தமிழக பாஜக தலைவர் நயினார் நாகேந்திரன் காங்கிரஸ் கட்சியினர் மீது கடும் கண்டனத்தை தெரிவித்துள்ளார். நாடாளுமன்றத்தில் பிரதமர் நரேந்திர மோடி மீது தாக்குதல் திட்டமிட்டதாக வெளியான தகவல்களை அடிப்படையாகக் கொண்டு, அவர் எக்ஸ் தளத்தில் வலுவான பதிவு ஒன்றை வெளியிட்டுள்ளார்.

நயினார் நாகேந்திரன் தனது பதிவில், காங்கிரஸ் கட்சி காழ்ப்புணர்ச்சியால் கண்ணை மறைத்து மாபெரும் வரலாற்றுப் பிழையை இழைத்துள்ளதாக குற்றம்சாட்டியுள்ளார். ஜனாதிபதி உரைக்கு நன்றி தெரிவிக்கும் தீர்மானத்தை நிறைவேற்றும் போது பிரதமர் மோடி மீது தாக்குதல் தொடுக்க சதித் திட்டம் தீட்டியதாக வெளியான தகவல் அதிர்ச்சி அளிப்பதாக அவர் குறிப்பிட்டுள்ளார்.

இதுவரை சொந்த கட்சிக்குள் அடிதடி போட்டுக்கொண்டிருந்த காங்கிரஸார், இப்போது நாட்டின் மிக உயர்ந்த பொறுப்பில் உள்ள பிரதமர் மோடியையே குறி வைத்துள்ளது ஆபத்தான அறிகுறி என அவர் விமர்சித்துள்ளார். தொடர் தோல்விகளால் மன உளைச்சலுக்கு ஆளாகி, பாராளுமன்றத்தில் பழி தீர்க்க முயன்றது சமூக விரோத செயல் என்று கடுமையாக கண்டித்துள்ளார்.

இதையும் படிங்க: இந்த தப்பை மட்டும் பண்ணிறாதீங்க!! மோடி கறார்! டெல்லி என்.டி.ஏ - எம்.பி மீட்டிங்கில் ஸ்ட்ரிக்ட் ஆர்டர்!

இதனால், சட்டவிரோத செயல்பாட்டுக்கு துணை போன அனைத்து காங்கிரஸ் எம்பிக்களும் கூண்டோடு பதவி விலக வேண்டும் என்று அவர் வலியுறுத்தியுள்ளார். மேலும், பொதுமக்களிடம் பகிரங்கமாக மன்னிப்பு கேட்க வேண்டும் எனவும் தெரிவித்துள்ளார். இல்லையெனில், தமிழக பாஜக சார்பில் பெரும் மக்கள் போராட்டங்கள் நடத்தப்படும் என்று எச்சரிக்கை விடுத்துள்ளார்.

இந்த விவகாரம் தேசிய அளவில் பெரும் விவாதத்தை ஏற்படுத்தியுள்ளது. பிரதமர் மோடி மூன்றாவது முறையாக மக்களால் தேர்ந்தெடுக்கப்பட்டவர் என்பதால், இத்தகைய குற்றச்சாட்டுகள் அரசியல் களத்தில் பதற்றத்தை அதிகரித்துள்ளன. தமிழகத்தில் பாஜகவின் இந்த கண்டனம், வரும் சட்டமன்றத் தேர்தலுக்கு முன்பு கூட்டணி அரசியலில் புதிய திருப்பத்தை ஏற்படுத்தலாம் என்று அரசியல் வட்டாரங்கள் கருதுகின்றன.

இதையும் படிங்க: ரூ.45 லட்சம் கோடி முதலீட்டு வாய்ப்பு!! எரிசக்தித் துறையில் முதலீடு செய்யுங்கள்!! மோடி அழைப்பு!