மகா சிவராத்திரி போன்ற புனிதமான திருவிழாவை முன்னிட்டு, தமிழ்நாடு அரசு போக்குவரத்துக் கழகம் பக்தர்களின் வசதிக்கு முன்னுரிமை அளித்து உள்ளது. இந்த ஆண்டு 2026-ல் மகா சிவராத்திரி பிப்ரவரி 15-ஆம் தேதி ஞாயிற்றுக்கிழமை அன்று கொண்டாடப்பட உள்ள நிலையில், பக்தர்கள் பலரும் சிவாலயங்களுக்குச் சென்று வழிபடுவதற்காகவும், தொலைதூரப் பயணங்கள் மேற்கொள்வதற்காகவும் சிறப்பு ஏற்பாடுகளைச் செய்துள்ளது அரசு போக்குவரத்துக் கழகம்.

பொதுவாகவே இந்த நாளில் திருநெல்வேலி, மதுரை, கோயம்புத்தூர், திருச்சி, திண்டுக்கல், தேனி போன்ற இடங்களிலிருந்து பல்வேறு சிவத் தலங்களுக்கு அதிக அளவில் பயணிகள் செல்வது வழக்கம். அதனால், தினசரி இயக்கப்படும் வழக்கமான பேருந்துகளோடு கூடுதலாக சிறப்புப் பேருந்துகளை இயக்க தமிழ்நாடு அரசு போக்குவரத்துக் கழகம் திட்டமிட்டுள்ளது. குறிப்பாக திருநெல்வேலி மண்டலத்தில் பஞ்சபூத தலங்களான தாருகாபுரம், சங்கரன்கோவில், தென்மலை, தேவதானம் ஆகிய இடங்களுக்கும், நவகைலாய திருத்தலங்களுக்கும் சிறப்பு பேருந்துகள் ஏற்பாடு செய்யப்பட்டுள்ளன.

இதேபோல், சென்னை உள்ளிட்ட பெருநகரங்களிலிருந்து திருவண்ணாமலை, கும்பகோணம் போன்ற பிரபல சிவாலயங்களுக்கு நோக்கி செல்லும் பக்தர்களுக்கும் கூடுதல் பேருந்துகள் இயக்கப்படும் என்ற எதிர்பார்ப்பு உள்ளது. மகா சிவராத்திரி, வார இறுதி நாட்களை முன்னிட்டு பிப்ரவரி 12 முதல் 14ம் தேதி வரை சிறப்பு பேருந்துகள் இயக்கப்படுவதாக தமிழக போக்குவரத்துக் கழகம் அறிவித்து உள்ளது.

இதையும் படிங்க: சீமான் சொல்வது பொய்..! தமிழ் தேர்வில் விலக்கா? உண்மையை உடைத்த TN FACT CHECK..!

சென்னை கிளாம்பாக்கத்திலிருந்து பிப்ரவரி 12 முதல் 14ம் தேதி வரை 505 சிறப்பு பேருந்துகள் இயக்கப்படும் என்று தெரிவித்துள்ளது. கோயம்பேட்டிலிருந்து 13 மற்றும் 14ம் தேதிகளில் தலா 55 சிறப்பு பேருந்துகள் இயக்கப்படும் என்றும் மாதவரத்திலிருந்து 13 மற்றும் 14ம் தேதிகளில் தலா 20 சிறப்பு பேருந்துகள் இயக்கப்படும் என்றும் தெரிவித்துள்ளது

இதையும் படிங்க: 10 ஆம் வகுப்பு பொதுத்தேர்வில் தமிழ் மொழியை கட்டாயப்படுத்துங்கள்...! அன்னை தமிழுக்கு துரோகம்... சீமான் ஆவேசம்..!