மக்களே உஷார்..! ஸ்பீக்கரில் போன் பேசினால் நடவடிக்கை? அரசு பேருந்துகளில் புதிய உத்தரவு..!!

அரசு பேருந்துகளில் பயணிகள் செல்போன் பயன்பாட்டுக்கு புதிய நெறிமுறைகள் அமலுக்கு வருகின்றன. தமிழ்நாடு அரசு போக்குவரத்துத் துறை செயலாளர் நிர்மல் ராஜ் சார்பில் வெளியிடப்பட்ட சுற்றறிக்கையின்படி, அரசு பேருந்துகளில் பயணிகள் செல்போன் பயன்படுத்தும் முறையில் முக்கிய மாற்றங்கள் கொண்டுவரப்பட்டுள்ளன. இந்த நடவடிக்கை சக பயணிகளுக்கு ஏற்படும் இடையூறுகளைத் தடை செய்யவும், பேருந்துப் பயணத்தை அமைதியானதாகவும் வசதியானதாகவும் மாற்றவும் உதவும் என எதிர்பார்க்கப்படுகிறது. 

அரசு பேருந்துகளில் பயணம் செய்யும் பயணிகள் தங்கள் செல்போனைப் பயன்படுத்தும்போது சக பயணிகளுக்கு எந்தவித இடையூறும் ஏற்படாத வகையில் நடந்துகொள்ள வேண்டும் என அறிவுறுத்தப்பட்டுள்ளது. குறிப்பாக, ஸ்பீக்கர் மோடில் பேசுவது, வீடியோக்களை ஒலியுடன் பார்ப்பது போன்ற செயல்களை முழுமையாகத் தவிர்க்குமாறு கேட்டுக்கொள்ளப்பட்டுள்ளது. இத்தகைய செயல்கள் பிற பயணிகளுக்கு அசௌகரியத்தை ஏற்படுத்துவதால் இந்தத் தடை அமல்படுத்தப்படுகிறது.

பயணிகள் செல்போன் பயன்படுத்த விரும்பினால் இயர்போன் அல்லது ஹெட்போன் பயன்படுத்தி தனிப்பட்ட முறையில் பயன்படுத்துமாறு வலியுறுத்தப்பட்டுள்ளது. இதன்மூலம் பேருந்தின் உள்ளே அமைதி நிலவும் மற்றும் அனைவரும் சிரமமின்றி பயணிக்க முடியும். மேலும், பேருந்து ஓட்டுநர்கள் தங்கள் பேருந்துகளில் சத்தமான பாடல்கள் அல்லது ஒலியை ஒலிக்க விடக்கூடாது எனவும் தெளிவான உத்தரவு பிறப்பிக்கப்பட்டுள்ளது. இது பயணிகளின் வசதிக்காகவும், பாதுகாப்பான பயணத்தை உறுதி செய்வதற்காகவும் எடுக்கப்பட்ட நடவடிக்கையாகும்.

இதையும் படிங்க: தி.மலை இடுக்கு பிள்ளையார் கோவில்… பறிபோகும் உயிர்கள்..! உடல் பருமன் உள்ளவர்களுக்கு தடை..!

இந்தப் புதிய நெறிமுறைகளைப் பயணிகளுக்கு தெரியப்படுத்தும் வகையில் அனைத்து அரசு பேருந்துகளிலும் விழிப்புணர்வு ஸ்டிக்கர்கள் ஒட்ட உத்தரவு வழங்கப்பட்டுள்ளது. இந்த ஸ்டிக்கர்கள் பயணிகளுக்கு தொடர்ச்சியான நினைவூட்டலாக இருக்கும். ஓட்டுநர்கள் மற்றும் நடத்துநர்களும் இந்த விதிமுறைகளைப் பயணிகளுக்கு தெரிவிக்கவும், கடைப்பிடிக்கச் செய்யவும் பொறுப்பேற்றுள்ளனர். இந்த சுற்றறிக்கை அரசு போக்குவரத்துத் துறையின் சார்பில் அனைத்து போக்குவரத்துக் கழகங்களுக்கும் அனுப்பி வைக்கப்பட்டுள்ளது. பயணிகளின் வசதியையும், பேருந்துப் பயணத்தின் தரத்தையும் மேம்படுத்தும் நோக்கில் எடுக்கப்பட்ட இந்த நடவடிக்கை பொதுமக்களிடம் வரவேற்பைப் பெறும் என எதிர்பார்க்கப்படுகிறது. 

இதையும் படிங்க: இன்று முதல் உதகைக்கு செல்ல தடை.. சுற்றுலா பயணிகளுக்கு செம்ம ஷாக்.. வனத்துறை அதிரடி..!