தமிழ்நாட்டில் திராவிட முன்னேற்றக் கழக ஆட்சியின் கீழ் பெண்களின் பாதுகாப்பு தொடர்பாக எழுந்துள்ள குற்றச்சாட்டுகள் அரசியல் மற்றும் சமூக வட்டாரங்களில் கடும் விவாதங்களை உருவாக்கியுள்ளன. எதிர்க்கட்சிகள், சமூக ஆர்வலர்கள் மற்றும் பொதுமக்கள் சிலர் திமுக ஆட்சியில் பெண்களுக்கு எதிரான குற்றங்கள் அதிகரித்திருப்பதாகவும், மாநிலத்தில் சட்டம் ஒழுங்கு சீர்கெட்டிருப்பதாகவும் குற்றம்சாட்டுகின்றனர்.
திமுக அரசு பெண்களின் பாதுகாப்பை உறுதிப்படுத்துவதில் தோல்வியடைந்துவிட்டதாக விமர்சித்து வருகின்றன. தமிழ்நாட்டில் உள்ள திமுக அரசின் இந்த ஒட்டுவேலை மாதிரியின் கீழ் பெண்கள் பாதுகாப்பு போன்ற முக்கியமான பிரச்சினைகள் உட்பட பல பிரச்சினைகள் புறக்கணிக்கப்படுவதாக அண்ணாமலை தெரிவித்துள்ளார்.
மேலும் சமீபத்திய NARI 2025 தரவரிசை நம் சகோதரிகள் தங்கள் பாதுகாப்பைப் பற்றி எப்படி உணருகிறார்கள் என்பதை உண்மையிலேயே பிரதிபலிக்கிறது என்றும் தெரிவித்தார். சென்னையின் 61.7% மதிப்பெண் தேசிய சராசரியை விடக் குறைவாக உள்ளது மற்றும் கணக்கெடுப்பில் சேர்க்கப்பட்டுள்ள 31 நகரங்களில் 21வது இடத்தில் உள்ளது என்பதை சுட்டிக்காட்டினார்.
இதையும் படிங்க: ஒரே மேடையில் இபிஎஸ் - அண்ணாமலை... மூப்பனார் நினைவிடத்தில் சுவாரஸ்ய நிகழ்வு...!
தமிழ்நாட்டில் இன்று, போதைப்பொருள் மற்றும் மது தெருவை ஆட்சி செய்கிறது, மேலும் பெண்களின் பாதுகாப்பு பின்தங்கியுள்ளது என்றும் குற்றம்சாட்டி உள்ளார். இதை நல்லாட்சி என்று திமுக கூறினால், மோசமான நிலை எப்படி இருக்கும் என்று கற்பனை செய்ய ஒருவர் நடுங்குவார் என்றும் அண்ணாமலை கூறியுள்ளார்.
இதையும் படிங்க: வாக்குறுதி சாக்கடைக்கு போச்சு! மக்கள் குறை குப்பைக்கு போச்சு... திமுகவை விளாசிய அண்ணாமலை