தொழில் முதலீடுகளை ஈர்ப்பதற்காக லண்டனுக்கு அரசுமுறைப் பயணம் மேற்கொண்டிருக்கிறார் முதலமைச்சர் விஜய். இந்நிலையில், இந்தப் பயணத்தின் ஒரு அங்கமாக வரும் செப்டம்பர் 15ஆம் தேதி லண்டனில் வாழும் தமிழர்களை முதலமைச்சர் விஜய் சந்திக்கிறார்.

தமிழ்நாட்டிற்கு தொழில் முதலீடுகளை ஈர்க்கும் நோக்கில் முதலமைச்சர் விஜய் லண்டனுக்கு அரசுமுறைப் பயணம் மேற்கொண்டுள்ளார். முதலமைச்சராக பொறுப்பேற்ற பிறகு விஜய் மேற்கொள்ளும் முதல் வெளிநாட்டுப் பயணம் என்பதால், இந்தப் பயணம் அரசியல் மற்றும் தொழில் வட்டாரங்களில் முக்கியத்துவம் பெற்றுள்ளது.

லண்டன் சென்றுள்ள முதலமைச்சர் விஜய், பிரிட்டன் மற்றும் ஐரோப்பிய நாடுகளைச் சேர்ந்த தொழில் நிறுவனங்களின் பிரதிநிதிகளைச் சந்தித்து தமிழ்நாட்டில் முதலீடு செய்வதற்கான வாய்ப்புகள் குறித்து பேச்சுவார்த்தை நடத்த உள்ளார்.

இதையும் படிங்க: தமிழுக்கு பேரிழப்பு..! சாலமன் பாப்பையா மறைவுக்கு முதல்வர் விஜய் இரங்கல்.!

குறிப்பாக, மேம்பட்ட உற்பத்தி, ஆட்டோமொபைல், மின்சார வாகனங்கள், வாகன உதிரிபாகங்கள், மின்னணுவியல், பொறியியல், ஜவுளி, தோல் மற்றும் காலணி உள்ளிட்ட துறைகளில் புதிய முதலீடுகளை ஈர்ப்பதற்கு முக்கியத்துவம் அளிக்கப்பட உள்ளது.

தமிழ்நாட்டில் ஏற்கனவே செயல்பட்டு வரும் வெளிநாட்டு நிறுவனங்களின் முதலீடுகளை விரிவுபடுத்துவது மட்டுமின்றி, புதிய நிறுவனங்களையும் தமிழகத்திற்கு கொண்டு வருவதற்கான நடவடிக்கைகள் குறித்தும் இந்தப் பயணத்தின்போது ஆலோசனை நடத்தப்பட உள்ளது.

இதனிடையே, இந்தியா–இங்கிலாந்து இடையேயான வர்த்தக ஒப்பந்தம் நடைமுறைக்கு வந்துள்ள நிலையில், அதன் மூலம் தமிழகத்திற்கு கிடைக்கக்கூடிய ஏற்றுமதி மற்றும் முதலீட்டு வாய்ப்புகளையும் பயன்படுத்திக் கொள்வதில் தமிழக அரசு கவனம் செலுத்தி வருகிறது.

முதலீடுகளை ஈர்ப்பதுடன், விளையாட்டுத் துறையிலும் இந்தப் பயணத்தில் கவனம் செலுத்தப்படுகிறது. லண்டனில் உள்ள சில்வர்ஸ்டோன் மோட்டார் பந்தயத் தளத்திற்குச் செல்லும் முதலமைச்சர் விஜய், அங்கு நடைபெறும் சர்வதேச கார் பந்தய நிகழ்விலும் பங்கேற்கிறார்.

தமிழ்நாட்டில் சர்வதேச தரத்திலான மோட்டார் ஸ்போர்ட்ஸ் நகரம் அமைக்கும் திட்டம் முன்னெடுக்கப்பட்டு வரும் நிலையில், சில்வர்ஸ்டோன் பந்தயத் தளத்தின் செயல்பாடுகள், பாதுகாப்பு ஏற்பாடுகள் மற்றும் கட்டமைப்புகள் குறித்து நேரில் பார்வையிடுவதற்கும் இந்தப் பயணம் வாய்ப்பாக அமையும் என எதிர்பார்க்கப்படுகிறது.

இதற்கிடையே, லண்டனில் வசிக்கும் தமிழர்களை முதலமைச்சர் விஜய் சந்திக்க உள்ளதும் இந்தப் பயணத்தின் முக்கிய நிகழ்வாக உள்ளது. வரும் செப்டம்பர் 15ஆம் தேதி மதியம் சுமார் 2 மணியளவில், லண்டனில் முதலமைச்சர் விஜய் தங்கியிருக்கும் ஹோட்டலில் இந்தச் சந்திப்பு நடைபெற உள்ளதாக தகவல் வெளியாகியுள்ளது.

முதலமைச்சர் விஜய் லண்டன் சென்றடைந்தபோது அங்கு வசிக்கும் தமிழர்கள் உற்சாக வரவேற்பு அளித்திருந்தனர். இந்நிலையில், விஜய்யை நேரில் சந்திக்க லண்டன் வாழ் தமிழர்கள் மிகுந்த ஆர்வம் காட்டி வருகின்றனர்.

முதலீடுகளை ஈர்ப்பது, தொழில் நிறுவனங்களுடன் பேச்சுவார்த்தை நடத்துவது, விளையாட்டுத் துறையில் சர்வதேச வாய்ப்புகளை ஆராய்வது மற்றும் லண்டன் வாழ் தமிழர்களைச் சந்திப்பது என பல்வேறு முக்கிய நிகழ்ச்சிகள் இடம்பெறும் வகையில் முதலமைச்சர் விஜய்யின் லண்டன் பயணம் அமைந்துள்ளது.

முதலமைச்சராக பொறுப்பேற்ற பிறகு விஜய் மேற்கொள்ளும் முதல் வெளிநாட்டுப் பயணம் என்பதால், இந்தப் பயணம் தமிழ்நாட்டின் தொழில் வளர்ச்சி மற்றும் சர்வதேச முதலீடுகளை ஈர்ப்பதில் எந்த அளவுக்கு பலன் அளிக்கும் என்ற எதிர்பார்ப்பு அதிகரித்துள்ளது.

இதையும் படிங்க: உட்காரும் இடத்தில் உறுத்துதா? இவங்களுக்கு எதுக்கு சுதந்திரம்.? முதல்வருக்கு சீமான் காட்டமான கேள்வி..!