தேனி சிறையில் பேரதிர்ச்சி… காவலர்களை தாக்கிவிட்டு 17 கைதிகள் தப்பியோட்டம்… நடந்தது என்ன?
தேனி மாவட்டத்தில் சிறைக் கைதிகள் தப்பியோடியுள்ள நிலையில், விழுப்புரம் மாவட்டம் முழுவதும் நள்ளிரவில் 500-க்கும் மேற்பட்ட போலீசார் தீவிர சோதனையில் ஈடுபட்டு வருகின்றனர்.
தேனி மாவட்டம், ஆண்டிப்பட்டி அருகே உள்ள தேக்கம்பட்டியில் மாவட்டச் சிறைச்சாலை இயங்கி வருகிறது. மிகவும் பாதுகாப்பான சிறைச்சாலை எனக் கூறப்படும் இந்தச் சிறையில், 500-க்கும் மேற்பட்ட விசாரணைக் கைதிகள் அடைக்கப்பட்டுள்ளனர்.
இந்நிலையில், நேற்று இரவு வழக்கம்போல் பாதுகாப்புப் பணியில் ஈடுபட்டிருந்த காவலர்களைத் தாக்கிவிட்டு, பிரதான நுழைவு வாயில் வழியாக 17 கைதிகள் கொண்ட கும்பல் தப்பியோடியதாகத் தகவல் வெளியாகியுள்ளது.
இந்தத் தகவலைத் தொடர்ந்து, தப்பியோடிய கைதிகள் பிற மாவட்டங்களுக்குச் செல்லக்கூடும் என்பதால், அவர்களைப் பிடிக்கத் தீவிர சோதனை நடத்துமாறு காவல்துறையினருக்கு உத்தரவிடப்பட்டுள்ளது.
இதையும் படிங்க: ஆபத்து… ஆபத்து…!! – இந்த பக்கம் வராதீங்க… முக்கிய மலைப்பாதையில் வாகனங்கள் செல்ல தடை விதிப்பு…!
அதேபோல், சந்தேகத்திற்கிடமான நபர்கள் யாரேனும் தென்பட்டால், அவர்களைப் பிடித்து விசாரிக்கவும், அவர்களிடம் அடையாள அட்டை உள்ளதா என்பதைச் சரிபார்க்கவும் அறிவுறுத்தப்பட்டுள்ளது.
விழுப்புரம் மாவட்டக் காவல் கண்காணிப்பாளர் மதிவாணன் உத்தரவின் அடிப்படையில், மாவட்டம் முழுவதும் காவல்துறையினர் உஷார்படுத்தப்பட்டுள்ளனர்.
இதையடுத்து, 500-க்கும் மேற்பட்ட போலீசார் நான்கு வழிச்சாலை சந்திப்புகள், தேசிய நெடுஞ்சாலைகள் மற்றும் அந்தந்த காவல் நிலைய எல்லைகளுக்கு உட்பட்ட பகுதிகளில் தீவிர சோதனையில் ஈடுபட்டு வருகின்றனர்.
சந்தேகத்திற்கிடமான நபர்களைத் தனியாக அழைத்துச் சென்று விசாரணை மேற்கொண்டும் வருகின்றனர். தொடர்ந்து, விழுப்புரம் மாவட்டம் முழுவதும் காவல்துறையினர் தீவிர சோதனை மற்றும் விசாரணையில் ஈடுபட்டு வருகின்றனர். இதுதொடர்பான தகவல்களைத் தற்போது பார்த்துக் கொண்டிருக்கிறோம்.
இதையும் படிங்க: பொன்னி அரிசி வழங்குவதில் முறைகேடு..! எம்எல்ஏவிடம் வாக்குவாதம்..! கம்பத்தில் சலசலப்பு.!!
