பாலஸ்தீனத்தில் இஸ்ரேல் நடத்துற இராணுவ தாக்குதல்கள், உலக அளவில் பெரிய சர்ச்சையை கிளப்பியிருக்கு. இந்த விவகாரத்தில், இந்திய அரசு மவுனமா இருக்குறதை காங்கிரஸ் பொதுச் செயலாளரும், வயநாடு எம்.பி-யுமான பிரியங்கா காந்தி வத்ரா கடுமையா கண்டிச்சிருக்காங்க. 

ஆகஸ்ட் 12, 2025-ல், X-ல பதிவு செய்த பதிவில், “இஸ்ரேலிய அரசு இனப்படுகொலை செய்யுது. 60,000-த்துக்கு மேல மக்களை கொன்னுருக்கு, இதுல 18,430 பேர் குழந்தைகள். நூற்றுக்கணக்கானவர்களை பட்டினியால கொன்னுருக்கு, இதுலயும் பல குழந்தைகள் இருக்காங்க. இப்போ மில்லியன் கணக்கான மக்கள் பட்டினியால வாடுறாங்க, மரணத்தை நெருங்குறாங்க. இந்த கொடூர குற்றங்களை மவுனமா வேடிக்கை பார்க்குறது குற்றம்தான். இஸ்ரேல் பாலஸ்தீன மக்கள் மேல அழிவை கட்டவிழ்க்கும்போது, இந்திய அரசு அமைதியா இருக்குறது வெட்கக்கேடு,”னு ஆவேசமா எழுதியிருக்காங்க.

இதோடு, அல் ஜசீரா ஊடகத்தின் ஐந்து பத்திரிகையாளர்கள் காஸாவில் இஸ்ரேல் நடத்திய தாக்குதலில் கொல்லப்பட்டதை, “பாலஸ்தீன மண்ணில் நடந்த மற்றொரு கொடூர குற்றம்”னு பிரியங்கா கண்டிச்சிருக்காங்க. “உண்மையை உலகுக்கு சொல்ல துணிஞ்சவங்களோட தைரியத்தை இஸ்ரேலின் வன்முறையாலயோ, வெறுப்பாலயோ உடைக்க முடியாது. இந்த பத்திரிகையாளர்கள், அதிகாரத்துக்கும், பணத்துக்கும் அடிமையான ஊடக உலகில், உண்மையான பத்திரிகைன்னா என்னனு நமக்கு காட்டியிருக்காங்க. அவங்க ஆன்மா சாந்தி அடையட்டும்,”னு மற்றொரு X பதிவில் சொல்லியிருக்காங்க.

இதையும் படிங்க: கைதாகி விடுதலையான I.N.D.I.A கூட்டணி எம்.பிக்கள்!! இரவு விருந்து கொடுத்து அசத்திய கார்கே!!

இதுக்கு பதிலடியா, இந்தியாவுக்கான இஸ்ரேல் தூதர் ரூவன் அசார், “உங்க வஞ்சகம்தான் வெட்கக்கேடு. இஸ்ரேல் 25,000 ஹமாஸ் பயங்கரவாதிகளை கொன்னுருக்கு. மக்கள் இறப்புக்கு காரணம், ஹமாஸ் அப்பாவி மக்களை கேடயமா பயன்படுத்துறது, அவங்க மீது துப்பாக்கியால் சுடுறது, ராக்கெட் தாக்குதல் நடத்துறது. இஸ்ரேல் 2 மில்லியன் டன் உணவை காஸாவுக்கு அனுப்பியிருக்கு, ஆனா ஹமாஸ் அதை திருடி பசியை உருவாக்குது. கடந்த 50 வருஷத்துல காஸாவோட மக்கள் தொகை 450% வளர்ந்திருக்கு, இனப்படுகொலை இல்லை. ஹமாஸ் கொடுக்குற எண்ணிக்கையை நம்பாதீங்க,”னு X-ல பதிலடி கொடுத்தார்.

பிரியங்காவோட இந்த கருத்து, இந்தியாவின் வெளியுறவு கொள்கையில் பெரிய விவாதத்தை உருவாக்கியிருக்கு. காங்கிரஸ் கட்சி, கடந்த ஒரு வருஷமா பாலஸ்தீன மக்களுக்கு ஆதரவா குரல் கொடுத்து வருது. கடந்த டிசம்பர் 2024-ல், பிரியங்கா, ‘பாலஸ்தீன்’னு எழுதப்பட்ட பையை நாடாளுமன்றத்துக்கு எடுத்துட்டு வந்து, பாஜகவை கடுப்பாக்கினார். இது “அரசியல் தந்திரம்”னு பாஜக குற்றம்சாட்டியது. மேலும், ஐ.நா-வில் இஸ்ரேல்-ஹமாஸ் மோதல் பற்றிய தீர்மானத்தில் இந்தியா வாக்களிக்காம இருந்ததை, “மவுனமா இஸ்ரேலை ஆதரிக்குறது”னு பிரியங்கா விமர்சிச்சிருக்காங்க.

இஸ்ரேல் தரப்போ, அல் ஜசீரா பத்திரிகையாளர் அனஸ் அல்-ஷரீஃப் ஒரு ஹமாஸ் தீவிரவாதி, அவரோட இராணுவ தொடர்பை உறுதிப்படுத்துற ஆவணங்கள் இருக்குனு சொல்றாங்க. ஆனா, ஐ.நா மனித உரிமை அலுவலகம், இந்த தாக்குதலை “சர்வதேச மனிதாபிமான சட்டத்தை மீறியது”னு கண்டிச்சிருக்கு. பத்திரிகையாளர் பாதுகாப்பு கமிட்டி (CPJ) படி, அக்டோபர் 2023-லிருந்து காஸாவில் 184 பாலஸ்தீன பத்திரிகையாளர்கள் கொல்லப்பட்டிருக்காங்க, இது ரஷ்யா-உக்ரைன் போரில் கொல்லப்பட்டவர்களை விட 10 மடங்கு அதிகம்.

இந்தியாவோட மவுனம், இஸ்ரேலுடனான பொருளாதார, இராணுவ உறவுகளை பாதுகாக்கவேனு விமர்சகர்கள் சொல்றாங்க. 2024-ல் இந்தியா-இஸ்ரேல் வர்த்தகம் 10 பில்லியன் டாலரை தொட்டிருக்கு. ஆனா, பிரியங்காவோட குரல், இந்தியாவின் பாரம்பரிய பாலஸ்தீன ஆதரவு நிலைப்பாட்டை நினைவூட்டுது.

இதையும் படிங்க: காணவில்லை!! காங்., எம்.பி பிரியங்கா காந்தி மிஸ்ஸிங்!! வயநாடு எஸ்.பி-யிடம் புகார் கொடுத்த பாஜக!!