த.வெ.க, 2024 ல் விஜய் தொடங்கிய கட்சி. ஊழல், சாதி-மத பிளவுகளை எதிர்த்து, சமூக நீதி, முன்னேற்றம் என்பவற்றை மையமாகக் கொண்டு செயல்படுவதாக அறிவித்தது. 2024 நாடாளுமன்றத் தேர்தலில் போட்டியிடாமல், 2026 சட்டமன்றத் தேர்தலில் தனித்து நிற்கும் என அறிவித்தது. இதற்கிடையில், கட்சியின் மாநாடுகள், உறுப்பினர் சேர்க்கை இயக்கங்கள் ஆகியவை மக்களிடையே வரவேற்பைப் பெற்றன.
தமிழக அரசியலின் புதிய அலை என்று கொண்டாடப்பட்ட தமிழக வெற்றிக் கழகம் நடிகர் விஜயின் தலைமையில் 2024 பிப்ரவரியில் தொடங்கியது. சமூக நீதி, சமத்துவம், அரசியல் மாற்றம் என்பனவற்றை முழக்கமாகக் கொண்டாடி, 2026 சட்டமன்றத் தேர்தலில் போட்டியிடும் என அறிவித்தது. ஆனால், கட்சியின் வளர்ச்சியின் நடுவே, உள்ளார்ந்த பிரச்சினைகள் வெளிப்பட்டு வருகின்றன.
குறிப்பாக, கட்சி பொறுப்புகளுக்கு பணம் பெறுவதாக எழுந்த குற்றச்சாட்டுகள், த.வெ.கவை ஒரு அரசியல் புயலாக மாற்றியுள்ளன. கட்சியின் இளைஞர் ஆதரவு, இந்தப் புகார்களால் சில இடங்களில் சிதறியது. இந்தக் குற்றச்சாட்டுகள், தமிழக அரசியலின் பொதுவான நிலையைப் பிரதிபலிக்கின்றன.
இதையும் படிங்க: 6வது நாளாக தொடரும் போராட்டம்..!! போராட்டக்களத்திற்கு வந்த செவிலியர்கள் குண்டுக்கட்டாக கைது..!!
தவெக மதுரை வடக்கு மாவட்ட செயலாளர் கல்லாணை விஜயன்பனுக்கு எதிராக தவெக தொண்டர்கள் போராட்டத்தில் ஈடுபட்டனர். பெண் தொண்டர்கள், நிர்வாகிகளை கல்லாணை விஜயன்பன் உருவகேலி செய்வதாகவும் புகார் தெரிவித்து உள்ளனர். கட்சிப் பதவிகளுக்கு பணம் பெறுவதாகவும் கல்லாணை விஜயன்பன் மீது குற்றச்சாட்டு முன்வைக்கப்பட்டு உள்ளது. மாவட்ட செயலாளரை கண்டித்து பேனர்களை ஏந்தியவாறு போராட்டம் நடத்தினர்.
இதையும் படிங்க: அமைச்சர் மிரட்டும் தொனியில் பேசுறாரு... செவிலியர் சங்க பொதுச்செயலாளர் பகிரங்க குற்றச்சாட்டு...!