இஸ்ரேல் பிரதமர் பெஞ்சமின் நெதன்யாகுவோட உடல்நிலை பற்றி இப்போ பெரிய பேச்சு நடந்துட்டு இருக்கு. 75 வயசு ஆகுற இவருக்கு, கடந்த ஞாயிறு இரவு உடம்பு சரியில்லாம போயி, ஜெருசலேம்ல உள்ள ஹடாஸ்ஸா ஐன் கெரெம் மருத்துவமனையோட உள் மருத்துவத் துறை தலைவர் பேராசிரியர் அலோன் ஹெர்ஷ்கோ வீட்டுக்கு வந்து பரிசோதிச்சு, உணவு விஷமாகி (food poisoning) குடல் அழற்சி (gastroenteritis) ஆகியிருக்குனு கண்டுபிடிச்சிருக்கார். 

இதோட, நீர் இழப்பு (dehydration) பிரச்சனையும் இருக்குனு சொல்லி, IV ஃப்ளூயிட்ஸ் மூலமா சிகிச்சை கொடுத்துட்டு இருக்காங்க. மருத்துவர்கள் சொல்றபடி, நெதன்யாகு அடுத்த மூணு நாளைக்கு வீட்டுலயே ரெஸ்ட் எடுக்கணும்னு அறிவுறுத்தப்பட்டிருக்கு, ஆனாலும் நாட்டு விவகாரங்களை வீட்டுல இருந்தே கவனிப்பாராம்.

நெதன்யாகுவுக்கு இது முதல் தடவை உடல்நிலை பிரச்சனை இல்லை. இவருக்கு 2023-ல இருந்து இதய பிரச்சனை (heart conduction issue) இருக்குனு மருத்துவர்கள் சொல்லியிருக்காங்க, அதனால 2023-ல ஒரு பேஸ்மேக்கர் (pacemaker) பொருத்தப்பட்டிருக்கு. அதுக்கு ஒரு வாரம் முன்னாடி, நீர் இழப்பு பிரச்சனைக்காக ஆஸ்பத்திரியில் அனுமதிக்கப்பட்டிருந்தார். 2024 மார்ச்சில், குடலிறக்க அறுவை சிகிச்சை (hernia surgery) பண்ணிக்கிட்டார், 

இதையும் படிங்க: காசாவில் சோகம்.. கண்மூடித்தனமாக தாக்குதல் நடத்திய இஸ்ரேல்.. துடிதுடித்து பலியான உயிர்கள்..!

அதே மாசம் ஒரு ஃப்ளூ-வால சில நாள் வேலைக்கு போகல. கடந்த டிசம்பர்ல, சிறுநீர் தொற்று (urinary tract infection) காரணமா புரோஸ்டேட் அகற்று அறுவை சிகிச்சை பண்ணிக்கிட்டார். மே மாதத்துல ஒரு வழக்கமான குடல் பரிசோதனையும் (colonoscopy) செஞ்சிக்கிட்டார். இந்த அறுவை சிகிச்சைகளுக்கு எல்லாம், நீதி அமைச்சர் யாரிவ் லெவின் தற்காலிக பிரதமரா பொறுப்பு வகிச்சார்.

இப்போ இந்த உணவு விஷமாகி குடல் அழற்சி வந்திருக்கறது, நெதன்யாகுவுக்கு உணவு ஓவ்வாமை (food allergy) இருக்கறதாலயோ, இல்லை அவருக்கு நீரிழிவு (diabetes) பிரச்சனை இருக்கறதாலயோனு தெளிவா தகவல் இல்லை. ஆனா, இந்த வயசுல இப்படி அடிக்கடி உடல்நிலை பாதிக்கப்படறது, இவரோட நீண்டகால இதய பிரச்சனையோட இணைஞ்சு, இஸ்ரேல் மக்களிடையே கவலையை உருவாக்கியிருக்கு. 

“நெதன்யாகு உடல்நிலை பத்தி முழு தகவலை அரசு வெளியிடணும்”னு சிலர் கோரிக்கை வைச்சிருக்கு. 2023-ல வெளியான மருத்துவ அறிக்கையில், “நெதன்யாகு முழு ஆரோக்கியத்தோட இருக்கார், பேஸ்மேக்கர் சரியா வேலை செய்யுது, இதய பிரச்சனை இல்லை”னு சொல்லியிருந்தாலும், 2016-ல இருந்து 2023 வரை எந்த ஆண்டு அறிக்கையும் வெளியிடாதது விமர்சனத்துக்கு உள்ளாகியிருக்கு.

இந்த உணவு விஷ பிரச்சனை காரணமா, நெதன்யாகு இந்த வாரம் நடக்க வேண்டிய அவரோட ஊழல் வழக்கு விசாரணைக்கு (corruption trial) போக முடியல. இந்த வழக்கு, 2020-ல ஆரம்பிச்சது, இப்போ கோர்ட் கோடை விடுமுறைக்கு போறதால, செப்டம்பர் வரை தள்ளி வைக்கப்பட்டிருக்கு. இதோட, ஞாயிறு காலை நடந்த வாராந்திர அமைச்சரவைக் கூட்டத்தையும் இவர் தவறவிட்டார்.

நெதன்யாகுவோட உடல்நிலை, இஸ்ரேலோட அரசியல் மற்றும் பாதுகாப்பு சூழ்நிலையில் பெரிய தாக்கத்தை ஏற்படுத்துது. காசா, லெபனான், சிரியா மற்றும் ஈரான் உடனான மோதல்களுக்கு மத்தியில், இவரோட உடல்நிலை பற்றிய கவலை, இஸ்ரேல் மக்களிடையே பெரிய விவாதமாகியிருக்கு.

“பிரதமர் முழு ஆரோக்கியத்தோட இருக்கணும், இல்லேனா நாட்டு விவகாரங்கள் பாதிக்கப்படும்”னு அந்நாட்டு மக்கள் அச்சத்துல இருக்காங்க. இப்போதைக்கு, நெதன்யாகு வீட்டுல இருந்து நாட்டை நிர்வகிக்கிறார், ஆனா இவரோட உடல்நிலை முழு மீட்புக்கு, மக்கள் காத்திருக்காங்க. 

இதையும் படிங்க: இஸ்ரேல் - சிரியா இடையே போர் நிறுத்தம்! குட் நியூஸ் கொடுத்தார் டாம் பாரக்!!