தலைமை தேர்தல் ஆணையர் ஞானேஷ் குமார் பதவி விலக வேண்டும் என்ற கோரிக்கையை முன்வைத்து கரப்பாம்பூச்சி ஜனதா கட்சி இன்று டெல்லியில் போராட்டம் நடத்தத் திட்டமிட்டிருந்தது. வாக்காளர் பட்டியல் சிறப்பு தீவிர திருத்த நடவடிக்கையில் தன்னிச்சையாக முடிவுகள் எடுக்கப்பட்டதாகவும், ஏராளமான வாக்குகள் நீக்கப்பட்டதாகவும் குற்றம்சாட்டிய அக்கட்சி, ஞானேஷ் குமார் பதவி விலகாவிட்டால் நாடு தழுவிய போராட்டம் நடத்துவோம் என்று ஏற்கனவே எச்சரித்திருந்தது.

அந்த அறிவிப்பின் தொடர்ச்சியாக அக்டோபர் 2 முதல் போராட்டங்களைத் தொடங்கிய கட்சி, இன்று ஜந்தர் மந்தரில் பெரிய அளவிலான ஆர்ப்பாட்டத்தை நடத்தத் திட்டமிட்டிருந்தது.இந்தப் போராட்டத்திற்கு டெல்லி காவல்துறை அனுமதி மறுத்துள்ளது. பாதுகாப்பு காரணங்களைக் காட்டி, ஜந்தர் மந்தர் பகுதியில் கூட்டம் கூடுவதைத் தடுக்க ஏராளமான போலீசார் குவிக்கப்பட்டனர்.

நகரின் முக்கிய சாலைகளிலும், போக்குவரத்து இடங்களிலும் கட்டுப்பாடுகள் விதிக்கப்பட்டன. போராட்டத்திற்கு ஆதரவாக வருபவர்களைத் தடுக்க பல இடங்களில் தடுப்புச் சுவர்கள் அமைக்கப்பட்டன. இதனால் நகரம் முழுவதும் பதட்டமான சூழல் நிலவியது.

இதையும் படிங்க: கெத்தாய் இறக்கப்பட்ட 40,000 போலீஸ்... திரும்பிய திசையெல்லாம் கொத்து, கொத்தாய் கைது... திணறும் டெல்லி...!

இந்த நிலையில் கட்சியின் நிறுவனர் அபிஜித் தீப்கே மற்றும் இணை ஒருங்கிணைப்பாளர்களான சௌரவ் தாஸ், அசுதோஷ் ரங்கா ஆகியோர் மும்பையிலிருந்து டெல்லிக்கு விமானத்தில் பயணம் செய்தனர். விமானம் இந்திரா காந்தி சர்வதேச விமான நிலையத்தில் தரையிறங்கிய உடனேயே டெல்லி காவல்துறையினர் விமானத்திற்குள் நுழைந்தனர். அங்கிருந்தே அவர்களைக் கைது செய்தனர்.

இதையும் படிங்க: கைது செய்தாலும் பின்வாங்க மாட்டேன்! SIR நடவடிக்கைக்கு எதிராகப் போர்க்கொடி! அபிஜீத் தீப்கே பேச்சால் சர்ச்சை!