நாம் தமிழர் கட்சியின் துரைமுருகன் நடத்தும் சாட்டை யூடியூப் சேனலுக்கும் தனது கட்சிக்கும் எந்த தொடர்பும் இல்லை என நாம் தமிழர் கட்சி ஒருங்கணைப்பாளர் சீமான் தெரிவித்திருந்தார். தமிழர் கட்சியின் கொள்கை பரப்பு செயலாளராக இருக்கும் துரைமுருகன் சாட்டை என்ற யூடியூப் சேனலை நடத்தி வருகிறார். இதில் பல்வேறு விவகாரங்கள் குறித்து பேசி வரும் துரைமுருகன் சமீபத்தில் சில கட்சி தலைவர்களை விமர்சித்தும் கூட்டணி குறித்தும் பேசியதில் சீமானுக்கு உடன்பாடு இல்லாததால் இருவருக்கும் இடையே புகைச்சல் ஏற்பட்டதாக கூறப்படுகிறது 

இந்நிலையில் நாம் தமிழர் கட்சி ஒருங்கிணைப்பாளர் சீமான் வெளியிட்ட அறிக்கையில் "சாட்டை" வலையொளிக்கும் அதில் வருகின்ற கருத்துகள், செய்திகள் அனைத்தும் அவரது தனிப்பட்டக் கருத்தாகும். அவற்றிற்கு எந்தவகையிலும் நாம் தமிழர் கட்சி பொறுப்பு ஏற்காது என்பதை இதன் மூலம் தெரிவித்துக்கொள்கிறோம்'' எனக் குறிப்பிட்டிருந்தார். 

இதையும் படிங்க: அமித் ஷா கொடுத்த அசைன்மெண்ட்; விஜய், சீமானுக்கு பறந்த தூது.. எடப்பாடிக்கு இப்படியொரு நிலைமையா?

இந்நிலையில் தனது எக்ஸ் தளக்கணக்கில் நாம் தமிழர் கொள்கை பரப்பு செயலாளர் என்ற பொறுப்பை சாட்டை துரைமுருகன் நீக்கி உள்ளது நாம் தமிழர் கட்சியில் பரபரப்பைக் கிளப்பியுள்ளது. இதனால் சாட்டை துரைமுருகன் கட்சியில் இருந்து நீக்கப்பட்டாரா? அல்லது அவர் கட்சியிலிருந்து விலகுகிறாரா? போன்ற பல்வேறு சந்தேகங்களை கிளப்பியுள்ளன. 

சாட்டை துரைமுருகன் ஒரு பிரபலமான தமிழ் யூடியூபர், நாம் தமிழர் கட்சியின் கொள்கை பரப்பு செயலாளர்களாக இருக்கிறார். அவர் "சாட்டை" என்ற யூடியூப் சேனலை நடத்தி வருகிறார். இதில் அரசியல், சமூகப் பிரச்சினைகள், தமிழ் தேசியம் தொடர்பான விவாதங்களை பதிவு செய்கிறார். அவரது வீடியோக்கள் பெரும்பாலும் சர்ச்சைக்குரியவையாக இருக்கின்றன. அவர் பலமுறை அவதூறு, பொது அமைதியை சீர்குலைத்தல் போன்ற குற்றச்சாட்டுகளில் கைது செய்யப்பட்டுள்ளார்.
 

இதையும் படிங்க: ஒரே மேடையில் சீமான், அண்ணாமலை; பகீர் கிளப்பும் பாஜக அரசியல் கணக்கு... பதற்றத்தில் திராவிட கட்சிகள்...!