ரஷ்யா-உக்ரைன் போரை முடிவுக்கு கொண்டுவர அமெரிக்கா தீவிர முயற்சி செய்து வருகிறது. ஆனால் உக்ரைன் அதிபர் வொளோடிமிர் ஜெலன்ஸ்கி அமெரிக்காவின் அமைதி ஒப்பந்த பரிந்துரைகளை படிக்காமலேயே எதிர்க்கிறார் என்று அமெரிக்க அதிபர் டொனால்ட் டிரம்ப் விரக்தியுடன் தெரிவித்துள்ளார். “ஜெலன்ஸ்கி பரிந்துரைகளை படித்து பார்க்கவே இல்லை. அவரது மக்கள் இதை விரும்புகிறார்கள், ஆனால் அவர் தயாராக இல்லை” என்று டிரம்ப் கூறினார்.

ரஷ்யா-உக்ரைன் போர் 4 ஆண்டுகளாக நீடிக்கிறது. அமெரிக்கா, ரஷ்ய அதிபர் விளாடிமிர் புதின், உக்ரைன் அதிபர் ஜெலன்ஸ்கி ஆகியோருடன் தொடர்ந்து பேச்சுவார்த்தை நடத்தி வருகிறது. அமெரிக்காவின் 28 அம்ச அமைதி திட்டம், உக்ரைனுக்கு சிக்கலான சலுகைகளை வழங்குகிறது. ரஷ்யாவின் கோரிக்கைகளுக்கு சாதகமாக இருப்பதாக ஜெலன்ஸ்கி தொடர்ந்து புகார் கூறுகிறார்.

இதுகுறித்து டிரம்ப் கூறுகையில், “ரஷ்யா இந்த ஒப்பந்தத்தை ஏற்கத் தயாராக இருக்கிறது. உக்ரைன் மக்களும் நமது முயற்சியை ஆதரிக்கிறார்கள். ஆனால் ஜெலன்ஸ்கி படிக்காமலேயே எதிர்க்கிறார். இது ஏமாற்றமளிக்கிறது” என்றார்.

இதையும் படிங்க: உக்ரைன் - ரஷ்யா அமைதி திட்டம்!! ட்ரம்ப் எடுத்த திடீர் முடிவு!! ஜெலன்ஸ்கி ஆதரவு!!

ஜெலன்ஸ்கி, ஐரோப்பிய தலைவர்களுடன் லண்டனில் பேச்சுவார்த்தை நடத்தி வருகிறார். அமெரிக்காவின் திட்டத்தை “உக்ரைனுக்கு அநீதி” என்று அவர் கூறுகிறார். டிரம்ப், “தாங்க்ஸ் கிவிங்” (நவம்பர் 27) வரை ஒப்பந்தம் ஏற்படுத்த விரும்புகிறார். ஆனால் பேச்சுவார்த்தை தாமதமாகியுள்ளது. உக்ரைன் உள்துறை அமைச்சர் ரஸ்டெம் உமரோவ், “ஜெலன்ஸ்கி திங்கட்கிழமை (டிசம்பர் 8) அமெரிக்க அதிகாரிகளுடன் பேசி, அனைத்து ஆவணங்களையும் பெறுவார்” என்று தெரிவித்தார்.

இந்த போர், உக்ரைனுக்கு பெரும் சேதத்தை ஏற்படுத்தியுள்ளது. டிரம்ப், “அமெரிக்காவின் பணம் வீணாவதாக இருக்கிறது” என்று கூறுகிறார். ரஷ்யா திட்டத்தை “மாற்றம் தேவை” என்று கூறுகிறது. ஐரோப்பிய தலைவர்கள் ஜெலன்ஸ்கியை ஆதரிக்கின்றனர். இந்த பேச்சுவார்த்தை, உக்ரைன் போரை முடிவுக்கு கொண்டுவரும் முக்கிய தருணமாக இருக்கும்.

இதையும் படிங்க: தூங்கிவிட்டேனாம்! பெரிய துக்கமாக பேசுகிறார்கள்! அமைச்சரவை கூட்டத்தில் தூங்கி வழிந்த ட்ரம்ப்!