வியாழக்கிழமை அதிகாலை 3 மணியளவில் தனது அடுக்குமாடி குடியிருப்பில் ஒரு ஊடுருவும் நபரால் கத்தியால் குத்தப்பட்டதில், சைஃப் அலி கான் தற்போது மும்பையின் லிலாவதி மருத்துவமனையில் சிகிச்சை பெற்று வருகிறார்.

இந்நிலையில், அங்குள்ள எதிர்கட்சிகள் இதனை அரசியலாக்கி உள்ளனர். மஹாராஷ்டிராவில் சட்டம் ஒழுங்கு சரியில்லை என விமர்சித்து வருகின்றன. இதுகுறித்து விளக்கமளித்துள்ள அம்மாநில முதல்வர் தேவேந்திர ஃபட்னாவிஸ், ''நடிகர் சைஃப் அலி கான் மீதான கத்திக்குத்து தாக்குதல் 'தீவிரமானது'. ஆனால் இந்த  சம்பவம் மும்பையை "பாதுகாப்பற்றது" என்று தவறாக முத்திரை குத்தப்பட்டு வருகிறது. நாட்டிலேயே மிகவும் பாதுகாப்பான பெருநகரம் மும்பைதான். இந்த சம்பவம் தீவிரமானது, ஆனால் நகரத்தை பாதுகாப்பற்றது என்று முத்திரை குத்துவது தவறு.

இந்த சம்பவத்தை தீவிரமாக எடுத்துக் கொள்ள வேண்டும். மும்பையை பாதுகாப்பானதாக மாற்ற அரசாங்கம் நடவடிக்கை எடுக்கும்.இது தொடர்பான அனைத்து விவரங்களையும் காவல்துறை வெளிப்படையாகத் தெரிவித்துள்ளது. இது என்ன மாதிரியான தாக்குதல், இதற்குப் பின்னால் உண்மையில் என்ன இருக்கிறது, தாக்குதலுக்குப் பின்னால் உள்ள நோக்கம் என்ன என்பது உங்கள் முன் உள்ளது” என்று முதல்வர் தேவேந்திர ஃபட்னாவிஸ் தெரிவித்தார்.

இதையும் படிங்க: ஆட்சினா இப்படி நடத்தணும்... அமைச்சர்களின் பணிகள் ரிவீவ்... சரியாக செயல்படாவிட்டால் பதவி காலி..!

சைஃப்பைத் தாக்கியவர் சிசிடிவி காட்சிகளைப் பயன்படுத்தி அடையாளம் காணப்பட்டார்: மும்பை காவல்துறை மும்பையின் பாந்த்ராவில் உள்ள சைஃப் அலி கானை அவரது வீட்டிற்குள் கத்தியால் குத்திய நபர் சிசிடிவி காட்சிகள் மூலம் கண்டுபிடிக்கப்பட்டுள்ளதாகவும், சம்பவம் குறித்து விசாரிக்க குழுக்கள் அமைக்கப்பட்டுள்ளதாகவும் மும்பை காவல்துறை தெரிவித்துள்ளது.

சத்குரு ஷரன் கட்டிடத்தில் உள்ள நடிகரின் 12வது மாடி பிளாட்டில் ஊடுருவிய நபர் வலுக்கட்டாயமாக நுழையவில்லை. எந்த உள்நோக்கத்துடனும்  நுழையவில்லை. இரவில் ஏதோ ஒரு கட்டத்தில் பதுங்கிச் சென்றிருக்கலாம் என்றும் முதற்கட்ட விசாரணையில் தெரியவந்ததாக ஒரு போலீஸ் அதிகாரி தெரிவித்தார்.

சைஃப் கானை குத்திய பிறகு, தாக்குதல் நடத்தியவர் தப்பிக்க படிக்கட்டுகளில் ஏறினார். அவரது சிசிடிவி காட்சிகள் ஆறாவது மாடியில் கண்டுபிடிக்கப்பட்டதாக போலீஸ் வட்டாரங்களை மேற்கோள் காட்டி பிடிஐ செய்தி வெளியிட்டுள்ளது.முதலில் எச்சரிக்கை விடுத்த கானின் வீட்டு உதவியாளருடன், கைகலப்பின் போது சிறிய கத்தி காயம் ஏற்பட்டது.சத்தம் கேட்டு வந்த சைஃப் அலிகான் ஓடிவந்து மர்ம நபரை பிடிக்க வந்தார். அப்போது அவரிடம் இருந்து தப்பிச் செல்ல முயன்ற மர்ம நபர் வேறு வழியின்றி கத்தியால் குத்தியுள்ளார்.

லீலாவதி மருத்துவமனையின் நரம்பியல் அறுவை சிகிச்சை நிபுணர் டாக்டர் நிதின் டாங்கே, கானின் "நடு முதுகெலும்பில்" பெரிய காயம் ஏற்பட்டுள்ளதாகக் கூறினார்.

"அவரது முதுகெலும்பில் ஒரு கத்தி பாய்ந்ததால் அவரது மார்பு முதுகெலும்பில் பெரும் காயம் ஏற்பட்டது. கத்தியை அகற்றவும், கசிந்த முதுகெலும்பு திரவத்தை சரிசெய்யவும் அறுவை சிகிச்சை செய்யப்பட்டது. அவரது இடது கை மற்றும் வலது பக்கத்தில் இரண்டு ஆழமான காயங்கள் இருந்தன. "பிளாஸ்டிக் சர்ஜரி குழுவால் கழுத்து சரி செய்யப்பட்டது," என்று அவர் கூறினார்.

இதையும் படிங்க: சைஃப் அலி கானின் ஆடம்பரமான சத்குரு ஷரன் அபார்ட்மெண்ட்… 12 மாடி கட்டிடத்தில் இத்தனை பாதுகாப்பு அம்சங்களா..?