வெட்கக்கேடு!! சிறார்கள் கையில் பட்டாக்கத்தி!! திமுக அரசு மீது எடப்பாடி கடும் கோவம்!!

சென்னை: சென்னையில் இருந்து திருத்தணி செல்லும் ரயிலில் வடமாநில இளைஞர் ஒருவரை கஞ்சா போதையில் இருந்த 17 வயது சிறுவர்கள் நான்கு பேர் சரமாரியாக அரிவாளால் தாக்கிய சம்பவம் பெரும் அதிர்ச்சியை ஏற்படுத்தியுள்ளது.

இச்சம்பவத்துக்கு கடும் கண்டனம் தெரிவித்துள்ள அதிமுக பொதுச்செயலர் எடப்பாடி கே. பழனிசாமி (இபிஎஸ்), திமுக ஆட்சியில் தமிழகம் கொடூர நிலைக்குத் தள்ளப்பட்டுள்ளதாகக் குற்றம்சாட்டியுள்ளார்.

இபிஎஸ் வெளியிட்ட அறிக்கையில், “ரயிலில் கத்தியுடன் ரீல்ஸ் எடுத்த சிறுவர்களைத் தடுத்த சுராஜ் என்ற வடமாநில இளைஞரை அரிவாளால் கொலைவெறித் தாக்குதல் நடத்தியது அதிர்ச்சியளிக்கிறது.

இதையும் படிங்க: திமுகவை வீழ்த்த அதிமுகவுக்கு வாருங்கள்!! ஓபிஎஸ், டிடிவி தினகரனுக்கு முன்னாள் அமைச்சர் அழைப்பு!

தாக்குதல் காணொளியைக் காண நெஞ்சம் பதைக்கிறது. படிக்கும் புத்தகம் இருக்க வேண்டிய கைகளில் பட்டாக்கத்தி வந்திருப்பது வெட்கக்கேடானது. தமிழகத்தை இப்படி ஒரு கொடூர நிலைக்கு ஸ்டாலினின் திமுக அரசு தள்ளிவிட்டதே என்ற கோபம்தான் மேலோங்குகிறது” என்று கூறியுள்ளார்.

மேலும், “வெறும் 17 வயது சிறுவர்கள் கையில் போதைப்பொருளும் அரிவாளும் செல்லும் நிலைக்கு யார் பொறுப்பு? இந்த முதல்வர்தானே? மாநிலத்தின் எதிர்காலத்தை இப்படிச் சீர்குலைத்துவிட்டு எத்தனை மேடை ஏறி என்ன பெருமை பேசி என்ன பயன் ஸ்டாலின் அவர்களே?

கைது செய்யப்பட்ட சிறுவர்கள் மீது கடும் சட்ட நடவடிக்கை எடுக்கவும், சட்டம் ஒழுங்கு சீர்கேட்டையும் போதைப்பொருள் புழக்கத்தையும் கட்டுக்குள் கொண்டுவர கடுமையான நடவடிக்கைகள் எடுக்க வேண்டும்” என்று இபிஎஸ் வலியுறுத்தியுள்ளார்.

இச்சம்பவம் தமிழகத்தில் சட்டம் ஒழுங்கு நிலைமை மற்றும் போதைப்பொருள் பயன்பாடு குறித்து மீண்டும் பெரும் விவாதத்தை ஏற்படுத்தியுள்ளது. புலம்பெயர் தொழிலாளர்களின் பாதுகாப்பு மற்றும் இளைஞர்களிடையே போதைப் பழக்கம் அதிகரிப்பது குறித்து எதிர்க்கட்சிகள் தொடர்ந்து குற்றம்சாட்டி வருகின்றன. திமுக அரசு இதுபோன்ற சம்பவங்களைத் தடுக்க உரிய நடவடிக்கை எடுக்க வேண்டும் என்று பலரும் கோரிக்கை விடுத்துள்ளனர்.

இதையும் படிங்க: திமுக செய்யும் தகிடுதத்தம்!! வாக்காளர் பட்டியல் முறைகேடு! எடப்பாடி போடும் ஸ்கெட்ச்!