உக்ரைன்-ரஷ்யா போரை முடிவுக்கு கொண்டு வர அமெரிக்க அதிபர் டொனால்டு ட்ரம்ப் தீவிரமா முயற்சி செய்யுறாரு. ஆனா, இந்த முயற்சியில பெரிய தடையா இருக்குறது ரஷ்ய அதிபர் விளாடிமிர் புடினோட பிடிவாதம்தான். உக்ரைன் அதிபர் வோலோடிமிர் ஜெலன்ஸ்கியை புடினுக்கு பிடிக்கலைனு ட்ரம்பே வெளிப்படையா சொல்லியிருக்காரு. இதனால புடின், ஜெலன்ஸ்கியை நேருக்கு நேர் சந்திக்க தயங்குறாராம். இது ட்ரம்புக்கு எரிச்சலை ஏற்படுத்தியிருக்கு, ஆனாலும் அவரு இந்த விவகாரத்துல தலையிடுறதை நிறுத்தலை.

கடந்த வாரம், ட்ரம்ப் முதலில் அலாஸ்காவில் புடினை சந்திச்சு பேசினாரு. அந்த சந்திப்புல உக்ரைன்-ரஷ்யா போரை முடிவுக்கு கொண்டு வருவது பற்றி விவாதிச்சாங்க. ஆனா, அங்கேயும் போர் நிறுத்தம் தொடர்பான எந்த உடன்பாடும் எட்டப்படலை. அதுக்கப்புறம், ஜெலன்ஸ்கி வாஷிங்டனுக்கு வந்து வெள்ளை மாளிகையில் ட்ரம்பை சந்திச்சாரு. இந்த சந்திப்பு முன்பு நடந்த சந்திப்புகளை விட நல்லபடியா இருந்துச்சு, ஆனாலும் இதுலயும் போர் நிறுத்தம் பற்றி எந்த முடிவும் எடுக்கப்படலை. இந்த சந்திப்புக்கு ஐரோப்பிய நாடுகளோட தலைவர்களும் வந்திருந்தாங்க, ஆனா புடின் இல்லை. 

இந்த நிலையில, புடின் ஏன் ஜெலன்ஸ்கியை சந்திக்க தயங்குறாருனு ட்ரம்பிடம் ஒரு கேள்வி எழுப்பப்பட்டுச்சு. அதுக்கு ட்ரம்ப், "புடினுக்கு ஜெலன்ஸ்கியை பிடிக்கலை. அதனால அவர் அவரை சந்திக்க மாட்டாரு. இந்த இரண்டு தலைவர்களும் நேருக்கு நேர் சந்திப்பாங்களானு தெரியலை, ஆனா ஒருவேளை சந்திக்கலாம். ஆனா, புடின் ஜெலன்ஸ்கியை சந்திக்கலைனா, அதுக்கு விளைவுகள் இருக்கும். 

இதையும் படிங்க: உக்ரைனின் 34-வது சுதந்திர தினம்.. அந்நாட்டின் கொடி நிறத்தில் ஒளிர்ந்த 'ஈபிள் டவர்'..!!

அடுத்த ஒரு வாரம் அல்லது ரெண்டு வாரத்துல என்ன நடக்குதுனு பார்ப்போம். அதுக்கப்புறம் நான் தலையிடுவேன்,"னு சொல்லியிருக்காரு. இதுமட்டுமில்லாம, புடினும் ஜெலன்ஸ்கியும் முதலில் தனியா சந்திக்கணும், அதுக்கப்புறம்தான் நான் ஒரு முத்தரப்பு சந்திப்பு (ட்ரம்ப், புடின், ஜெலன்ஸ்கி) நடத்துவேனு ட்ரம்ப் தெளிவா சொல்லியிருக்காரு.

இந்த விவகாரத்துல ஜெலன்ஸ்கி தரப்பு தெளிவா சொல்லுது, "ரஷ்யா முழுசா தன்னோட படைகளை வாபஸ் பெறணும், உக்ரைனோட எல்லைகளை மீட்டெடுக்கணும், போர்க்குற்றங்களுக்கு ரஷ்ய தலைவர்கள் பொறுப்பேற்கணும்"னு. ஆனா, புடின் தரப்போ, "ரஷ்யா ஆக்கிரமிச்ச பகுதிகள் எங்களுடையதுதான், உக்ரைன் நேட்டோவில் சேரக்கூடாது"னு பிடிவாதமா இருக்கு. இதனால, இரண்டு பக்கமும் இணக்கமான ஒரு முடிவுக்கு வர முடியாம இருக்கு.

ட்ரம்போட இந்த முயற்சிகள் உக்ரைன்-ரஷ்யா போரை முடிவுக்கு கொண்டு வருமானு இப்போவே சொல்ல முடியலை. ஆனா, புடினோட தயக்கமும், ஜெலன்ஸ்கியோட உறுதியான நிலைப்பாடும் இந்த பேச்சுவார்த்தைகளை சிக்கலாக்குது. அடுத்த ரெண்டு வாரத்துல புடின் மனசு மாறுவாரானு பார்க்கணும். இல்லைனா, ட்ரம்ப் சொன்ன மாதிரி "விளைவுகள்" வரலாம்.

இதையும் படிங்க: அடிமடியில் கை வைத்த உக்ரைன்!! ரஷ்ய எண்ணெய் நிலையங்கள் மீது தாக்குதல்!! வர்த்தகம் பாதிப்பு!