தேவையா.? பேரவையில் குழாயடி சண்டை…! சிபிஎம் சண்முகம் குற்றச்சாட்டு..!
சட்டசபையில் குழாயடி சண்டை நடப்பதாக சண்முகம் கருத்து தெரிவித்துள்ளார்.
தமிழக சட்டமன்றத்தில் தற்போது நடைபெறும் விவாதங்கள் மக்களின் நலன் தொடர்பான ஆக்கப்பூர்வமான கருத்துக்களை விட, தேவையற்ற கூச்சல்களையும் பழைய வரலாற்று விமர்சனங்களையும் அதிகம் கொண்டிருப்பதாக மார்க்சிஸ்ட் கம்யூனிஸ்ட் கட்சியின் மாநிலச் செயலாளர் பெ.சண்முகம் கடும் கண்டனம் தெரிவித்துள்ளார்.சட்டமன்ற அவை அறையில் அடிக்கடி குழப்பமும் சண்டையும் ஏற்படும் சூழல் உருவாகி வருவதைச் சுட்டிக்காட்டிய அவர், ஐந்தாண்டு மற்றும் பத்தாண்டு பழைய நிகழ்வுகளை மீண்டும் மீண்டும் எடுத்துப் பேசி தேவையற்ற இரைச்சலை உருவாக்குவதை விமர்சித்தார்.
இதுபோன்ற செயல்பாடுகள் சட்டமன்றத்தின் மதிப்பைக் குறைப்பதோடு, மக்களின் உண்மையான பிரச்சினைகளைப் பேசும் வாய்ப்பையும் பறித்துவிடுவதாக அவர் குறிப்பிட்டார்.சட்டமன்ற நேரலை ஒளிபரப்பை வரவேற்பதாகத் தெரிவித்த பெ.சண்முகம், அதே நேரத்தில் தேவையற்ற பிரச்சினைகளை எழுப்பி சவால் விடும் போக்கை மக்கள் ஏற்க மாட்டார்கள் என்று எச்சரித்தார். மக்கள் சட்டமன்ற உறுப்பினர்களிடம் எதிர்பார்ப்பது அவர்களின் அன்றாட வாழ்க்கை தொடர்பான சிக்கல்களுக்குத் தீர்வு காண்பதையும், ஆக்கப்பூர்வமான கொள்கை விவாதங்களையும் தான் என்பதை அவர் வலியுறுத்தினார்.
சட்டமன்றத்தில் ஆக்கப்பூர்வமான கருத்துக்களைப் பேச போதிய வாய்ப்பு அளிக்கப்படவில்லை என்றும் அவர் காட்டம் தெரிவித்தார். மக்கள் பிரதிநிதிகள் தங்கள் கருத்துக்களைச் சுதந்திரமாகவும் அமைதியாகவும் வெளிப்படுத்தும் சூழல் உருவாக்கப்பட வேண்டும் என்றும், அவை நேரத்தை வீணடிக்கும் செயல்களுக்கு முற்றுப்புள்ளி வைக்க வேண்டும் என்றும் அவர் வலியுறுத்தினார்.சட்டமன்றம் என்பது மக்களின் குரலாக அமைய வேண்டிய அரங்கம்.
இதையும் படிங்க: மக்கள் என்ன நினைப்பாங்க.? கட்டுப்பாடே இல்ல… சபாநாயகர் பிரபாகர் வருத்தம்..!!
அங்கு நடைபெறும் விவாதங்கள் நாட்டின் வளர்ச்சிக்கும் மக்கள் நலனுக்கும் பங்களிக்கும் வகையில் இருக்க வேண்டும் என்பதே அவரது கருத்தாக அமைந்தது. தேவையற்ற கூச்சல்களுக்குப் பதிலாக, ஆக்கப்பூர்வமான உரையாடல்களை ஊக்குவிக்கும் வகையில் அவை நடத்தப்பட வேண்டும் என்றும் அவர் கோரிக்கை விடுத்தார்.
இதையும் படிங்க: பினாமிகளைப் பிடித்து உள்ளே போடுங்கள்.! பேரவையில் புயலை கிளப்பிய ஆதவ் அர்ஜுனா..!!
