H-1B விசா வைத்திருப்பவர்களுடன் அமெரிக்கா செல்லும் அவர்களது துணைக்கு வழங்கப்படும் H-4 விசாவில் புதிய கட்டுப்பாடுகளை அமெரிக்க நிர்வாகம் விதித்துள்ளது.

தற்போதைய சட்டப்படி, H-4 விசா வைத்திருப்பவர்கள் அமெரிக்காவில் வேலை செய்வதற்கு வேலை அனுமதி வழங்கப்பட்டு வருகிறது. இந்த நடைமுறையில் தற்போது மாற்றங்களை கொண்டுவர அமெரிக்க அரசு நடவடிக்கை எடுத்துள்ளது.

H-1B விசாவில் அமெரிக்காவில் வசிப்பவர்களின் கணவன் அல்லது மனைவி H-4 விசா மூலம் அங்கு தங்கியிருந்து பணிபுரிந்து வருகின்றனர். குறிப்பாக, 2014 முதல் 2017-ம் ஆண்டு வரை H-4 விசாவின் கீழ் வேலை செய்ய அனுமதி கோரி விண்ணப்பித்தவர்களில் 94 சதவீதம் பேர் இந்தியர்கள் என்பது குறிப்பிடத்தக்கது.

இதையும் படிங்க: பெட்ரோல் விலை குறையுமா? வெனிசுலாவின் எண்ணெய் வளத்தை குறிவைத்த டிரம்ப்! அமெரிக்காவின் வரலாற்று ஒப்பந்தம்!

10 ஆண்டுகளுக்கும் மேலாக நடைமுறையில் உள்ள இந்த விசா விதிகளில் மாற்றம் கொண்டுவர ட்ரம்ப் நிர்வாகம் முனைப்பு காட்டி வருகிறது. ஏற்கனவே 2017-ம் ஆண்டில் இந்த விதிகளில் மாற்றம் கொண்டுவருவது தொடர்பான அறிவிப்பு வெளியிடப்பட்டு, பின்னர் அந்த நடவடிக்கை கைவிடப்பட்டது.

இந்நிலையில், H-1B விசா பெற்றவர்களுடன் அமெரிக்கா செல்லும் அவர்களது துணைக்கு வழங்கப்படும் H-4 விசா தொடர்பான வேலை அனுமதியில் மீண்டும் புதிய கட்டுப்பாடுகளை அமல்படுத்த அமெரிக்க அரசு முடிவு செய்துள்ளது.

தற்போதைய விதிகளின்படி, குறிப்பிட்ட நிபந்தனைகளைப் பூர்த்தி செய்யும் H-4 விசாதாரர்கள் அமெரிக்காவில் வேலை செய்ய அனுமதி பெற முடியும். ஆனால், H-4 விசாதாரர்கள் சட்டப்பூர்வமாக வேலை செய்வதற்கு அனுமதிக்கும் இந்த விதிகளில் மாற்றம் செய்ய அமெரிக்க அரசு திட்டமிட்டுள்ளது.

இதன் மூலம், H-1B விசாவில் அமெரிக்காவில் வசிப்பவர்களின் கணவன் அல்லது மனைவி H-4 விசா மூலம் பணிபுரியும் நடைமுறையில் கட்டுப்பாடுகள் ஏற்படக்கூடும் என எதிர்பார்க்கப்படுகிறது.

இந்த புதிய மாற்றம் அமெரிக்காவில் வசிக்கும் H-1B விசாதாரர்களின் குடும்பங்களையும், குறிப்பாக அதிக எண்ணிக்கையில் உள்ள இந்தியர்களையும் பாதிக்கக்கூடும் என்பதால், இதன் மீதான கவனம் அதிகரித்துள்ளது.

இதையும் படிங்க: அமெரிக்கா மீது இந்திய மாணவர்களுக்கு குறைகிறது ஆர்வம்? விண்ணப்பங்கள் 15% சரிவு! டிரம்ப் விசா கொள்கையால் அதிர்ச்சி!