தமிழ்நாட்டின் புதிய முதலமைச்சராகப் பொறுப்பேற்றுள்ள சி. ஜோசப் விஜய், பதவியேற்ற சில நாட்களிலேயே அரசின் நிர்வாகப் பணிகளைத் தீவிரப்படுத்தியுள்ளார். சென்னை தலைமைச் செயலகத்தில் அவர் நடத்திய பல்வேறு ஆலோசனைக் கூட்டங்களின் தொடர்ச்சியாக, மாற்று பாலினத்தோர் உரிமைகள் தொடர்பான முக்கியமான சந்திப்பு ஒன்றும் நடைபெற்றது.

இந்த ஆலோசனை, சமூக நீதி மற்றும் உள்ளடக்கிய வளர்ச்சியை நோக்கிய தமிழக வெற்றிக் கழக அரசின் அணுகுமுறையை பிரதிபலிக்கிறது. பதவியேற்ற உடனேயே மக்கள் பிரச்சினைகளுக்கு தீர்வு காணும் வகையில் செயல்படும் விஜய், தலைமைச் செயலகத்தில் அதிகாரிகளுடன் தொடர்ச்சியான ஆலோசனைகளை நடத்தி வருகிறார். இந்தச் சூழலில், மாற்று பாலினத்தோர் சமூகத்தைச் சேர்ந்த உரிமைகள் ஆர்வலர்கள் ஒரு குழுவினர் முதலமைச்சரை சந்தித்து தங்கள் கோரிக்கைகளை முன்வைத்தனர்.

இந்த சந்திப்பு தலைமைச் செயலகத்தில் நடைபெற்றது. மகளிர் உரிமைத் தொகை திட்டத்தில் திருநங்கைகளையும் உள்ளடக்க வேண்டும், இலவச பேருந்து பயண உரிமை, வாழ்வாதார மேம்பாட்டுத் திட்டங்கள், சுயதொழில் உதவிகள், பாதுகாப்பு மற்றும் சமூக ஒருங்கிணைப்பு ஆகியவற்றை வலியுறுத்தி இருப்பதாக தகவல்கள் வெளியாகி உள்ளன.

இதையும் படிங்க: அடேங்கப்பா..!! நம்ம தமிழக CM-க்கு மாசம் இவ்ளோ சம்பளமா..!! அப்போ அமைச்சர்கள், எம்.எல்.ஏ.க்களுக்கு..??

முதலமைச்சர் விஜய் இந்தக் கோரிக்கைகளை கவனத்துடன் கேட்டார் என்றும், தொடர்புடைய துறை அதிகாரிகளுக்கு உடனடி நடவடிக்கை எடுக்க உத்தரவிடுவதாக உறுதியளித்தார் என்றும் தகவல்கள் தெரிவிக்கின்றன. திருநங்கை சமூகத்தின் நீண்டகாலக் கோரிக்கைகளான அரசு வேலைவாய்ப்புகள், கல்வி உதவிகள் மற்றும் சட்டரீதியான பாதுகாப்பு ஆகியவற்றை விரைவாக ஆய்வு செய்து செயல்படுத்த உறுதியளித்ததாகக் கூறப்படுகிறது. 

இதையும் படிங்க: மக்களின் வரப்பிரசாதம் அம்மா உணவகம்..!! தரம் உயர்த்த முதலமைச்சர் ஜோசப் விஜய் அதிரடி உத்தரவு..!!