தண்ணீர் தேங்காத வடிவமைப்பு…! எங்கள் சாதனை..!! விருகம்பாக்கம் திமுக வேட்பாளர் பேட்டி..!!

விருகம்பாக்கம் தொகுதியில் திமுக வேட்பாளராக களமிறங்கியுள்ள பிரபாகர் ராஜா, தமிழ்நாடு அரசியலில் இளம் தலைமுறையைப் பிரதிநிதித்துவப்படுத்தும் முக்கியமான முகங்களில் ஒருவராக உருவெடுத்துள்ளார். சென்னை தெற்கு மாவட்டத்தின் ஒரு பகுதியான விருகம்பாக்கம் சட்டமன்றத் தொகுதி, நகர்ப்புற சவால்களும் வாய்ப்புகளும் நிறைந்த பகுதியாகும்.

இங்கு 2021ஆம் ஆண்டு தேர்தலில் திமுக சார்பில் போட்டியிட்டு வெற்றி பெற்ற பிரபாகர் ராஜா, தற்போது 2026 தமிழ்நாடு சட்டமன்றத் தேர்தலில் மீண்டும் அதே தொகுதியில் களமிறங்கியுள்ளார். அவரது அரசியல் பயணம், குடும்ப பின்னணி மற்றும் தொகுதி மக்களுக்கான பணிகள் ஆகியவை அவரை திமுகவின் நம்பிக்கைக்குரிய வேட்பாளராக மாற்றியுள்ளன.

பிரபாகர் ராஜா, தமிழ்நாடு வணிகர் சங்க பேரமைப்பின் முன்னாள் தலைவரான ஏ.எம்.வி. விக்ரம ராஜாவின் மகன். வணிக சமூகத்துடன் நெருங்கிய தொடர்பு கொண்ட இந்தக் குடும்ப பின்னணி, அவருக்கு விருகம்பாக்கம் போன்ற நகர்ப்புற தொகுதியில் வணிகர்கள் மற்றும் இளைஞர்களின் ஆதரவைப் பெற உதவியது. 

இதையும் படிங்க: "அரசியலை விட்டு விலக தயார்.." – திமுக வேட்பாளர் பரபரப்பு அறிவிப்பு – காரணம் என்ன?

2026 சட்டமன்றத் தேர்தலில் வேட்பாளராக களம் இறங்கி இருக்கும் பிரபாகராஜா தீவிரவாக்கு சேகரிப்பில் ஈடுபட்டார். அப்போது செய்தியாளர்களை சந்தித்து பேசிய அவர், விருகம்பாக்கம் சட்டமன்ற தொகுதியை 23 செ.மீ. வரை மழை பெய்தாலும் தண்ணீர் தேங்காத அளவுக்கு வடிவமைத்துள்ளோம் என்று தெரிவித்துள்ளார். தமிழ்நாட்டிலேயே 24 மணி நேரம் இயங்கும் சட்டமன்ற உறுப்பினர் அலுவலகம் என்றால் அது விருகம்பாக்கம் தொகுதியில் தான் என்றும் திமுக வேட்பாளர் பிரபாகர் ராஜா கூறினார். 

இதையும் படிங்க: மகளிரை அவமதிக்கிறது அதிமுக..!! EPS மன்னிப்பு கேட்கணும்..! திமுக பெண் நிர்வாகிகள் கொந்தளிப்பு..!