எல்லை தாண்டி மீன்பிடித்ததாக 11 இந்திய மீனவர்கள் கைது… இலங்கை கடற்படை நடவடிக்கை…!
நெடுந்தீவு அருகே மீன் பிடித்துக் கொண்டிருந்த 11 இந்திய மீனவர்கள் கைது செய்யப்பட்டுள்ளனர்.
இந்தியாவிற்கும் இலங்கைக்கும் இடையேயான கடல் எல்லை, சர்வதேச கடல் எல்லைக் கோடு மூலம் வரையறுக்கப்பட்டுள்ளது. இந்த எல்லை பாக் நீரிணை மற்றும் மன்னார் வளைகுடாவில் வெறும் 12 கடல் மைல்கள் தொலைவில் உள்ளது. இந்தப் பகுதி மீன்வளம் மிக்கது என்பதால், தமிழகத்தைச் சேர்ந்த மீனவர்கள், குறிப்பாக ராமநாதபுரம், நாகப்பட்டினம், புதுக்கோட்டை, மயிலாடுதுறை, கன்னியாகுமரி போன்ற கடலோர மாவட்டங்களைச் சேர்ந்தவர்கள் இங்கு மீன்பிடிக்கச் செல்கின்றனர். ஆனால், கடல் எல்லையைத் தாண்டி மீன்பிடித்ததாகக் கூறி இலங்கை கடற்படை மீனவர்களை கைது செய்கிறது, அவர்களின் படகுகளையும் மீன்பிடி உபகரணங்களையும் பறிமுதல் செய்கிறது.
தமிழக மீனவர்களை இலங்கை கடற்படை கைது செய்யும் சம்பவங்கள் கடந்த நாற்பது ஆண்டுகளுக்கும் மேலாகத் தொடர்ந்து நிகழ்ந்து வரும் ஒரு சிக்கலான பிரச்சினையாக உள்ளது. இந்தியா மற்றும் இலங்கை இடையேயான கடல் எல்லையான பாக் நீரிணை மற்றும் மன்னார் வளைகுடாவில் மீன்பிடிக்கச் செல்லும் தமிழக மீனவர்கள், எல்லை தாண்டி மீன்பிடித்ததாகக் கூறி இலங்கை கடற்படையால் கைது செய்யப்படுவது வழக்கமாகி உள்ளது.
தமிழக மீனவர்கள் கைது செய்ய ப்படும் சம்பவங்கள் தொடர்ந்து வரும் நிலையில் இருநாட்டினரும் கலந்து பேசி உரிய நடவடிக்கை எடுக்க வேண்டும் என்று கோரிக்கை வலுத்து வருகிறது. இந்த நிலையில் எல்லை தாண்டி மீன்பிடித்ததாக கூறி 11 இந்திய மீனவர்கள் கைது செய்யப்பட்டுள்ளனர்.
இதையும் படிங்க: “ஆர்ப்பரிக்கும் குற்றாலம்… அச்சத்தில் சுற்றுலாப் பயணிகள்!” அருவிகளில் காட்டாற்று வெள்ளம்; குளிக்க தடை!
நெடுந்தீவு அருகே மீன் பிடித்துக் கொண்டிருந்த 11 இந்திய மீனவர்களை கைது செய்தது இலங்கை கடற்படை கைது செய்துள்ளது. சமீபத்தில் 12 ராமேஸ்வரம் மீனவர்கள் எல்லை தாண்டி மீன்பிடித்ததாக கூறி கைது செய்யப்பட்டு இருந்தனர். அதற்குள் 11 இந்திய மீனவர்கள் கைது செய்யப்பட்டு இருப்பது அதிருப்தியை ஏற்படுத்தி உள்ளது.
இதையும் படிங்க: ஹர ஹர மகாதேவ்… சிதம்பரம் நடராஜர் கோயிலில் ஆருத்ரா தரிசன தேரோட்டம்… விண்ணைப் பிளந்த கோஷம்…!
