொடங்கியிருக்கு. கானாவோட வடக்கு எல்லையில் பர்கினா ஃபாசோவுல இருந்து ஆயுத கடத்தல், ஜிஹாதி ஊடுருவல் மாதிரியான பிரச்சனைகள் அதிகரிச்சிருக்குற இந்த நேரத்துல, இந்த விபத்து நாட்டுக்கு இன்னொரு பின்னடைவு. இந்த சோகம் கானாவை மட்டுமில்ல, மேற்கு ஆப்பிரிக்க பிராந்தியத்தையே உலுக்கியிருக்கு. 

இதையும் படிங்க: அமெரிக்க வேளாண் பொருட்களுக்கு அனுமதி கிடையாது! அதிரடியை ஆரம்பித்தார் மோடி!! ட்ரம்புக்கு ஆப்பு!!