உத்தரப்பிரதேச மாநிலம் வாரணாசியில் ஓடும் புனித கங்கை நதியில் சிக்கன் பிரியாணி சாப்பிடுவது எந்த வகையிலும் குற்றமாகாது என்றும், அதைத் தடை செய்வதற்கு இந்தியச் சட்டத்தில் எந்தவித விதிகளும் இல்லை என்றும் உச்ச நீதிமன்ற நீதிபதி உஜ்ஜல் புயான் அதிரடியாகத் தெரிவித்துள்ளார்.

இந்தியாவின் ஆன்மீக நகரங்களில் ஒன்றான வாரணாசியில், கங்கை நதியில் படகு சவாரியின் போது அசைவ உணவுகள், குறிப்பாகச் சிக்கன் பிரியாணி உட்கொள்வது தொடர்பான சர்ச்சை எழுந்த நிலையில், இது குறித்த வழக்கு விசாரணை உச்ச நீதிமன்றத்தில் நடைபெற்றது. 

இந்த வழக்கை விசாரித்த உச்ச நீதிமன்ற அமர்வில் இடம் பெற்றிருந்த நீதிபதி உஜ்ஜல் புயான், தனிநபரின் உணவுப் பழக்கவழக்கங்கள் மற்றும் சட்ட ரீதியான உரிமைகள் குறித்து மிக முக்கியமான கருத்துக்களை முன்வைத்தார்.

இதையும் படிங்க: சுப்ரீம் கோர்ட்டில் உருக்கமான காட்சி.. தலைமை நீதிபதி முன்பு தாலியை கழற்றிய பெண்..!! என்ன நடந்தது..??

இது குறித்துப் பேசிய நீதிபதி, "வாரணாசி கங்கை நதியில் ஒரு நபர் சிக்கன் பிரியாணி சாப்பிடுவது எந்த விதத்திலும் சட்டப்படி குற்றமாகாது. அசைவ உணவுகளை உட்கொள்வதையோ அல்லது அதை நதிப் பகுதிகளில் சாப்பிடுவதையோ தடை செய்வதற்கு இந்திய அரசியல் அமைப்புச் சட்டத்திலோ அல்லது நடைமுறையில் உள்ள பிற சட்டங்களிலோ எந்தவொரு சிறப்பு விதிகளும் கிடையாது. உணவுத் தேர்வு என்பது தனிநபரின் சுதந்திரம் சார்ந்த விஷயம்" எனக் குறிப்பிட்டதாகத் தகவல்கள் வெளியாகியுள்ளன.

உத்தரப்பிரதேசத்தில் ஆன்மீகத் தலங்கள் மற்றும் புனித நதிக்கரைகளில் அசைவ உணவுகளுக்குத் தடை விதிக்கப்பட வேண்டும் என்ற கோரிக்கைகளும் விவாதங்களும் அவ்வப்போது எழுந்து வரும் சூழலில், உச்ச நீதிமன்ற நீதிபதியின் இந்த அதிரடி கருத்துக்கள் நாடு முழுவதும் வழக்கறிஞர்கள், சமூக ஆர்வலர்கள் மற்றும் பொதுமக்கள் மத்தியில் பெரும் விவாதப் பொருளாக மாறியுள்ளன.

இதையும் படிங்க: "சமூக ஊடகங்களுக்குப் பூட்டு போடுங்க!" - 16 வயதுக்குட்பட்டோருக்குத் தடை விதிக்க அன்புமணி  கோரிக்கை!