அமெரிக்காவுல ஒரு புது ட்ராமா ஆரம்பிச்சிருக்கு! தற்போதைய அதிபர் டொனால்ட் ட்ரம்பு, முன்னாள் அதிபர் பாரக் ஒபாமாவை FBI ஏஜென்ட்ஸ் கையில விலங்கு மாட்டி, ஒவல் ஆபீஸ்ல கைது பண்ணுற மாதிரி ஒரு AI-ஜெனரேட்டட் வீடியோவை தன்னோட ட்ரூத் சோஷியல் பிளாட்ஃபார்ம்ல போஸ்ட் பண்ணியிருக்கார். இந்த 45 வினாடி வீடியோ, “எவனும் சட்டத்துக்கு மேல இல்லை”னு ஒபாமா உட்பட பல ஜனநாயக கட்சி தலைவர்கள் சொல்ற கிளிப்போட ஆரம்பிக்குது. 

அப்புறம், ஒபாமாவை FBI ஆளுங்க கைது பண்ணி, விலங்கு மாட்டி, ஆரஞ்சு நிற சிறை உடையோட ஜெயிலுக்குள்ள அடைக்கற மாதிரி ஒரு டீப்-ஃபேக் காட்சி வருது. இதுல ட்ரம்பு பக்கத்துல உக்காந்து ஒரு குறும்பு புன்னகையோட பார்க்கறார். இந்த வீடியோவுக்கு எந்த டிஸ்கிளைமரும் இல்லை, அதாவது இது ஃபேக் வீடியோனு சொல்லாம போஸ்ட் பண்ணியிருக்கார். இதனால, இது “மிகவும் பொறுப்பற்ற செயல்”னு விமர்சகர்கள் கடுமையா விளாசியிருக்காங்க.

இந்த வீடியோ வந்த பின்னணி என்னனா, ட்ரம்போட தேசிய உளவுத்துறை இயக்குநர் துல்சி கப்பார்ட், 2016 தேர்தல்ல ஒபாமா அரசு, ட்ரம்போட வெற்றியை கவுக்க “ரஷ்ய தலையீடு”னு ஒரு பொய் கதையை உருவாக்கியதா குற்றஞ்சாட்டியிருக்கார். 114 பக்க அறிக்கையோட, “ஒபாமாவும் அவரோட மூத்த அதிகாரிகளும் இந்த ட்ரம்ப்-ரஷ்யா கூட்டு கதையை உருவாக்கி, அமெரிக்க மக்களோட விருப்பத்தை புரட்டிப் போட்டாங்க”னு கப்பார்ட் சொல்லியிருக்கார்.

இதையும் படிங்க: யாரோடது அந்த 5 விமானம்? வாய் விட்ட ட்ரம்ப்.. மாட்டிக்கிட்டு முழிக்கும் பாஜக!!

 இதுக்கு ஆதாரமா, 2016 தேர்தலுக்கு முன்னாடி ரஷ்யா தலையீடு செய்யலனு உளவுத்துறை அறிக்கைகள் சொன்னதையும், ஆனா ஒபாமா அரசு இதை திருப்பி “ரஷ்யா தலையீடு செஞ்சது”னு பொய்யா பரப்பியதையும் கப்பார்ட் சுட்டிக்காட்டியிருக்கார். இந்த ஆவணங்களை FBI, நீதித்துறைக்கு கப்பார்ட் அனுப்பியிருக்காங்க, ஒபாமாவை விசாரிக்கணும்னு கோரிக்கை வைச்சிருக்காங்க.

இந்த வீடியோவும் கப்பார்டோட குற்றச்சாட்டுகளும், ட்ரம்போட நீண்டநாள் கோபத்தை காட்டுது. 2016-ல இருந்து, “ரஷ்யா கூட்டு” புரளியை ஒபாமா அரசு திட்டமிட்டு பரப்பியதா ட்ரம்பு நம்பறார். இதனால, இந்த AI வீடியோ ஒரு கேலிக்கூத்தா இருந்தாலும், ட்ரம்போட ஆதரவாளர்கள் இதை “நியாயம் நடக்கணும்”னு ஆரவாரம் பண்ணுறாங்க. சிலர் இதை “இதை ரியல் ஆக்குங்க”னு கத்தியிருக்காங்க..

ஆனா, இன்னொரு பக்கம், இது “எப்ஸ்டீன் ஃபைல்ஸ் சர்ச்சையை திசை திருப்பற முயற்சி”னு குற்றச்சாட்டும் எழுந்திருக்கு.ஒபாமாவோ அவரோட அரசு அதிகாரிகளோ இதுவரை இந்த குற்றச்சாட்டுகளுக்கு பதில் சொல்லல. ஆனா, இந்த வீடியோ அரசியல் வட்டாரத்துல பெரிய பரபரப்பை கிளப்பியிருக்கு. AI தொழில்நுட்பத்தை இப்படி தவறா பயன்படுத்தறது, தவறான தகவல்களை பரப்பி, பொதுமக்களை குழப்பறதுக்கு வழிவகுக்கும்னு விமர்சகர்கள் எச்சரிக்கறாங்க. 

இந்த சர்ச்சை, ட்ரம்போட இரண்டாவது ஆட்சியில அரசியல் பழிவாங்கல் அதிகரிக்குமோனு கேள்வி எழுப்புது. இதுக்கு ஒபாமா பதில் சொல்லுவாரா, இல்ல ட்ரம்பு இன்னும் இதை வெச்சு ஆட்டம் ஆடுவாரா? இந்த டிஜிட்டல் யுத்தம் எங்க போய் முடியும்னு பொறுத்திருந்து பார்க்கலாம்! 

இதையும் படிங்க: ஆபாசமாக படம் வரைந்து பர்த் டே வாழ்த்து! சிக்குவாரா ட்ரம்ப்? ரூ. 80,000 கோடி நஷ்ட ஈடு கேட்டு வழக்கு!