தனிச் சின்னத்தில் போட்டி… ராஜ்ய சபா சீட்..! திமுகவிற்கு ஹை டிமாண்ட் வைக்கும் மதிமுக…!!

திராவிட முன்னேற்றக் கழகத்தில் முக்கியத் தலைவராக இருந்த வைகோ, கட்சியின் தலைமை மற்றும் கொள்கை ரீதியான கருத்து வேறுபாடுகளால் வெளியேற்றப்பட்டார். இதைத் தொடர்ந்து அவர் மற்றும் அவரது ஆதரவாளர்கள் சிலர் இணைந்து மறுமலர்ச்சி திராவிட முன்னேற்றக் கழகத்தைத் தொடங்கினர். "மறுமலர்ச்சி" என்ற பெயரே திமுகவின் பழைய கொள்கைகளை மீட்டெடுக்கும் நோக்கத்தை வெளிப்படுத்தியது. வைகோவின் தீவிரமான பேச்சு திறன், தமிழ் தேசிய உணர்வு, இலங்கைத் தமிழர் பிரச்சினைக்கான ஆதரவு ஆகியவை கட்சியின் ஆரம்பகால அடையாளங்களாக அமைந்தன.

கட்சி தொடங்கிய சில ஆண்டுகளிலேயே தேர்தல் அரசியலில் தனது இருப்பை நிரூபிக்க முயன்றது. 1996 சட்டமன்றத் தேர்தலில் சொந்தமாகப் போட்டியிட்டு சில இடங்களில் வெற்றி பெற்றாலும், பெரிய அளவில் செல்வாக்கு பெற முடியவில்லை. பின்னர் பல்வேறு கூட்டணிகளை மாற்றி மாற்றி வந்தது. 2006இல் அதிமுகவுடன் கூட்டணி சேர்ந்து சில தொகுதிகளில் வெற்றி பெற்றது. 2009-2014 காலகட்டத்தில் அதிமுகவுடன் இணைந்திருந்தது. 2016இல் மக்கள் நலக் கூட்டணியில் இடம்பெற்று தனித்துப் போட்டியிட்டது. ஆனால் 2016 தேர்தலில் எதிர்பார்த்த வெற்றி கிடைக்காததால் கூட்டணி மாற்றங்கள் தொடர்ந்தன. 2017ஆம் ஆண்டு முதல் மதிமுக திமுகவுடன் நெருக்கமடைந்தது.

ராதாகிருஷ்ணன் நகர் இடைத்தேர்தலில் திமுகவை ஆதரித்தது முதல் படியாக அமைந்தது. 2019 நாடாளுமன்றத் தேர்தலிலும் 2021 சட்டமன்றத் தேர்தலிலும் திமுக தலைமையிலான கூட்டணியில் இணைந்து போட்டியிட்டது. 2021இல் மதிமுகவுக்கு 6 தொகுதிகள் ஒதுக்கப்பட்டன. இந்தக் கூட்டணி மூலம் கட்சி சட்டமன்றத்தில் தனது இருப்பைத் தக்கவைத்துக் கொண்டது. 2026 சட்டமன்ற தேர்தலிலும் திமுக கூட்டணியில் மதிமுக தொடர்கிறது. தொகுதி பங்கீடு பேச்சுவார்த்தையில் திமுக தீவிரம் காட்டி வரும் நிலையில் கூட்டணி கட்சிகளுடன் பேச்சுவார்த்தை குழு அமைத்து பேசி வருகிறது.

இதையும் படிங்க: இந்த முறையும் உதயசூரியன் சின்னத்தில் போட்டி..!! மமகவிற்கு எத்தனை தொகுதிகள்? ஜவாஹிருல்லா பேட்டி..!!

அதன்படி மதிமுக உடன் இன்று பேச்சு வார்த்தை நடைபெற்று வருகிறது. சென்னை அண்ணா அறிவாலயத்தில் திமுக பேச்சுவார்த்தை குழுவினர் மதிமுக உறுப்பினர்களிடம் தொகுதி பங்கீடு பேச்சுவார்த்தையை நடத்தி வருகின்றனர். தனிச் சின்னத்தில் போட்டியிடுவதற்கான விருப்பத்தை திமுகவிடம் தெரிவிக்க உள்ளதாக கூறப்பட்டுள்ளது. இந்த முறை திமுக கூட்டணியில் ராஜ்ய சபா சீட்டை மதிமுக கேட்பதாகவும் கூறப்பட்டுள்ளது குறிப்பிடத்தக்கது. 

இதையும் படிங்க: திமுகவுடன் சீட் Negotiation இல்ல.. எனக்காக அவங்க பண்ணுவாங்க… கமல் பளீச் பதில்..!!