நாடு முழுவதும் பெரும் பரபரப்பை ஏற்படுத்தி வரும் நீட் தேர்வு வினாத்தாள் கசிவு விவகாரம் குறித்து பிரதமர் நரேந்திர மோடி பதிலளித்துள்ளார். இந்தச் சம்பவம் குறித்து தனது தீவிர கோபத்தை வெளிப்படுத்திய அவர், ஒரு செல்ஃபி வீடியோ மூலம் தெளிவான விளக்கத்தை தெரிவித்துள்ளார். நீட் தேர்வு வினாத்தாள் கசிவுப் பிரச்சினையை மத்திய அரசு மிகவும் தீவிரமாக எடுத்துக்கொள்கிறது. இது ஒரு சாதாரணப் பிரச்சினை மட்டுமல்ல, லட்சக்கணக்கான மாணவர்கள் மற்றும் அவர்களது பெற்றோரின் நம்பிக்கைகள் தொடர்பான ஒரு உணர்வுப்பூர்வமான பிரச்சினை என்று பிரதமர் மோடி தெளிவுபடுத்தினார். அதனால்தான், இந்த சம்பவத்துக்குப் பிறகு கடந்த இரண்டரை மாதங்களில் பல முக்கியமான நடவடிக்கைகள் எடுக்கப்பட்டுள்ளன.

எங்களுடைய மிகப்பெரிய பொறுப்பு என்னவென்றால், மாணவர்களின் ஒரு வருடம் வீணாகாமல் பார்த்துக்கொள்வது. அதனால், தேர்வை உடனடியாக நடத்த வேண்டியது மிகவும் அவசியமாக இருந்தது. அரசு தனது முழு திறனையும் பயன்படுத்தி, குறுகிய காலத்திலேயே 22 லட்சத்துக்கும் அதிகமான மாணவர்களுக்கு தேர்வு நடத்த ஏற்பாடு செய்தது. அதுமட்டுமல்லாமல், 5–6 நாட்களுக்கு முன்பு, 19ஆம் தேதி REET தேர்வும் வெற்றிகரமாக நடத்தப்பட்டது. 

நாடு முழுவதிலிருந்தும் தேர்ச்சி பெற்ற மாணவர்களின் மகிழ்ச்சியான செய்திகள் வந்து கொண்டிருக்கின்றன. ஆனால், இதிலேயே திருப்தி அடைந்து விடும் அரசு நாங்கள் கிடையாது. அதனால், இன்று விரைவு நீதிமன்றம் அமைக்க துறைகளுக்கு உத்தரவிட்டுள்ளேன்.துறைகள் தொடர்ந்து பணியாற்றி, கடுமையான தண்டனை விதிகளுடன் கூடிய சட்ட முன்மொழிவைத் தயாரித்துள்ளன. அந்த சட்ட முன்மொழிவு நாளை Cabinet கூட்டத்தில் முன்வைக்கப்படும். அமைச்சரவை உறுப்பினர்களின் பரிந்துரைகளுக்குப் பிறகு, அதற்கு இறுதி வடிவம் கொடுக்கப்படும். திங்கட்கிழமை முதல் நாடாளுமன்றத்தின் இரண்டாவது அமர்வு தொடங்குகிறது. அதில், இந்த மசோதாவை விரைவாக நிறைவேற்றுவதற்கான முயற்சிகள் மேற்கொள்ளப்படும்.

இதையும் படிங்க: வெடிக்கும் போராட்டம்... நீட்டை ஒழிப்பதற்கான நேரம் இது..! ஸ்டாலின் திட்டவட்டம்.!

இந்தச் சூழலில், கசிவுகளை நிரந்தரமாகத் தடுப்பதற்கும், பொறுப்பானவர்கள் மீது கடுமையான நடவடிக்கை எடுப்பதற்குமான புதிய விதிகள் குறித்து அமைச்சரவைக் கூட்டத்தில் விரிவாக விவாதிக்கப்படும். நாட்டின் திறமையான இளைஞர்களின் எதிர்காலத்தைப் பாதுகாப்பதே அரசின் முதன்மையான முன்னுரிமை என்று பிரதமர் கூறினார்.

 தேர்வுகளில் முறைகேடுகளில் ஈடுபட்டவர்கள் எந்தச் சூழ்நிலையிலும் தப்பிக்க விடப்பட மாட்டார்கள் என எச்சரித்த அவர், இந்த விவகாரத்தின் பின்னணியில் இருந்த முக்கிய நபர்கள் ஏற்கனவே கைது செய்யப்பட்டு சிறையில் அடைக்கப்பட்டுள்ளனர் என்பதை தெளிவுப்படுத்தினார். எதிர்காலத்தில் இதுபோன்ற முறைகேடுகள் மீண்டும் நிகழாத வகையில், நாட்டில் உள்ள தேர்வு மேலாண்மை அமைப்பை முழுமையாகச் சீரமைப்பதாக அவர் உறுதியளித்தார்.

நீட் தேர்வு வினாத்தாள் கசிவு வழக்குகளின் விசாரணையில் தாமதம் ஏற்படாமல் இருப்பதையும், குற்றவாளிகள் விரைவாகத் தண்டிக்கப்படுவதையும் உறுதி செய்வதற்காக, விரைவு நீதிமன்றங்களை அமைக்க நடவடிக்கைகள் எடுக்கப்பட்டு வருகின்றன. மாணவர்களின் கல்வியாண்டு வீணாவதைத் தடுப்பதோடு, அமைப்பில் வெளிப்படைத்தன்மையை அதிகரிக்கும் வகையில் விரிவான சட்ட மற்றும் நிர்வாக மாற்றங்களைக் கொண்டுவருவதே இந்த அமைச்சரவைக் கூட்டத்தின் முக்கிய நோக்கமாகும் எனக்கூறினார். 

இதையும் படிங்க: நீட்டை கொண்டு வந்ததே காங்கிரஸ் தான்! பாஜக மாநில தலைவர் நயினார் நாகேந்திரன் அதிரடி!