மத்தியப் பிரதேசத்தின் இந்தூர் நகரில் உள்ள மகாராஜா யஷ்வந்த்ராவ் (எம்ஒய்) அரசு மருத்துவமனையில், பச்சிளம் குழந்தைகளுக்கான தீவிர சிகிச்சைப் பிரிவில் (என்ஐசியு) எலி கடிச்சதுல இரண்டு குழந்தைகள் செத்துப்போன சம்பவம் எல்லாரையும் தூக்கி வாரி போட்டிருக்கு. 

இது மருத்துவமனையோட தூய்மையும் பாதுகாப்பும் எவ்வளவு மோசமா இருக்குனு காட்டுது. இதுக்கு கடுமையா கண்டனம் சொன்ன மக்களவை எதிர்க்கட்சித் தலைவர் ராகுல் காந்தி, இதை “வெறும் விபத்து இல்ல, முழுமையான கொலை”னு கடுமையா சொல்லி, மத்திய அரசையும் மாநில அரசையும் கிழி கிழினு கிழிச்சிருக்கார்.

செப்டம்பர் 2 மற்றும் 3-ம் தேதிகளில், மருத்துவமனையோட என்ஐசியு வார்டுல இருந்த இரண்டு பச்சிளம் குழந்தைகளை எலிகள் கடிச்சிருக்கு. ஒரு குழந்தையோட விரல்களை எலி கடிச்சது, இன்னொரு குழந்தையோட தலை மற்றும் தோள்பட்டையை கடிச்சிருக்கு. மருத்துவமனை நிர்வாகம் சொல்றது, முதல் குழந்தை செவ்வாய்க்கிழமை (செப்டம்பர் 2) நிமோனியாவால செத்துபோச்சு, இன்னொரு குழந்தை புதன்க்கிழமை (செப்டம்பர் 3) இரத்தத் தொற்றுனால (செப்டிசீமியா) செத்துபோச்சுனு. 

இதையும் படிங்க: பிரதமரே இது உங்களோட பொறுப்பு!! உடனே பண்ணுங்க! மோடிக்கு ராகுல் காந்தி ரிக்வெஸ்ட்!!

இந்தக் குழந்தைகள் ரெண்டும் பிறவி குறைபாடுகளோட ரொம்ப பலவீனமான நிலையில் மருத்துவமனையில் அட்மிட் ஆகியிருந்ததா டாக்டர்கள் சொல்றாங்க. ஆனா, எலி கடிச்சது அவங்களோட உடல்நிலையை இன்னும் மோசமாக்கிருச்சுனு குழந்தைகளோட உறவினர்களும் ஆர்வலர்களும் குற்றம் சொல்றாங்க.

ராகுல் காந்தி தன்னோட எக்ஸ் பக்கத்துல இதப் பத்தி பதிவு போட்டு, “இந்தூரில், மத்தியப் பிரதேசத்தோட பெரிய அரசு மருத்துவமனையில் எலி கடிச்சு ரெண்டு பச்சிளம் குழந்தைகள் செத்துப்போயிருக்கு. இது வெறும் தற்செயல் இல்ல, இது முழுமையான கொலை. இந்த சம்பவம் ரொம்ப கொடூரமானது, மனுஷத்தன்மையே இல்லாதது, உணர்ச்சியற்றது. இதப் பத்தி கேள்விப்பட்டாலே உடம்பு நடுங்குது,”னு சொல்லியிருக்கார். மேலும், “சுகாதாரத் துறையை வேணும்னே தனியாருக்கு தாரைவார்த்துட்டாங்க. 

இப்போ சிகிச்சை பணக்காரங்களுக்கு மட்டும்தான். ஏழைகளுக்கு, அரசு மருத்துவமனைகள் இனி உயிரைக் காப்பாத்துற இடங்களா இல்ல, மரணக் குகைகளா மாறிடுச்சு. பிரதமர் மோடியும், மத்தியப் பிரதேச முதல்வரும் தலைகுனிஞ்சு வெட்கப்படணும். உங்க அரசு நாட்டில் கோடிக்கணக்கான ஏழைகளோட சுகாதார உரிமையைப் பறிச்சுடுச்சு. இப்போ குழந்தைகள் அவங்க அம்மாவோட மடியிலிருந்து பறிக்கப்படுறாங்க,”னு கடுமையா விமர்சிச்சிருக்கார்.

இந்த சம்பவத்துக்கு அப்புறம், மருத்துவமனை நிர்வாகம் ரெண்டு செவிலியர்களையும் ஒரு செவிலிய மேற்பார்வையாளரையும் சஸ்பெண்ட் பண்ணிருக்கு. தூய்மைப் பணிகளைப் பார்த்த தனியார் நிறுவனத்துக்கு ஒரு லட்சம் ரூபாய் அபராதம் விதிச்சு, விளக்கம் கேட்டிருக்கு. மாநில மனித உரிமைகள் ஆணையம் மருத்துவமனை கண்காணிப்பாளருக்கு நோட்டீஸ் அனுப்பி, ஒரு மாசத்துக்குள்ள அறிக்கை கொடுக்கச் சொல்லியிருக்கு. 

தேசிய குழந்தைகள் உரிமைகள் பாதுகாப்பு ஆணையம் (NCPCR) இந்தூர் மாவட்ட ஆட்சியருக்கு நோட்டீஸ் அனுப்பி, மூணு நாளுக்குள்ள நடவடிக்கை அறிக்கை கொடுக்கச் சொல்லியிருக்கு. மாவட்ட ஆட்சியர் ஆஷிஷ் சிங் மருத்துவமனைக்கு நேரா போயி பார்த்துட்டு, மூணாவது தரப்பு தணிக்கை மூலமா தூய்மையையும் பூச்சி கட்டுப்பாட்டையும் சோதிக்க சொல்லியிருக்கார்.

ஜன் சுகாதார அபியான் என்கிற என்ஜிஓ, இந்த சம்பவத்தை “குழந்தைகள் உரிமைகளுக்கும் மருத்துவமனை பாதுகாப்பு விதிகளுக்கும் எதிரான பெரிய மீறல்”னு சொல்லி, சுதந்திரமான விசாரணையும், மாநிலம் முழுக்க மருத்துவமனைகளில் பூச்சி கட்டுப்பாட்டு ஆய்வும் கேட்டிருக்கு. இந்த மருத்துவமனையில் இதுக்கு முன்னாடியும் 2021-லயும் 2014-லயும் எலி பிரச்சினை வந்திருக்கு, ஆனா இன்னும் தீர்வு பண்ணப்படலனு சொல்றாங்க.

இதையும் படிங்க: ரெடியா இருந்துக்குங்க! வெடிகுண்டு வீசப்போறேன்!! ராகுல்காந்தி பேச்சால் பீகாரில் வெடித்தது சர்ச்சை!!