தமிழக வரலாற்றில் ஒரே நேரத்தில் 17 சிறைக் கைதிகள் தப்பிய சம்பவம், தேனி மாவட்ட காவல்துறை மட்டுமின்றி ஒட்டுமொத்த தமிழக காவல்துறையினர் மத்தியிலும் பெரும் அதிர்ச்சியையும் பதற்றத்தையும் ஏற்படுத்தியுள்ளது.

17 கைதிகளையும் பிடிப்பதற்காக 17 சிறப்புக் குழுக்கள் அமைக்கப்பட்டுள்ளன. தப்பியோடிய ஒவ்வொரு கைதியும் தங்களது குடும்பத்தினர் அல்லது உறவினர்களை நோக்கிச் சென்றார்களா என்பது குறித்தும் காவல்துறையினர் தொடர்ந்து விசாரணை நடத்தி வருகின்றனர்.

இதுவரை நான்கு பேர் பிடிபட்டுள்ளனர். நேற்று நள்ளிரவில் மதுரையைச் சேர்ந்த பிரவீண் குமார் என்ற கைதி பிடிபட்டார். இதையடுத்து, இன்று அதிகாலையில் மேலும் மூன்று பேரை காவல்துறையினர் பிடித்துள்ளனர்.

இதையும் படிங்க: தேனி சிறையில் பேரதிர்ச்சி... காவலர்களை தாக்கிவிட்டு 17 கைதிகள் தப்பியோட்டம்... நடந்தது என்ன?

அதன்படி, மதுரையைச் சேர்ந்த ராஜா சிக்கந்தர், ராஜ்குமார் மற்றும் தேனியைச் சேர்ந்த சிலம்பரசன் ஆகிய மூன்று பேரும் பிடிபட்டுள்ளனர். இதுவரை மொத்தம் நான்கு கைதிகள் பிடிபட்டுள்ள நிலையில், தப்பியோடிய எஞ்சிய 13 கைதிகளையும் காவல்துறையினர் பல்வேறு இடங்களில் தேடி வருகின்றனர்.

தேனி மாவட்டத்துக்கு அருகிலுள்ள கேரளாவுக்குச் செல்லும் பாதைகள் மற்றும் மாவட்ட எல்லைகள் அனைத்தும் உஷார்படுத்தப்பட்டு, தீவிரக் கண்காணிப்பு மேற்கொள்ளப்பட்டு வருகிறது.

இதனிடையே, தேனி மாவட்ட சிறைச்சாலையில் விசாரணை கைதிகள் தப்பிய சம்பவம். சிறைக் காவலர்கள் பற்றாக்குறை காரணமாகவே கைதிகள் தப்பியதாக அதிர்ச்சி தகவல் வெளியாகியுள்ளது. 

தேனி மாவட்டம் ஆண்டிப்பட்டி அருகே தேக்கம்பட்டியில் உள்ள தேனி மாவட்ட சிறைச்சாலையில் 334 விசாரணை கைதிகள் அடைக்கப்பட்டு இருந்தனர். விசாரணை கைதிகள் மட்டுமே இங்கு அடைக்கப்படுவது வழக்கம். இந்நிலையில் நேற்று இரவு 17 கைதிகள் சிறைக்காவலர்களை தாக்கி தப்பி ஓடி உள்ளனர்.

இந்த சிறை சாலையில் ஒரே அறையில் தங்கி இருந்த 17 கைதிகளில் ஒருவருக்கு வலிப்பு வந்ததாக கூறி நாடகம் ஆடி சிறை காவலர் தாக்கி விட்டு சிறையின் பிரதான வாயில் வழியாக தப்பி ஓடி உள்ளனர்.

சிறையில் இருந்து தப்பி சென்ற விசாரணை கைதிகளை பிடிக்கும் பணி முடுக்கி விடப்பட்டுள்ளது. விசாரணை கைதிகளை பிடிக்க 17 தனிப்படைகள் அமைக்கப்பட்டு மாவட்ட மற்றும் மாநில எல்லைப் பகுதிகளில் வாகன தனிக்கையில் காவல் துறையினர் ஈடுபட்டு வருகின்றனர்.

தப்பி ஓடிய 17 கைதிகள் அனைவரும் வழிப்பறி, செயின் பறிப்பு , திருட்டு சம்பவத்தில் ஈடுபட்டு சிறையில் அடைக்கப்பட்டுனர். தப்பிய 17 கைதிகளும் ஒரே பிளாக்கில் அடைக்கப்பட்டு இருந்தனர் இதுவரை பிரவீன், சிலம்பரசன், ராஜ்குமார், ராஜா சிக்கந்தர் என்ற கைதிகள் பிடிபட்டுள்ளனர்.

மூன்று அடுக்கு பாதுகாப்பு உள்ள இந்த மாவட்ட சிறைச்சாலையில் 30 காவலர்கள் பணியில் இருந்து இருக்க வேண்டும், ஆனால் நேற்றைய தினம் வெறும் நான்கு சிறைகாவலர்கள் மட்டுமே பணியில் இருந்துள்ளனர். இதற்கு முன்னமே கைதி ஒருவருக்கு வலிப்பு ஏற்பட்டு சிறையில் இருந்து மருத்துவமனைக்கு கொண்டு சென்றனர். இதை முகாந்திரமாக வைத்தும் காவலர்களும் அதிக அளவு இல்லை என்பது அறிந்து திட்டமிட்டு தப்மி உள்ளது தெரிய வந்துள்ளது.
 

இதையும் படிங்க: கைதிகள் தப்பியோட்டம்..! என்ன சால்ஜாப்பு சொல்ல போறீங்க.? கனிமொழி எம்பி கண்டனம்.!