பீகார் தேர்தல் நவம்பர் 6 மற்றும் 11-ம் தேதிகளில் இரு கட்டங்களாக நடைபெறும் நிலையில், NDA கூட்டணி தீவிர பிரச்சாரத்தில் இறங்கியுள்ளது. இந்த நிலையில் பீகார் சட்டமன்றத் தேர்தலில் நிலவும் தீவிர போட்டியில், ஆளும் ஐக்கிய ஜனதா தளம் (JDU), முதல்கட்ட 57 வேட்பாளர்கள் பட்டியலை வெளியிட்டுள்ளது. முதல்வர் நிதிஷ் குமார் தலைமையிலான கட்சி, NDA கூட்டணியில் 101 தொகுதிகளில் போட்டியிடுகிறது. 

இந்தப் பட்டியல், சிறாக் பாஸ்வான் தலைமையிலான லோக் ஜனதா பவர் (LJP-RV) கோரிய 4 தொகுதிகளையும் தக்கவைத்துக்கொண்டு வெளியிட்டது. இது கூட்டணி உள்ளார்ந்த இழுபறியை தீர்த்துவைத்ததாகக் கருதப்படுகிறது. 

நிதிஷ் குமார் தலைமையிலான JDU, முதல்கட்ட தேர்தல் நடைபெறும் 121 தொகுதிகளில் 57-ஐ தொகுதிகளை தேர்ந்தெடுத்துள்ளது. இதில் பெரும்பாலானவர்கள் தற்போதைய எம்எல்ஏக்கள், அமைச்சர்கள். சில புதுமுகங்களுக்கும் வாய்ப்பு வழங்கப்பட்டுள்ளது. 

இதையும் படிங்க: பீகாரிலும் வெடிக்கும் தந்தை - மகன் மோதல்! கூட்டணி தொகுதிகளை அறிவித்த லாலு! தேஜஸ்வி அப்செட்!

சமூக சமநிலை, பிராந்திய சமன்பாட்டை கருத்தில் கொண்டு வேட்பாளர்கள் தேர்ந்தெடுக்கப்பட்டுள்ளனர். சிறாக் பாஸ்வான் கோரிய 4 தொகுதிகளான சோன்பர்சா, மோர்வா, ஏக்மா, ராஜ்கிர் ஆகியவற்றில் JDU-வே வேட்பாளர்கள் அறிவிக்கப்பட்டுள்ளனர். இது, NDA கூட்டணியில் JDU-வின் உறுதியான நிலைப்பாட்டைக் காட்டுகிறது.

முக்கிய வேட்பாளர்கள்:

• சோன்பர்சா: ரத்னேஷ் சதா (தற்போதைய எம்எல்ஏ).
• மோர்வா: வித்யாசாகர் நிஷாத்.
• ஏக்மா: தூமல் சிங்.
• ராஜ்கிர்: கவுஷல் கிஷோர்.
• கல்யாண்பூர்: அமைச்சர் மகேஷ்வர் ஹாசரி.
• மோகமா: அனந்த் சிங்.
• மீனாப்பூர்: அஜய் குஷ்வா.
• சரை ரஞ்சன்: அமைச்சர் விஜய் குமார் சௌத்ரி.

பட்டியலில் தற்போதைய எம்எல்ஏக்கள் பெரும்பாலும் மீண்டும் வேட்பாளர்களாக உள்ளனர். அமன் புஷன் ஹாசரி (குஷேஷ்வரஸ்தான்) பதவியை ரத்து செய்து அதிரேக் குமாருக்கு மாற்றியுள்ளனர். பார்பிகா தொகுதியில் சுதர்ஷனின் வேட்பாளர் பதவி ரத்து செய்யப்பட்டு, புதிய வேட்பாளர் விரைவில் அறிவிக்கப்படலாம் என தகவல் வெளியாகி உள்ளது. 

பீகார் 243 தொகுதிகளுக்கு நவம்பர் 6-ஆம் தேதி 121 தொகுதிகளில் முதல்கட்டமாகவும், 11-ஆம் தேதி 122 தொகுதிகளில் இரண்டாம் கட்டமாகவும் தேர்தல் நடைபெற உள்ளது. நவம்பர் 14-ஆம் தேதி தேர்தல் முடிவுகள் அறிவிக்கப்பட உள்ளன. 

NDA (பாஜக-JDU-LJP), மகாகத்பந்தன் (RJD-காங்கிரஸ்) இடையே கடுமையான போட்டி நிலவுகிறது. NDA கூட்டணியில் பாஜக-JDU-வுக்கு தலா  101-101 தொகுதிகளும் , LJP-வுக்கு 29, RLM-HAM-வுக்கு 6-6 என பங்கீடு முடிந்தது. பாஜக 71 வேட்பாளர்களை அறிவித்தது. RJD, காங்கிரஸ் இன்னும் தொகுதி பங்கீடு முடிக்கவில்லை.

JDU, சிறாக் பாஸ்வான் கோரிய 4 தொகுதிகளை விடவில்லை. பல்வேறு சந்திப்புகளுக்குப் பின், JDU தன்னுடைய 'கோட்டை' தொகுதிகளை தக்கவைத்தது. JDU எம்பி சஞ்ஜய் குமார் ஜா, "நிதிஷ் குமாரின் முகத்தை காட்டி போராடுகிறோம். நவம்பர் 14-ல் அவர் மீண்டும் முதல்வராகலாம். 50% பெண்கள் அவருக்கு வாக்கு தருவார்கள்" என தெரிவித்தார். 

இந்த அறிவிப்பு, NDA-வின் தேர்தல் பணிகளை வலுப்படுத்தியுள்ளது. நிதிஷ் குமார் நாளை பிரச்சாரம் தொடங்கவுள்ளார். தேர்தல் தேதி நெருங்க, கூட்டணி கட்சிகள் வேட்பாளர்கள் அறிவிப்பில் விரைவு காட்டுகின்றன.
 

இதையும் படிங்க: துவங்கியது தீவிர திருத்தப்பணிகள்!! பீகாரை தொடர்ந்து டெல்லியில் களமிறங்கியது தேர்தல் ஆணையம்!