சவுதி அரேபியாவின் தாயிப் நகரில் உள்ள கிரீன் மவுண்டன் பூங்காவில் நேற்று நடந்த ஒரு சோகமான விபத்து எல்லோர் மனசையும் உலுக்கியிருக்கு. எப்பவும் கலகலப்பா, மகிழ்ச்சியா இருக்குற இந்த பூங்காவில், 360 டிகிரி ராட்டினம் திடீரென தொழில்நுட்பக் கோளாறால உடைஞ்சு கீழே விழுந்துடுச்சு. இந்த பயங்கரமான சம்பவத்துல 20 பேர் லேசான காயங்களோட உயிர் தப்பினாங்க. ஆனா, மூணு பேர் படுமோசமா காயமடைஞ்சு, மருத்துவமனையில் ஆபத்தான நிலையில் உயிருக்குப் போராடிட்டு இருக்காங்க. 

சம்பவம் நடந்த சில நிமிஷங்களில் மீட்புப் படையினர், தீயணைப்புத் துறையினர், மருத்துவக் குழுவினர் எல்லாம் சம்பவ இடத்துக்கு விரைந்து வந்தாங்க. காயமடைஞ்சவங்களை உடனடியா மீட்டு, அருகில் இருக்குற மருத்துவமனைகளுக்கு அனுப்பி வச்சாங்க. இந்த விபத்தோட வீடியோ இப்போ சமூக வலைதளங்களில் பரவி, பார்க்குறவங்க மனசை பதற வைக்குது.

 அதுல ராட்டினத்தோட மையக் கம்பம் இரண்டு துண்டா உடைஞ்சு, ஒரு பகுதி பயங்கரமா தரையில் விழுற காட்சி இருக்கு. அந்தக் காட்சியைப் பார்க்கும்போது, அங்க இருந்தவங்க எப்படி உயிர் பயத்துல தவிச்சிருப்பாங்கனு நினைச்சாலே மனசு கலங்குது. 

இதையும் படிங்க: மீளா துயிலில் தூங்கும் இளவரசர்! சோகத்தில் மூழ்கிய சவுதி அரேபியா! மனதை பிழியும் சோகம்!!

அந்த நேரத்துல ராட்டினத்தில் இளைஞர்கள், பெண்கள், சில குடும்பங்கள் கூட உற்சாகமா சவாரி செஞ்சிட்டு இருந்தாங்க. எல்லாரும் சிரிச்சு, கத்தி, அந்த சவாரியோட வேகத்தை ரசிச்சிட்டு இருந்தாங்க. ஆனா, ஒரு நொடியில் எல்லாம் தலைகீழா மாறிடுச்சு. திடீரென ஒரு வெடி மாதிரி சத்தம்!

ராட்டினத்தோட ஒரு பகுதி உடைஞ்சு கீழே விழ, உள்ள இருந்தவங்க உயிர் பயத்துல கதற ஆரம்பிச்சாங்க. “காப்பாத்துங்க, இறைவா!”னு சிலர் இறைவனை வேண்டிக்கிட்டாங்க. அந்தக் கூட்டத்துல இருந்து எழுந்த அலறல் சத்தம், இன்னும் அந்த வீடியோவுல கேட்கும்போது நெஞ்சை உலுக்குது. 

இந்த சம்பவம் இதோட முதல் தடவை இல்லை. இந்த வருஷம் ஏப்ரல் மாசம், டில்லியில கபாஷேரா பகுதியில இருக்குற ஒரு பூங்காவில் இதே மாதிரி ராட்டினம் உடைஞ்சு, 24 வயசு பெண் ஒருத்தர் உயிரிழந்த சம்பவம் இன்னும் மனசுல பதிஞ்சிருக்கு. இப்போ தாயிப்ல இன்னொரு விபத்து! இப்படி தொடர்ந்து நடக்குற விபத்துகள், பொழுதுபோக்கு இடங்களோட பாதுகாப்பு மேல ஒரு பெரிய கேள்வியை எழுப்புது. 

இந்த ராட்டினங்கள், இந்த உபகரணங்கள் எல்லாம் சரியா பரிசோதிக்கப்படுதா? தொழில்நுட்பக் கோளாறு ஏன் திரும்பத் திரும்ப வருது? இதுக்கு யாரு பொறுப்பு?மக்கள் மகிழ்ச்சியா, கவலையில்லாம செலவழிக்க வந்த இடத்தில், இப்படி உயிருக்கு ஆபத்து வரலாமா? இந்த மூணு பேரோட நிலைமை கவலைக்கிடமா இருக்கு. அவங்க உயிர் பிழைச்சு, சீக்கிரம் குணமாகணும்னு மனசார பிரார்த்திக்கிறோம். ஆனா, இந்த விபத்து நம்மை எல்லாம் யோசிக்க வைக்குது. 

பூங்காக்கள்ல, இந்த மாதிரி சவாரிகள்ல ஏறும்போது, நம்ம பாதுகாப்பு உறுதியா இருக்கானு யாரு உத்தரவாதம் தருவாங்க? இனி இப்படியான விபத்துகள் நடக்காம இருக்க, பூங்கா நிர்வாகங்கள், உள்ளூர் அரசாங்கங்கள், தொழில்நுட்ப வல்லுநர்கள் எல்லாம் ஒண்ணு சேர்ந்து கடுமையான பாதுகாப்பு நடவடிக்கைகளை எடுக்கணும். ஒவ்வொரு உபகரணமும் தவறாம பரிசோதிக்கப்படணும். மக்கள் உற்சாகமா வந்து, பாதுகாப்பா, மகிழ்ச்சியா வீட்டுக்கு திரும்பணும். இந்த திக் திக் நொடிகள், இந்த அலறல் சத்தங்கள் இனி யாருக்கும் வேண்டாம்.

இதையும் படிங்க: கவினின் உடலை பெற்றுக் கொள்ளும் பெற்றோர்... நெல்லை மருத்துவமனையில் போலீசார் குவிப்பு