கர்நாடகா மாநிலத்தில் 18 முதல் 25 வயதுக்குட்பட்ட கல்லூரி மாணவர்கள் மற்றும் இளைஞர்களிடையே HIV தொற்று பரவல் குறித்த அதிர்ச்சியூட்டும் தகவல் வெளியாகியுள்ளது. சமீபத்திய பரிசோதனை அறிக்கைகளின்படி, இந்த வயதினரில் 7,000க்கும் அதிகமானோருக்கு HIV தொற்று உறுதி செய்யப்பட்டுள்ளது. இந்த நிலைமை மாநிலம் முழுவதும் பெரும் அதிர்ச்சியையும் கவலையையும் ஏற்படுத்தியுள்ளது.
தேசிய எய்ட்ஸ் கட்டுப்பாட்டு அமைப்பின் தரவுகளின்படி, இந்தியாவில் HIV பாதிப்பில் கர்நாடகா மூன்றாவது இடத்தில் உள்ளது. மாநிலத்தில் சுமார் 2.60 லட்சம் பேர் HIV தொற்றுடன் வாழ்கின்றனர். இவர்களில் 2.05 லட்சம் பேர் மட்டுமே ஆன்டிரெட்ரோவைரல் சிகிச்சை பெற்று வருகின்றனர். மேலும், சுமார் 54,000 பேர் தங்கள் நிலையை அறியாத வகையில் உள்ளனர் என்பது கவலைக்குரிய விஷயமாகும்.
18 முதல் 35 வயதுக்குட்பட்ட இளைஞர்களிடையே தொற்று வேகமாகப் பரவி வருவதாக கர்நாடக மாநில எய்ட்ஸ் தடுப்பு சங்கம் தெரிவித்துள்ளது. 2023-24ஆம் ஆண்டில் இந்த வயதினரிடையே 44,500 பேர் பாதிக்கப்பட்டிருந்த நிலையில், 2025-26ஆம் ஆண்டில் இது 66,600 ஆக உயர்ந்துள்ளது. இதில் 18-25 வயதுக்குட்பட்ட கல்லூரி மாணவர்களின் எண்ணிக்கை கணிசமாக அதிகரித்துள்ளது. பாதுகாப்பற்ற உடலுறவு, விழிப்புணர்வின்மை, பரிசோதனைக்கு வருவதில் உள்ள தயக்கம், சமூக அவமானம் போன்ற காரணங்கள் இந்தப் பரவலுக்கு முக்கிய காரணமாகக் கருதப்படுகின்றன.
இதையும் படிங்க: மேகதாது பிரச்சனை... செவி சாய்க்காத கர்நாடகா... மௌனத்தில் மத்திய அரசு..! CPI ஆர்ப்பாட்டம் அறிவிப்பு..!!
இந்த சூழலில், தொற்றைத் தடுக்கவும், இளைஞர்களிடையே விழிப்புணர்வை ஏற்படுத்தவும் கர்நாடக அரசு உடனடி நடவடிக்கை எடுத்துள்ளது. கர்நாடக மாநில எய்ட்ஸ் தடுப்பு சங்கத்தின் சிறப்பு உத்தரவின் அடிப்படையில், மாநிலத்தின் அனைத்து அரசு, உதவி பெறும் மற்றும் தனியார் கல்லூரிகளிலும் (பட்டப்படிப்பு மற்றும் பொறியியல் கல்லூரிகள் உட்பட) சிறப்பு மருத்துவ மற்றும் HIV பரிசோதனை முகாம்களை நடத்த உத்தரவு பிறப்பிக்கப்பட்டுள்ளது. விஸ்வேஸ்வராயா தொழில்நுட்பப் பல்கலைக்கழகம் மற்றும் கல்லூரிக் கல்வித் துறை இந்த முயற்சியில் இணைந்து செயல்படுகின்றன.
இந்த ஒருங்கிணைந்த சுகாதார முகாம்கள் மூலம் HIV பரிசோதனை, முன் மற்றும் பின் ஆலோசனை, விழிப்புணர்வு பிரச்சாரங்கள் மற்றும் தேவைப்படுபவர்களுக்கு உடனடி சிகிச்சை இணைப்பு ஆகியவை வழங்கப்படும்.
இதையும் படிங்க: சம்பா சாகுபடிக்கு தண்ணீர் எப்போது..? காவிரி நீரை திறக்கணும்... மாணிக்கம் தாகூர் வலியுறுத்தல்..!!